14 - 7 - 2021, 05:07 PM
|
| |
|
لاصرت شخص تحترم من حواليك
 
لا صرت شخصٍ تحترم من حواليك
معناه:ماهو ضعف ، والا بـ تهلك
اخلاق بيتك خلها تنعكس فيك
والنَّاس من فعلتك تثني على اهلك
واللي عيونه وقت الاهوال تبكيك
قدّر عيونٍ من مصابك بكت لك
ولا تبيع اللي بالأرواح شاريك
اذا ضمي ورّده من فوق نهلك
ما دام رب الكون يِفْقر ويغنيك
ما تأخذ الا كل شيٍ كتب لك
وان شفت صكات الليالي تعنيّك
غيرك قلوبٍ ودّها لو شكت لك
واختر خويك زين واختر معاديك
لا صار حقك معه ما ينهضم لك
وما دام تقدر *ساعد*؛ووش نقص فيك
حظك بـ ناس يوم تهجع دعت لك
ترى الرخامه للقمم ما تودّيك
لو كنت وانا اخوك تملك وتملك
تحتاج يوم ولا تحصَّل مفاليك
وتطلب اللي صبغته مثل شكلك
ويرد من ردّك وتكره محاكيك
ماهو كما اللي لا طلبته فزع لك
فلا تقول انك بـ تكبر ويمديك
قدم يدْك للطيب لا مَدُّها لك
ولا تحتقر غيرك وتكثر عزاويك
مصيرها الأيام تظلم وتحلك
وسوق الفعول الطيبه والتباريك
ادخل منه ما دام بابه فتح لك
لو زادت أموالك وطالت مبانيك
يوم يجي ضدك ويوم يجي لك
نايف بن حكمان
الموضوع الأصلي :
لاصرت شخص تحترم من حواليك || الكاتب :
النورسيه || المصدر :
شبكة همس الشوق |
عضويتي
العرض العادي
