20 - 3 - 2021, 04:05 AM
|
| | | |
SMS ~
[
+
] | | | | | |
|
لوعة العاشق
 
قالوا لي العبْ قلتْ ماني بلعوب إلَّا مَزوحٍ عند صافِي الجبينِ(ي)
ألاعبه وأفرح إلـى صرت مغلوب وأشوف وجهه لي غلبني يزيني
وأطرب على ضحكه وهو حيل طَروب وأنادِمه في لحظة أحلى سنيني
حبيبي اللي كل ما فيه محبوب ترخص له الدِّنيا وما كان فيني
اللي يجيني كل ما غاب لهـوب أونس حرارة لاهبه في كنيني
وكني على غيره من الناس مغصوب وكن العمر ياقف بليا ظنيني
وأصير بين يدين الأيام مقضوب والليل يجلد بالسهر موق عيني
يضحك بي الشامت إذا قلت ما أتوب ويحزن صديق العمر مما يجيني
ليته يغطي لوعة العاشق الثوب وإلا عيوني مـا تبيّن حنيني
وإن كان تعذيب المحبين مكتوب على عذاب الحب ربي يعيني
الموضوع الأصلي :
لوعة العاشق || الكاتب :
حنين الأشواق || المصدر :
شبكة همس الشوق |
عضويتي
العرض العادي
