 | |
اخي الزائر لديك رسالة خاصة من شبكة همس الشوق للقراءة ! اضغط هنا !  | \r\n
  
\r\n \r\n\r\n\r\n\r\n\r\n\r\n\r\n\r\n\r\n \r\n \r\n\r\n \r\n\r\n\r\n\r\n\r\n\r\n\r\n\r\n\r\n[color="white"] \n يسرني ويسعدني ان اطرح اولى قصصي في منتداكم الشامخ وارجوا ان تنال اعجابكم \n \nفي احد لقرى القريبه من المدينة تدور احداث هذي القصه \nفي بيت من الطين يتكون من غرفتين ومطبخ وحوش كبير كانت ام سالم قايمه من قبل الفجر بشوي واخذت عجين مخمرته من البارح حتى تعمل خبز على الصاج لزوجها واولادها وجمعت الحطب التي توقد به النار تسوي الخبز وبينما الصاج يحمي على النار قامت و صحت اولادها للصلاه ويتجهزو للمداسهم اللي مش بعيده من قريتهم ايقضت اولادها ورجعت الى النار التي اوقدت وعليها الصاج لعمل الخبز وهي كذالك اذا بصوت ينادها يام سالم صحيتي الاولاد للصلاه وهي منهمكه في عمل الخبز قالت ايه يابوسالم وكعادة الرجال قديما هم من يعملون القهوه في المكان المخصص للرجال (المقلط ). \nبيت ام سالم يتكون من ابو سالم وام سالم وحصة وريم وعلي والجد والجده . \nوبينما ام سالم منهمكه في عمل الخبز وحصه ابنتها \nقالت حصة :وين ملابس المدرسه يمه \nقالت ام سالم : في الكبت \n قالت حصة ابوي شرى لي اللي طلبته الابله مني البارح \nقالت ام سالم :ايه وتحصلينه عندك في غرفتك \nوبينما حصه تكلم امها اذ بصوت ريم يمااااه \n قالت ريم : يامه وين اللي طلبته البارحه منك \n قالت ام سالم :يابنتي مامدانا انجيبه يابنتي اليوم ان شاء الله نحيبه صحات ريم باعلى صوتها \nوقالت بطريقه استهزاء (الله طلبات حصووه تنفذونها ووطلباتي محد ايجيبها قاطعها ابوها افا ليه تقولين هذا الكلام كلكم سوى يابنبتي مابينكم فرق بس الوقت كان ضيق ولا فيه وقت لكن ابشري مثل ماقالت امك اليوم بنجيب طلباتك قالت ريم هين بنشوف !!! \nام سالم :يابنات قوموا اخوكم من النوم علشان يصلي ويحلق على الفطور \n \nقالت حصه : ابشري نصحي سالم سالم .. \nسالم قم للصلاة والمدرسه . \nسالم عمره 8سنوات واخته حصه عمرها 15سنه وريم عمرها 10سنوات قام سالم من نومه وهو اف اف اف كل يوم مدرسه ضحكت اخته وهي تصحيه من النوم وتقول له ايه كل يو مدرسه اجتمعت العائله على الفطور وهذا لابد منه كل يوم ذهب الاولاد الى مدارسهم وجلست ام سالم وابو سالم يتقهون بعد مارحوا العيال لمدارسهم يضحكون على تصرفات عيالهم وتاففهم وتثاقلهم في قومه الصباح \nقال ابوسالم :وين امي وابوي ( الشيبان ) \nقالت ام سالم :شيبانك في غرفتهم تعرف الشيبان يحبون يغطون في النوم شوي قام ابو سالم يتفقد شيبانه وفتح عليهم باب بشوي شوي وهو فاتح الباب فتح ابوه عيونه وابوسالم يفتح الباب شويوشوي \nقال الجد : ترى حن صاحين ياولدي قبل يد وراس ابوه وهو على فراشه وقبل يد وراس امه وهي على فراشه وقالهم الفطور جاهز اجيبه لكم هنا \nقالت الجده : ايه ياولدي نادى ابو سالم ام سالم جيبي فطور الشيبان عندهم جات ام سالم وهي شاليه صينيه كبيره فيها الفطور من خبز الصاج اللي سويته مع الحليب والقهوه والتمر اخذت تصب على الشيبان وهي تضحك وتسولف معهم قام ابوسالم واستأذن من شيبانه وزوجة وقال بروح الحق على شغلي قبل لاتاخر عليهم وكان ابوسالم يشتغل سائق سياره كبيره في احدى الشركات واحيانا" يسوق بمدير الشركه عندما يغيب سواقه وكذالك يسوق بالمهندسين الاجانب لمعرفتة بالغه الانجليزيه الشئ البسيط وكان رجل خفيف الظل الكل يحبه وذو اخلاق عاليه وملتزم بالوقت وعمله وفي هذا اليوم بالذات تاخر على غير العاده على عمله واول مادخل مع بوابة الشركه قاله حارس الامن يابو سالم المدير سأل عنك اكثر من عشر مرات قال المدير وصل وهو يضحك على حارس الامن وقال حارس الامن والله اني صادق ان المدير يسال عليك ارتاب ابوسالم وقال في نفسه عسى خير المدير مداوم من الصبح وصل الى مكتب المدير وجلس عند السكرتير حتي يخبر المدير بوصوله قبل لاتجلس يابو سالم المدير في انتظارك دخل ابو سالم على المدير واذا معه رجل ابيض البشره جسمه ليس بنحيف ولا امتلئ له شارب ولحيه خفيفه وكان في وجهه الابتسامه وهو ينظر الى ابو سالم \n قال المدير :شنهو اللي اخرك يابوسالم \n قال ابوسالم : انا تاخرت دقايق بسب الزحمه قاطعهم الرجل وقال حصل خير \nفقال المدير :هذا جاسم صاحب الحلال وصاحب شركتنا طلب مني ترشيح احد السوقين اللي هنا يكون سواق معه طول اقامته عندنا فخترتك وبيض وجهنا عنده \nقال ابوسالم \n :ابشرمسك المدير يد ابو سالم وقال له \n \n \n \nتبغون تعرفون شنهو قال المدير لبوسالم \nوفي الجزء الثاني ان شاء الله \nاتقبل النقد بصدر رحب \nبقلمي \r\n \r\n \r\n \r\n الموضوع الأصلي :\r\nبيت من الطين الجزء الاول || الكاتب :\r\nابوصالح || المصدر :\r\nشبكة همس الشوق \r\n\r\n\r\n\r\n\r\n\r\n\r\n\r\n\r\n\r\n\r\n\r\n\r\n \r\n \r\n \r\n \r\n \r\n\r\n\r\n \r\n \r\n\r\n\r\n\r\n\r\n\r\n\r\n \r\n\r\n\r\n\r\n \r\n\r\n\r\n \r\n \r\n \r\n \r\n \r\n \r\n \r\n  \r\n \r\n \r\n \r\n \r\n \r\n \r\n \r\n \r\n \r\n \r\n | ||||||||||||||||||||||||||||||||||||||||||||||||||||
| \r\n رسالة لكل زوار منتديات شبكة همس الشوق | \r\n
| \r\n عزيزي الزائر أتمنى انك استفدت من الموضوع ولكن من \r\n اجل منتديات شبكة همس الشوق يرجاء ذكر المصدرعند نقلك لموضوع ويمكنك التسجيل معنا والمشاركة معنا والنقاش في كافه المواضيع الجاده اذا رغبت في ذالك فانا لا ادعوك للتسجيل بل ادعوك للإبداع معنا . للتسجيل اضغظ هنا . |
عضويتي
العرض الشجري
