3 - 10 - 2011, 01:41 PM
|
| |
مـاهي تجيني منك يالغـالي افـا
 
الطيـر لاكسـرت جنحانـه يطيـر؟
هـذا السـؤال الـي يـدوج بالخفـا
,,
ماهمنـي مابعـد هـذا وش يصيـر
الي حصل في صفحه الماضـي كفـا
,,
مابين خـوف الله وتأنيـب الظميـر
ماخاب اي شخصن لوجـه الله عفـا
,,
انـا السفيـر الـي يدورلـه سفيـر
وانـا الوفـي الـي زمانـه ماوفـا
,,
شفت الزمن لبسني الثـوب الحريـر
وثوبـه يبنجنـي لطعنـات القـفـا
,,
ماعاد ابي ثوبه وابي ثـوب الفقيـر
الـي احـس بلبستـه ستـر ودفـا
,,
اسهـل مابالدنيـا برستيـج الاميـر
بس المصيبه لـو بعـد نـاره طفـا
,,
من عاش وقتـه لايجـار ولايجيـر
محـدن بداريبـه مشـى والا لـفـا
,,
والكلمه الـي حدهـا حـد الشطيـر
لاقال شخصن تحسب حسابه افـااااااا
,,
ياااااااكبرها كبراااااااااه في عين الكبير
وياصغرهـا للـي بمرجلتـه هـفـا
,,
الحمل ماشاله سـوى ظهـر البعيـر
الـي تبيـن فـي مواطيـه الحفـا
,,
البارحه تقريب فـي حـزة عصيـر
كنه خفوقي قطـن فـي دار السفـا
,,
طـرا علـي الحـب الاول والاخيـر
الـي معلقنـي علـى جسـر الجفـا
,,
وش هو سبب هالصد والدنيا بخيـر
ليتـه مأكـد صـددتـه والا نـفـا
,,
ماني بناقص هم تكفـااااا يالعشيـر
جفنك ينـام وجفـن غيـري ماغفـا
,,
ابك انت غير وغيـر اي والله غيـر
لوهو صفا جـوي بدونـك ماصفـا
,,
لاكن خذ الشرهه وانا اخبـرك كبيـر
ماهي تجيني منك يالغالي افـاااااا
الموضوع الأصلي :
ماهي تجيني منك يالغالي افا || الكاتب :
الفدرالي || المصدر :
شبكة همس الشوق |
عضويتي
]
العرض العادي
