الله ياذا الوقت يجزيك بالخيـر**كشفت لي كـــــــل الأمور الخفيـه

أهمها تحديد وضعي مع الغيـر**فـــــــرقت بين الطيَبـه والرديـه

اللي لهم تقدير من فـــوق تقدير**أهل المراجل والعلوم الخفيـه

واللي صداقتهم لأجل الدنانير**بالرخص بعــنا في حراج العشيه

تنكروا لي في الظروف المعاسير**لاقيت منـــــهم سيًة بعـد سيًـه

ياما خسرنا لجلهم من مخاسيـر**كنا نقول إن العـــــــلاقـه قويـه

أثري محبتهم دعايـة وتزويـر**وأنا مصـــــــدقهم على طيب نيـه

والله فلا أذكر يوم جينا بتقصير**إلا الهـــــدايا والكـرم والعطيـه



احتراماتي

منقول