قدم لكم طبق دجاج مقرمش و من ألد ما يكون بالصور وبطريقتين
طبق دجاج مقرمش بطريقتين
مقادير طبق دجاج مقرمش و من ألد ما يكون بالصور الطريقة الأولى
فخاض الدجاج على حسب الاشخاص
معلقة صغيرة من كل :
ملح، زعتر، سكسنجبير، خرقوم بلدي، ابزار، 2 دريسات التومة، 2 معالق كبار خل، 2 معالق كبار موطارد، 1 معلقة كبيرة قزبر مدقوق،( يمكن ليكم تعوضوا موطارد بدانون مسوس )، 2 معالق كبار صلصة الصوجا،
نفس التوابل غادي نستعملوها للطريقة الثانية
طريقة تحضير طبق دجاج مقرمش و من ألد ما يكون بالصور الطريقة الأولى
نخلطو جميع التوابل
ونرقدو فيهم الفخيدات مدة ساعة اوأكثر
من بعد نعملوهم يتبخروا فالكسكاس مدة 20 دقيقة
طريقة تحضير طبق دجاج مقرمش و من ألد ما يكون بالصور الطريقة الثانية
ناخدو هبرة بيبي او هبرة الدجاج على حسب الموجود عندك في الدار نفرشو ميكة غدائية ونحطو اطراف الدجاج ونغطي بالميكة وناخد المدلك و نحاولو نبسطوهم حتى ترقاق عندنا الهبرة وتولي كلوريقة
بهاد الشكل ونرقدوهم فخلطة التوابل
العمارة
ناخدو خيزو نقطعوه مربعات صغار ونصلقوهم في ماء مملح
بطاطا حتى هي نصلقوها في ماء مملح ونعركوها وهي سخونة شوية
كاشير محكوك
شوية فروماج احمر محكوك
شوية ديال المعدنوس
تناخد الميكة الغدائية ونسرحوها ونحط فيلي تاع الدجاج ونبدا نعمرو نديرو شوية بطاطة، خيزو، كاشير، فرماج احمر، وفي الاخير المعدنوس ونلويوه بحال شكل الفقاص
نجمعوا مزيان من الجنب ونعملوه فالكسكاس يتبخر مدة 20 دقيقة
هنا الشهيوات طابوا مزيان
نخلطو شوية ديال الموطارد وصلصلة الصوجا نخلطهم مزيان وندهنو بيهم الدجاج وندوزهم فالكورن فليكس بعدما نكونو هرمشناه شوية بالمدلك الصور تتوضح ليكم المراحل الا مكانش عندكم الكورن فليكس يمكن ليكم تعوضوه بلاشابلير او الخرطال او الزنجلان حت هما تيعطيوه مداق زوين وتيجي مكرمل
وندخلهم للفرن يتحمرو
الموضوع الأصلي :
دجاج مقرمش بالصور وبطريقتين || الكاتب :
أزهار الجـوري || المصدر :
شبكة همس الشوق
الأعضاء الذين قاموا بتقييم هذا الموضوع : 0
عضويتي
]
دجاج مقرمش بالصور وبطريقتين 
العرض الشجري
