10 - 3 - 2011, 08:25 AM
|
| |
|
دخيل الغلا
 
دخـــــيل الغلا...
دخيل الغلا اللي راح واللي وقف مرتااب
بسميه عشقٍ وإنت مدري وش تسميـه
ودخيل العيون اللي عليها الحلا جـذااب
تشوف الولع فيهم ولا تدري وش تاليه
دخيل المكان اللي جمعنا ولا هو إعجااب
إذا لي معزة طـاري البعـد لاتطريـه
لو تشوف وضعي عند ماتلتقي الأهداب
لـك الله لـو لـك نيـةٍ بالجفـا تلغـيـه
أنا وإنت غايب كن وسط العيوون ترااب
تنام الخلايق ولا أنا النووم مالي فيـه
ذبحني غلاك اللي سرى مثل سم الدااب
طفح بالعروق وكـل ماوافقـه ينهيـه
بقى قلبي اللي ماذبحته وهو منصـااب
أنا ادري تبي تستوطنه يومـك تخليـه
سكنته وهو عمره قفل بالوجيه البـااب
أنا أعرف قلبي لاعشق لارحـم واليـه
يجي كله من أقصاه ويحب بإستغـراب
وفا فيه ماهو مع بشرر ليتـك تداريـه
ترفق على قلبٍ تلـوع بـك ولا تـاب
تعذب ولامنـه نـوى البعـد مايمديـه
تمكنت به حيث الولع مثل غرس الناب
مصيبتك تدري بس ليه المفـارق ليـه
دخيلك على بعضك ولاهي بدعوى عتاب
تعيد النظر فالبعـد مـن قبـل لاتبديـه
عليك الله أكبر وأنت حكمك شريعه غاب
تجيب الطعون وتجرح الخافق وتدميـه
وأنا أموت فيك وصال وأموت فيك غياب
وإهي موتة وحده مع فـارق التشبيـه
ومن قال مابه موت بالحب قل كـذاب
(جميل وبثينة) ماذبحهن مرض ياهيـه
أحبك ومن حبك خسرت أغلب الأصحاب
أذاعاتبونـي فيـك أعتابهـم مابيـه
أحبك ولا تسأل حبيبي عـن الاسبـاب
أنا لو أعرف أسباب حبك قدرت أنهيـه
أنا بسألك؟ هو صحيح الهـوى غـلاب
أنا بنصح اللي مثل شـرّواي لايمشيـه
ومن لايحّسب بالهوى للفراق أحسـاب
لك الله ماغنـى سلامـه يبـي يغنيـه
مثل هل دمعي وإنت رايح وطرق حجاب
ومثل مارمى عبدالحليم الزهر يرميـه
وإذا فيه بكتاب النحو للفـراق إعـراب
فهو فعل مطلق والجفا ماضيـه
ألا ليت ربي ماخلـق بالغـرام غيـاب
وإذا فيه فرقا طـاري الحـب لانطريـه
الموضوع الأصلي :
دخيل الغلا || الكاتب :
صمتي شموخ || المصدر :
شبكة همس الشوق  |
عضويتي
العرض العادي
