موالح الشاي بين يدينك

#1 8 - 2 - 2013, 11:24 PM

موالح الشاي بين يدينك

" فطآئر البيبروني "

المقادير :

حلقات خبز توست (ابيض - اسمر )
|| كل شريحه خبز بتطلع لك حلقتين .. وباقي الخبز اطحنيه ثم جففيه واستخدميه بقسماط ||
شرائح جبن شيدر ( برايد )
حلقات ببروني
جبن موزريلا + بابريكا + اوريقانو
جبن سايل ..

الطريقه :

ناخذ حلقه خبز ( ابيض - او - اسمر )
ندهنها بشوي جبن سائل .. ثم حلقه جبن شدير

|| بتقولون حرام اذا قطعنا دائره من كل شريحه جبن حلقه رح يبقى منه جبن .. لا تخافون مرح اقولكم ارموه .. لا اتركوه ع جنب .. وكملوا الموضوع رح اقولكم وش نسوي فيه ||

ثم حلقه ببروني .. واخيرا جبن الموزريلا ( هنا خلطت جبن الموزريلا مع شوي بابريكا واوريقانو )

نصفهم في صينيه .. و ع طوول ع الفرن

دقائق والفطائر جاهزه ..

<< ( ملاحظه : بنات الببروني مثل ما انتو عارفين دسم .. فـ اول ماتطلع من الفرن بيكون عليها طبقه زيتيه .. اذا كان يضايق الدهن (مثلي ) بمنديل اضغطي ع الفطاير ع الخفيف لاجل يمتص الدهن الزائد ..) <<

... وبكذا نكون خلصنا النوع الأول من الفطائر ..

شفتو قد ايش سهله وبسيطه والنتيجه مذهلةة

النوع الثاني من الفطائر ..

" الكروسآن المنزلي

طبعا سميته منزلي .. لان شكله نشوفه دائما في محلات الفطائر الفاخره ..
بس قليل نشوفه احد مسويه بالبيت

المقادير :

كروسان جاهز ..
جبن شيدر شرائح ..
ببروني مشوح ع النار بدون زيت ( لانه فيه دهن )
خس امريكي ..
مرتديلا ..

الطريقه ..

( كروسان المرتديلا )

نشق الكروسان من النص بس مانوصلها للاخير ( يعني تكون من الاخير ماسكه في بعضها )
نضع شرائح الخس ثم المرتديلا ثم الجبن ..

( كروسان الببروني )

نفس خطوات كروسان المرتديلا بس نستبدل المرتديلا بالببروني

و النتيجةة :

النوع الثالث من الفطائر ..

"وردآت التونةة و اللبنةة "

اترككم مع الصور ثم اقولكم ع الطريقة

وردات الجبن ..

وردات التونه ..

الطريقه :

نفرد شريحه توست بعد ما قطعنا حوافها .. قم نقطعها ع شكل ورده ..
بقوالب الكب كيك ( الصغيره ) نضع في كل كب ورده ( على ان حواف الورده تكون بارزه شوي ) << يعني يكون للورده حواف مرتفعه ..

ثم ندهنها بـ زيت زيتون مع شوي ثوم بودره واوريقانو ..
ندخلها الفرن لحد ما تتحمر الاطراف ..

بكذا خلصنا الاساس ..
نجي الحين للحشوات ..
لكـ حريه الإبداع في الحشوات ..

انا سويت منها نوعين ( جبنه - تونه )

حشوه الجبنه :

باقي جبن ( فطائر الببروني ) + شوي كريمه خفق +رشه ملح وفلفل + شطه سومطره
وشوي بهارات= ( ثوم بودره -اوريقانو - بابريكا ) .. حسب ما تحبين من بهارات .. بس لاتكثرون حتى لاتطغى نكهه البهارات ع نكهه الجبن ,.. بالخلاط لحد مايكون عندنا خليط شوي ثقيل

وفي قمع تزيين الحلويات سوي لك احلى وردات جبن .. ورشيها بـ باريكا

حشوه التونه :

بسطه وسهله ..
تونه + مايونيز + كاتشب + شوي ليمون + بهارات >> اخلطيهم زين ثم حشي فيهم الوردات ..
واخيرا .. بقطاعات ورد صغيرات اقطعي من شرائح الجبن الشيدر الاشكال اللي تحبينها وزيني فيها التونه ثم رشيها بـ بابريكا

النوع الرابع من الفطائر :

" رولآت التونةة "

وهذي مثل الوردات مالحقت اصورها ..

نفرد خبز توست بعد ما قطعنا الاطراف ..
ثم نشوي حشوه تونه ( مثل حشوه وردات التونه ) ..
نضع ملعقه صغيره من التونه << وننتبه ما نكثر لاننا اذا بدينا نلفها رح تطلع التونه برا التوست
نفرد التونه ع شريحه التوست ثم نقطع شريحه جبن شيدر لنصفين .. (لاتقولون قليله تكفي وزياده )

بعد ما فردنا التونه نضع نص شريحه الجبنه ع اول شريحه التوست ثم نبدأ نلفها ..
رح تلاحظون ان شريحه الجبنه رح تمشي معكم وبتوقف ع حافه شريحه التوست << يمكن صعب تتخيلونها لكن لما تطبقونها رح تتذكرون كلامي ..
وبالاخير ..

نقطع كل روله توست لـ 3 قطع .. ونقدمها بورق بلاسيه حلو ومرتب ..

النتيجه ..

.. صورتها لكم من صينيه التقديم ..

النوع الخامس والآخير : ..

" تآرت اللبنةة الحآرةة "

المقادير :

كاس طحين
اصبع زبده
م ص سكر بودره
نص م ص ملح
2 م ك جبنه بارميزان
م ك اوريقانو
نص فنجان ماء بارد

بمحضره الطعام لحد ما يكون عندنا عجينه شبه متماسكه
نلملمها ع بعض ثم نغلقها وندخلها الثلاجه ربع ساعه

نفردها ونقصها ع شكل دائره .. نضعهم في قوالب الكب كيك الصغيره ونخرمها بالشوكه ( ومثل ما قلت بالوردات اقول هنا ) .. نسوي لهم حواف مرتفعه ..

نخبزهم لـ حد ما تتشقر ..

ثم نحشيها باللبنه الحاره بـواسطه قمع الحلويات ونزينها بالفلفل الاحمر الحال المخلل

حشوهـ اللبنهـ :

لبنه + فلفل احمر مخلل حار مقطع صغير + شطه سومطر + رشه ثوم واوريقانو

وبكذا اكووون خلــصــت من موالح الشــاي الغريبه والجديده ..

وهذي صور لهم في صينيه التقديم ..

وهذي بعض الصور .. لـ موالح شآآي

جمعت فيها بين الغريب والمعتاد ..

تشوفون هنا جنب تارت اللبنه الحاره تارت عليه شبكه
هذي سهله مره ..
نسويها مثل عجينه تارت اللبنه بس الاختلاف الحشوه ، حشيتها خضار ثم سويت شبكه عليها بصوص البشاميل ..

وهذي فطائر جبن شيدر .. ( نسوي فطائر عاديه بس نحشيها جبن شيدر ونزينها بالسمسم وحبه البركه )

فطائر الفلافل المفتوحه ..( نشري من الخبازين ميني مفرود - يجي حجمها حجم راحه اليد - ونحشيها فلافل وبقدوس وصلصه طحينه )..

و موآلح الشآي بين يدينك
المجآل مفتوح لك

تبدعين
تخترعين

نال اعجابي واتمني ينال اعجابكم

الموضوع الأصلي : موالح الشاي بين يدينك || الكاتب : الحالمه || المصدر : شبكة همس الشوق

9 - 2 - 2013, 12:09 AM

.

اختيار راااائع
سلمت يمناااك

..

8 - 3 - 2013, 04:47 PM

طرح بقمـ ـة آلرووعه
تسلم روحك آلعطره .. ع آلإبدآع بِ آلطرح
يعطـ ـيك آلعآفيه

آترقب جديدك بشـ ـوق
لِ روحك كُل آلإحترآم

13 - 4 - 2013, 07:18 PM

طرق رائعه وسهله
عوافي على الطررررح

20 - 4 - 2013, 12:05 PM

5 - 5 - 2013, 03:53 AM

تسلم يمناك على الوصفه الرائع

24 - 5 - 2013, 10:35 PM

اشْكُرُك عَلَى جِمَال اخْتِيَارِك
مَانُنَحْرِم مِن جَدِيِدَك ابَدَاً
وِدّي وَاحْتِرَامِي لَك

المواضيع المتشابهه لموضوع: موالح الشاي بين يدينك لموضوع: موالح الشاي بين يدينك
الموضوع	كاتب الموضوع	المنتدى	مشاركات	آخر مشاركة
صرت اهوجس بك واحلم في منامي	حوريه	همس الشعر والقوافي	10	3 - 3 - 2023 03:08 PM
عطني يدينك 2022	حنين الأشواق	همس الشعر و الشيلات الصوتيه	2	9 - 1 - 2022 02:00 AM
جاني خيالك في منامي وفزيت	حنين الأشواق	همس الشعر والقوافي	2	27 - 11 - 2021 02:18 AM
ر يت طيفك في منامي	أمير الحــرف	همس عذب الكلام والخواطر المنقوله	6	24 - 2 - 2020 01:34 AM
اشوفك في منامي ياحبيبي عشر مرات	ياقلبي اكتفيت	همس الشعر والقوافي	3	17 - 8 - 2015 04:37 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

التسجيل مجاني
سجلاتنا تفيد بأنك غير مسجّل ,, يرجى التسجيل اسم العضو كلمة السر تأكيد كلمة السر البريد الإلكتروني تأكيد البريد الإلكتروني تاريخ الميلاد: هل انت موافق على قوانين المنتدى؟