رجعت بجعبتي هم ودموع .. ولوعة ٍ .. وحروق ..
.............. وحظ ٍ منكسر .. من كثر ماقد طاح ف إيديني
شبيه الشمس .. دام إنّ الزمن ياغايتي .. ملحوق ..
.............. أبصبر .. والعزا طيف ٍ.. مقرّه في وسط عيني
يمين الله.. ما زاحم مكانك بالحشا .. مخلوق ..
..............لحالك .. مستبيح القلب .. تذبحني وتحييني
تسلطـنـتْ بحنايا الروح .. وشرّعت الخضـوع طروق ..
.............. رغم طول المسافة .. كـنـّك بجنبي .. تباريني
وفيتْ لحبك الطاهر .. ولاّ خالفت فيه حقوق ..
.............. كأني في ( يراعك ) .. حرف .. تكتبني وتمحيني
تطـمّـن يانظر عيني ..معك .. لين الزمان يروق ..
.............. مسير العشق .. يجتاح الفراق وغصب .. يدنِـيني
أنا لكْ .. رغم كل آهات بعدي .. والعنا والعوق ..
.............. ومدامك داخل ضلوع الغلا - من جد- تكفيني
الأعضاء الذين قاموا بتقييم هذا الموضوع : 0
عضويتي
العرض الشجري