اختلفنا عند واحد ضرب واحد
هي تقول اثنين وانا اقول واحد
اختلفنا ياعرب والله شاهد
فاخرتنـي بالكتابـه وبالقـرايـه
الاشاره جمع يعني شكل زايد
عندها دبلوم في جمع الفوايد
مثل ماعندي شهاده بالقصايد
واحسب ان عندي من العلم الكفايه
قالت انته مادرست الانجليزي
قلت انا اسف بكوز ايـم بليزي
قالت اتفضـل معايـه ياعزيـزي
لاجل تاخذ درس مني في البدايـه
قالت انطق ون قلت الفين ونه
كل ونه في فؤادي مستكنه
لو سمعها كافرٍ مابه محنه
اسلم الكافر على درب الهدايه
ونةٍ من ماجرالي في زماني
من دروسٍ ماعرفها مودماني
كفي الموضوع جاني ما كفاني
العذاب اللي جرالي في النهايه
اه ليت الليل يعطيني شهاده
اني اسهر واتخبط في سواده
وان عيني ما تهنى في رقاده
وانت يالمجول ماعندك عنايه
الموضوع الأصلي :
اختلفنا عند واحد ضرب واحد || الكاتب :
همس الشوق || المصدر :
شبكة همس الشوق
الأعضاء الذين قاموا بتقييم هذا الموضوع : 0
عضويتي
العرض الشجري