قالوا علامك كلك جنـون بجنـون=قلت الجنون ابقى مع الناس صاحي
ياكيف يصحى قلب تهواه لطعـون=ياكيف يقتلنـي وياخـذ سلاحـي
اضحك وانا قلبي مع الناس مغبون=وليت البشر كانت تقـدر جراحـي
عاقل ولكني مع الهـم مسجـون=حراً وهمي الي مقصص جناحـي
تكفون ابنسى ياعرب كيف تكفون=خلوه يعتقنـي ويطلـق سراحـي
ملعون حباً يذبح النـاس ملعـون=وملعون منهو باني(ن) في مراحي
العام انا في قلبها شخص مزيـون=واذا زعلت تموت تطلب سماحـي
واليوم انا من دونها حيل محـزون=مثل الحمام الي على الغصن ناحي
ليتك عرفت بهم بالقلـب مكنـون=ذكراك مازالـت بذيـك النواحـي
ماهو جنون ان قلت خلا بي جنون=والله الجنون ان قلت مازلت صاحي