الكاتبة منار
(وتمضي الحياة)
يلا هذا البارت الأول ح يكون بس تعريف للشخصيات الموهمه ف الروايه
والشخصيات الثانيه ح تعروفها مع الاحداث
بسم الله نبدا 
محمد << ابو تركي>> وحمدان << ابو مشاري>>
اصحاب من الجنوب توظفوا بالرياض وتزوجوا من اهلها وعاشوا فيها
وكانوا ساكنين بحي واحد الجدار بالجدار
بيت محمد اللي هو ابو تركي
محمد// كانت وظيفته ممتازه وحالته الماديه في التوب
وجاه ولد اللي هوتركي وبعد سنتين صار له حادث وتوفى وكان يموت ف زوجته نجلاء
وكل املاكه كان كاتبها باسمها وورثته
أم تركي<<نجلآء>>// أنسانه هاديه ونااااعمه وأهم شي انها متفهمه تموت في ولدها تركي وتخاف عليه
ومن كثر ماتحب زوجها محمد << ابو تركي >> ماقبلت تتزوج اي احد بعده
تركي // عمره 20 تخرج من الثانوي ومانقبل ف الجامعه أبوه متوفي في حادث وأمه مربيته
وسيم .. عيونه لاصغيره ولا كبيره وفيها لمعه ..طوله وسط .... لاهو نحيف ولا متين وسط ... بشرته فاتحه
رزه يحب يتكشخ ويهتم ف نفسه مايخلي مرايه الا ويطل عليها
عصبي اي شي يعصبه بس مايطول يعصب بسرعه ويرضى بسرعه
بس اذا عصب طويل لسان مايقدر يمسك نفسه
سارينا // الشغاله 24 ساعه هواش مع تركي مايحبها ولا يبي ريحتها
.................................................. ..........................................
بيت حمدان << ابو مشاري>>
حمدان ابو مشاري// يوم جاه ولد << مشاري>> ووصل المتوسط طلق زوجته بسبب صديقتها مهره
سوت مشاكل بينهم عشان تتزوج حمدان ولعبت عليه وتزوجها
شخصيته ضعيفه زوجته مستقويه عليه ومستغله طيبته
ويحط حرته ف مشاري وظيفته عاديه معيشتهم
عنده مزرعه ويقضي اغلب وقته فيها << نفس الشي جنوبي وسكن الرياض وتزوج فيها>>
مشآري // عمره 22 متخرج من الثانوي ومفحط ف أول ثانوي مرتين صديق تركي الروح بالروح
انسان فله لأبعد درجه بايعها عايش حياته بكيفه ودفش بالحيل يموت ف شي اسمه كوره
شكله عادي الحلو فيه عيونه واسعه وعسليه ... بشرته حنطيه ... اقصر من تركي بشوي
جسمه معضل .. بس مسالم ولا يحب الهوشات
مهره // زوجة أبو مشاري قاسيه مره دايم تسوي فتنه بالبيت راعية مشاكل
ودايم تجمع جاراتها عندها وسهر للصبح وماهمها شي
تنقل كلام وتنافق وطول وقتها ع التلفون
سمينه بالحيل بشرتها بيضا عيونها صغااار بالمره وعندها خدود
أكابر // بنت مهره وأخت مشاري من ابوه عمرها 5 سنوات حلوه عيونها وساع وشعرها ناعم دبدوبه بيضا وخدودها ورديه
وعربجيه من كثر قعداتها مع أخوها مشاري تحبه بالحيل
ناصر // ولد مهره واخو مشاري من ابوه ويصير توأم أكابر عمره 5 سنوات شخصيته ضعيفه مو واثق من نفسه
دبدوب بشرته بيضا وخدوده ورديه وشعره ناعم انطوائي
.................................................. ..................
بيت سليمان << زوج أم مشاري>>
أم مشاري // << سلمى>> مطلقه ومتزوجه من واحد ثاني تركت ولدها من يوم تزوجت
واهم ماعندها زوجها لانها تخاف تخسره زي ابو مشاري
سليمان // زوج أم مشاري انسان ناجح وفاهم ف الحياه يشتغل مدرس
طويل وجسمه عريض ويلبس نظاره عنده بنت وحده من زوجته الأولى
شبابي ويحب الشباب وجلساتهم
فاتن // بنت سليمان زوج ام مشاري حلوه بالحيل طولها متوسط وجسمها حلو بشرتها بيضا شعرها اسود وطويل وناعم
عيونها وسط لونها اسود تحب ابوها بالحيل
.................................................. ..................
نجي عند شلة الدجه أصحاب تركي ومشاري
فيصل / طبعا هو خال ويسمونه<< ابو عبيد >>طيب على نياته اجتماعي وهاادي
طبعا دارس المتوسط بس وساحب ع الدراسه صوته حلوووو يحب يغني دايم
جسمه عريض طوله متوسط وطبعا اسمر من أهل الرياض
سمير/ من جماعتهم من الجنوب سكن الرياض من اربع سنوات بحكم وظيفة ابوه
طبعا فاشل دراسيا عمره 23 ومفحط بالثانوي
قصير بشرته فاتحه ملامحه طفوليه ويسمونه << سنفور >>
سعود / واحد جدي يدرس بالجامعه سنه تحظيريه دافور قسم تربيه خاصه اطول واحد فيهم
مثقف ويلبس نظاره ودايم لابس ثوب وشماغ يسمونه << أستاذ أبو طويله >>
من أهل الرياض
......................................
طبعا هذي الشخصيات الموهمه باقي الشخصيات ح تظهر مع الاحداث
الأعضاء الذين قاموا بتقييم هذا الموضوع : 0
عضويتي
رواية-وتمضي الحياة-للكاتبة منار 
العرض الشجري