:لو سمحت جا واحد يقول هو بيكون المرافق للمريض
مصعب:فمان الله بندر قصي جا أنتبه لنفسك
شفته رفع عيونه بذكر قصي أبتسمت له ورحت أشوف قصي وينه
مصعب:هلا بقصي وراك متأخر
قصي:خليها على ربك يالأخو وشلون بندر
مصعب:حاله مايسر رافض الأكل وحتى الكلام رافض يتكلم
قصي:آه محروق قلبي على الحال إلي فيه مشكور مصعب تعبتك معاي
مصعب:وش هالكلام بندر أخوي وماسويت إلا الواجب روح له الآن فمان الكريم
قصي:الله معك
توجهت لبندر قشعر جسمي كيف صار بيوم حاله كذا أسوء بكثير من قبل رحت له وأحتضنته أبي أوجاعه فيني ولا فيه أحس نفسي مكسور بالحيل لحاله بادلني الحضن وشديت عليه أكثر
بندر:قصي تكفى طلعني أبي أمي
قصي:بندر أمك بقبرها الله يرزقها الجنه
بندر:صرخ بهستيريه قلت لك أبيها وديني لها ماتفهم
قصي:بوديك بس أهدأ
دخل علينا حارس أمن
:وراكم يالأخو
قصي:جيبو مهدأ له
بندر:والله مايطفي حرقة قلبي لا مهدأ ولاشيء خذني مكاني السجن أنا أغت سكر على فم صديقه بأقوى ماعنده شكله ناوي على نفسه
:وش عندكم أنت وياه
قصي:ماأدري بس أستعدي أحد يجي يشوف حاله
شاف لي بنظره وطلع
ضربت بندر كف بكل قوتي :وش أنت مجنون ها
بندر:أيه مجنون
قصي:بندر لاتخليني أعطيك كف ثاني
بندر:قتلتوني لو كان فيكم خير ماجبتوني هنا عطوني جرعه مافيني حيل أتحمل أرحموني
قصي:بندر تك قطع كلامي دخول وحده من الممرضات ووراها عاملين ومعها أدويه بعدت عن بندر وأنا أشوف العاملين يقيدونه بالسرير بكثر صرخاته ومقاوماته حسيت قلبي يتقطع عليه أكثر بدأ جسمه بالأرتعاش والتشنج إلى أن هدأ من الأبره الي حقنوها له طلعت من عنده أشم هوا لعل الضيقه إلي فيني تخف شوي
عناد:أديم وش فيك تكلمي
أديم:عناد خمن أنت
عناد:يارب صبرك تتكلمين ولا بطلع
أديم :لا لا خلاص بتكلم أنا حامل عناد
عناد:أحلفي
أديم:والله حامل
باس راسها بفرح وأخيرا بيصير أب بعد عنها ومسك جواله وأرسل لمصعب وسكر
عناد:ماني مصدق بصير أب قومي نروح المستشفى يله
أديم:عناد وشوله نروح
عناد:بتطمن على الجنين
أديم:يله بلبس وبجيك أبتسمت بفرح لفرحة عناد ولهفته فعلاً أيقنت أن الله رزقني برجل لا يقدر بثمن ولعلك تكره شيئاً ويجعل الله فيه خيرا كثيرا(ولوعلمت مراد الله من عوضٍ لقلت حمداً إلاهي واسع الكرمي)
فتح الرساله وأبتسم بفرح رفيق دربه بيصير أب
شاف رساله من عمه سلطان وأتصل عليه
سلطان:هلا مصعب
مصعب:هلابك عمي
سلطان:رايحين لجده وراجعين بنفس اليوم مزعجتني وجدان تقول تبيك تجي معنا
مصعب:وش معكم بجده عمي
سلطان:وجدان تبي البحر طلعت فيني الشيب هالبنت
مصعب:ههههههه آمر جايكم بغير جو بس متى بتمرني
سلطان:بعد نص ساعه
مصعب:أسمع عمي
سلطان:هلا عساه خير
مصعب:كل خير عناد جاي له مصعب بالطريق
سلطان:مافهمت عليك
مصعب:مصعب الصغير جاي لنا
سلطان:وش فيك مصعب وش تقول أنت ركز بالكلام وأبتسم: الله يسعده يارب ويتمم فرحته بشوفة ولده سالم
مصعب:أمين يارب بسكر تبي شيء
سلطان:سلامتك فمان الكريم
مصعب:فمان الله
وجدان:مالي دخل بلبس هذا
سلطان:وأنا قلت هذا
وجدان:بابا ما أحب اللون الأحمر
سلطان:ألبسيه حرام التبذير ذا جالس بالدولاب ما عمرك لبستيه وبعدين هديه من مصعب
وجدان:يبه هو يعرف اني أكره اللون الأحمر ليه يجيب هاللون
سلطان:لأنه يطلع عليك حلو شفتي المثل إلي يقول كل الي يعجبك والبس ألي يعجب الناس
وجدان:وش دخل الناس ألبس ألي يعجبني أنا
سلطان:هز راسه بيأس من بنته العنيده وخلاها
وجدان:خلاص لا تروح والله بلبسه بس آخر مره بلبسه
سلطان:لماأقول لك شيء قولي تم بدون مجادله
وجدان:خلاص تم
سلطان:هذي بنتي إلي تسمع الكلام
وجدان:بابا يله عشان نطلع بسرعه
سلطان:طيب يله ألبسي معي أنا معي شغل بكره بالشركه نبي نرجع بدري
وجدان:اوك ثواني بس
مصعب :مو كأنك تأخرت هذي النص ساعه
سلطان:مو مني من وجدان والله
مصعب:سحبها له وهو يشد على شعرها موقفني هنا على شان بنتك
وجدان:مصعب ياهو فكني يبه شوفه
سلطان:تفاهمي أنتي وياه
مصعب:أشوفك لابسه الفستان إلي جبته لك مو قلتي مابتلبسيه
وجدان:من زينه عاد بس يومه أبوي خلاني ألبسه ولا ماأبيه
مصعب:الفستان حلو بس يومك لابسته صار مو حلو
وجدان:هو مو حلو بس دامي لابسته بيصير حلو أف بس جاي تعكر مزاجي ليه جيت
سلطان:هذي إلي جالسه فوق راسي أتصل على مصعب يجي معنا ومن يوم ماجا وأنتو تتهاوشون
مصعب:أقول وجدان لمي جبهتك هههههههههه
وجدان:يبه شوفه
مصعب:أقول عمي وقف لنا على طريقك على محل الشكولاه ذا
وجدان:أيه أيه يبه أنا أبي
سلطان:آمرو أنزلو وأنا بروح أعبي بنزين وأرجع توجه بسيارته لمحطة بنزين قريبه
وجدان:يابخيل خذ ذا معك كمان
مصعب:أشتريت لك كل المحل واللحين أنا بخيل
وجدان:بس ذا آخر شيء
صدح صوت تقلب السياره بحادث شنيع أجتمع الناس بخوف
مصعب:طلعت مهرول من المحل تمنيت ماشفت هالمنظر صرخت بكل قوه :تكفووون لايصير فيه شيء تكفى
:ياخوي أستهدي بالله وقوم نطلعه من السياره
مصعب:أتصلووو على الأسعاف
خطيت للسياره وأنا أرتجف رجولي ماعاد أحس فيهم شفتهم يحاولو يفتحوها لين ماانفتحت رحت لهم وأنا أجر رجولي بصعوبه طلعناه بمساعدة جماعه من الرجال وجدان:صرخت صرخه هزت أبدان الناس مصعب لايممموت
صدح صوت سيارات الأسعاف تقدم طاقم من الأطباء ومعهم أدوات الأسعاف كنت أشوف لهم بصمت حركات البعض باليأس كلمات لاحول ولا قوة ألا بالله تتردد بمسامعي
مصعب:ببحة صوت رايحه تكفى لا تقول فيه شيء قومو نسعفه
:ياخوي الرجال عطاك عمره ما فينا نسعفه
وجدان:أسكتو أبوي ما مات مصعب أسعفه لايموت وبصراخ أنهك صوتها أسفعه أقولك ماتفهممم
مصعب:حسيت راسي يدور صوت وجدان وأستنجادها فيني عمي إلي بمقام أبوي خسرته وجدان إلي صارت أمانه معي
:أمسك الرجال لاحول ولا قوة إلا بالله العلي العظيم
:ياخوي أمسكو البنت هدوها وهاتو جهاز التنفس والضغط نسعف المريض
وجدان :مصعب مصعب قوووم
ماحسيت بنفسي إلا وأنا بسيارة الأسعاف وصوت بكاء وجدان على مسامعي غمضت عيوني بقوه أبي أقنع نفسي أنه حلم أحس راسي ينفجر صوت الممرضين حولي قمت بكل قوه أبي أقاوم عشان وجدان
مصعب:بعدو مافيني شيء وجدان تعالي عندي
هزت راسها بلا وهي تنتفض وصلنا للمشفى قاومت أمشي على رجولي بكل قوتي شفت جنازة عمي داخلين بها
وجدان: بصراخ صدح في ممرات المستشفى أبييه أبيه تكفى لايمممووت لايموووت
مصعب:يادكتور جيبو أبرة مهدأ
وجدان:أبعد أبعدو أبعدو أنت قتلته ليه ليه ماأسعفته ليه مامات مامات أسكتو بعدو دم دم والله كله دمممم
ضربو لها أبرة المهدأ رغم مقاومتها للأطباء بدأ تنفسها ينتظم حملها لأحد غرف المشفى برغم رجفت يده نظر لها بنظرة شفقه ضرب راسه بالجدار مسكوه الأطباء بسرعه :سمعتو أنا قتلته أنا ما أسعفته أنا شوفو دمه بيدي يتّمت البنت حرمتها من أبوها تكلم بصراخ هستيري ملأ المكان أنااااا قتلته بدأت أنفاسه تضيق أسرعو بإحضار الأكسجين له مرضه مايسمح له يتحمل أي صدمه قلبه بدأ يضعف بسبب المرض ورفضه للعمليه عدم أتزان رجليه رجفت يداه ضيق تنفس وصدر مضطرب
عناد:هادي شوف جرب تتصل لمصعب أتصل مايرد أنشغلت عليه
هادي:مافي إلا كل خير أبتصل له أنا وأنشاءالله يرد
:الرقم الذي تتصل به مغلق أو خارج نطاق التغطيه
هادي:يمكن مشغول بعد شوي ونتصل له
عناد: طيب
قصي:توجهت لغرفة بندر وأنا أفكر بحال بندر وسالفة الخطبه الأحسن بعد مايطلع بندر أفاتح أبوي فتحت الغرفه وأنا أشوف بندر لسى نايم وطلعت حسيت بأهتزاز التلفون شفت الي يتصل أبو بندر
قصي:هلا عمي
أبو بندر:وين بندر ما يرد مافي أحد غيرك هيته عطني ياه
قصي:أخذت نفس وأنا أمسك نفسي عن الغلط :بندر معي وهو مريض في شيء ثاني تبيه
أبو بندر:عساه للموت قوله يجي اليوم للبيت أبيه
قصي:حدك لا تدعي عليه أنت أبو بالله بندر ماهو بجاي
أبو بندر:هين أوريك يا ولد سالم
قصي:أعلى مابخيلك أركبه سكرت الجوال بوجهه فعلاً ما يستحق كلمة أبوه مشيت راجع لبندر وأنسدحت معه حدي دايخ برتاح أحلى من اللفلفه
أتصل على مصعب للمره الأخيره قلبه مشغول عليه يحس فيه شيء
:هلا أخوي
عناد:رديت بخوف هلابك مو ذا جوال مصعب
: تعال لمستشفى ### صاحب الجوال طاح علينا شكله معترض لصدمه هو والبنت
عناد:وش تقول وش صار وش من بنت
:صار حادث على طريق###وتوفى السائق بسبب خلل متواجد في فرامل بالسياره واللحين متواجدين عندنا بنت وشاب شكله يقرب لهم الي متوفي
عناد:جايك جايك سكر الخط وتوجه للسياره
هادي:عناد وقف وش صاير
عناد:تعال معي وبفهمك
تحركت بسرعه أنا وهادي وحكيت له وش صار مشيت بكل سرعه للمشفى وصلت بأقل من نص ساعه نزلت وأنا أجري بين ممرات المستشفى وأسأل عنهم
:غرفة المريض مصعب أحمد ظ¤ظ¦وغرفةالمريضه الي معه ظ¢ظ¢
معقول عمي سلطان متوفي :طيب لو سمحتي أختي وين الي ميت
:قصدك الي جا مع المرضى
عناد:أيه هو
:ماأعرف أسمه لاكن روح لثلاجات الموتى وأسأل
توجهت أنا وهادي لثلاجات الموتى
عناد:لو سمحت أخوي الي مسوي حادث سير وينه
:جتنا جثه قبل ساعه تعال شوف هي لكم
دخلت أنا وعناد ورانا الجثه غمضت عيوني من منظره ملامحه أنعدمت تنهدت بألم هو عمي سلطان :لاحول ولا قوة إلا بالله العلي العظيم إيه الجثه هي
هادي:الله يجعل مثواه الجنه
:عطونا معلومات عنه وعن المريضه لأنه مالقينا لهم بطايق إلا الولد لقينا معه بطاقه
عناد:طيب بس كيف صار الحادث
:فحصنا السياره ولقينا خلل بالفرامل شكله ماعرف يتحكم بالسياره وأدى لأصتطام
عناد:بروح بطمن عليهم وبرجع أعطيك المعلومات
مشيت أنا وهادي وأنا ضايق لمصعب دخلت عليه وهو نايم والأجهزه حوله
عناد:أمشي يا هادي نروح لوجدان
هادي:يله مشينا
دخلنا لوجدان وحالها هز بدني تبكي بنياح كيف ماتبكي وهو آخر شخص بقى لها من أهلها راح رحت بهديها وأنتفضت مني
عناد:وجدان أنا عناد لا تخافين
نزلت راسها على رجولها وأجهشت بالبكاء بصوت يقطع القلب
هادي:وجدان كلنا بنموت أهدي لاتسوي بنفسك كذا
مالقينا منها رد ضمها هادي لصدره بس أبعدت عنه بقوه
عناد:خليها ياهادي تهدئ اللحين شكلها دخلت بحاله نفسيه أجلس عندها وأنا رايح اشوف مصعب وبرجع لوجدان أنتبه عليها ولاتكلمها
رحت لغرفة مصعب ولقيت الممرضه عنده
عناد:لو سمحتي كيف حالته الآن
:أنا مافي معلوم بس شوف مريض روح كلم أنتا دكتور أحمد قول أنتا
بندر:طلعني تكفى ياقصي
قصي: يابندر كلها أيام وبتعدي تحمل تحمل وأنا خوك
بندر:قصي أنا ظلمت نفس قصي وش بسوي ياخوي
قصي:أنت ماتذكر وين رحت من خيمه
بندر:إلا أذكر بس وشلون أعرف البنت
قصي:لو شفتها بتعرفها يمكن
بندر:أقولك كان ظلام ما أذكر إلا ملامح خفيفه ما ظنتي أبعرفها لو شفتها
قصي:بتنحل بتنحل بأذن الله متى ماطلعت رحنا لها الخيمه ونجلس نكشت مقابل لها وشوف أنت بناتهم
بندر:أخاف أموت وذنب البنت برقبتي تكفى وأنا أخوك سو أي شيء تكفى ماأظمن نفسي عايش
قصي:عسى يومي قبل يومك وش هالفال
بندر:قسم بالله أني أحس نفسي بموت ياقصي
قصي:بندر أسكت تتعالج وتتزوج وأشوف عيالك لاعاد أسمعك تقول هالكلام
بندر:تعال ضمني تكفى
قصي:ضميته لصدري وأنا أدعي الله يريح قلبه
عناد:وش وضعه الآن يادكتور وشلون وضع قلبه
:حالة قلبه خطيره يحتاج لعمليه اللحين قلبه ماعاد يتحمل ولا بتخسرو المريض
عناد: سوو له العمليه اللحين يادكتور أهم شيء يكون بخير وماييصير فيه أي ضرر
:بنسوي له العمليه اللحين وقع لنا على الأوراق وأنشاءالله يطلع بخير
عناد:كم نسبة نجاحها
:نسبة نجاحها ظ،ظ ظ /ظ§ظ¨
طيب العمليه تسبب له أضرار لو سواها
:لا ما يسبب أي ضرر وبيكون بخير أنشاءالله أهم شيء يبعد عن الضغوطات النفسية والتعب
عناد:مشكور دكتور
عناد:مشيت أوقع على أوراق العمليه و توقفت على صوت الممرضه
:لو سمحت أنتا مريضه غرفه ظ¢ظ¢ في أنهيار عصبي روح أنتا طلع من هنا مافي بطاقه عشان سوي علاج
عناد:اللحين أنا بطلعها
:تبي أنتا علاج روح طلع من هنا
عناد:أنا بطلع البنت خلاص مايحتاج الكلام ذا
مشيت من عندها وأنا مهموم بحالة وجدان ومصعب رحت أخذت الخروج لوجدان بعد وقت من الحوار مع الشرطه وصلت لغرفة وجدان فتحت وأنا أشوفها متكوره على نفسها والمغذي فكته من يدها لازم ألحق عليها قبل ماتتأزم حالتها وهي بهالعمر
هادي:تعال والله مارضت تهدأ
عناد:هادي أمش لمصعب وأنتبه عليه حالته خطيره واللحين بيسوو له عملية جراحه للقلب وأنا باخذ وجدان للبيت عند أديم
هادي:وش فيه مصعب
عناد:أجلس عنده وأنا باخذ وجدان ماهو بوقت الأسئله
هادي:خلاص لا تجلس تنافخ روح وأنا رايح لمصعب
مسكت يد وجدان وأشوفها توخر وتبتعد
عناد:قومي بوديك لأديم يله وجدان وأنا بروح وبخليك عندها لا تخافي مني شفت منها الأعتراض أطريت أحملها بالقوه رغم مقاومتها صرخاتها وبكائها هزني شفت الأطباء والشرطة جو لي
:خير خير يالأخ
عناد:أنا فهمتكم بحالة البنت خلونا نعدي البنت داخله بحاله نفسيه
:لو سمحت ماتقدر تاخذها بالقوه
عناد:ماتفهم أنت
حاولو ياخذو وجدان ورفضت ورجعت نفسها لصدري أرتحت من الموقف
عناد:تأكدت أنها ماهي بمخطوفه خلينا نمر الله يرضى عليك
:أسري بس والسموحه منك بس جبتو لنا الشك
عناد:حصل خير
أديم:قسم قلبي مشغول عليه ما يرد
مزنه:مافيه إلا العافيه ياأديم لاتشغلين قلبك
صدح رنين الجوال
أديم:عناد يتصل
ريم:شفتي بس مشغله نفسك عالفاضي
أديم:عناد وراك ماترد
عناد:أديم أنزلي بسرعه أنتظرك تحت
مزنه:وراك وين رايحه
أديم:ماأدري ما قالي سكر بوجهي ويقول أنزلي
ريم:عساه خير يارب و طمنيني عنك
أديم:ولايهمك يله فمان الله
ياقوت:وين رايح
أحمد:متصل علي عناد يقول مصعب بيسوي عملية جراحة القلب
ياقوت:ليه وش فيه بسم الله
أحمد :ماأدري بروح الآن أنا
مشيت وقلبي على مصعب مشغول وش صار له يارب أحفظه وصلت للمشفى ورحت له حالته قطعت قلبي وأنا أشوف فلذة كبدي ولدي الوحيد بهالحاله
هادي:أنشاءالله يطلع بخير ياعم
أحمد:وش قال الدكتور
هادي:يقول نسبة نجاحهاظ،ظ ظ /ظ§ظ¨ أنشاءالله يطلع بخير وما عليه ضرر
أحمد:متى بدأ العمليه
هادي:توهم بادين بعد ماطلعت الفحوصات
أحمد:ليه ماكلمتوني أنه مريض
هادي:رفض يدري أحد
أحمد:من متى
هادي:من يوم ماصارت مشكلة ساره ووفاة أمه
أحمد:ليه مهمل نفسه وماسواها من قبل
هادي:رافض يسويها أصلا بس اليوم صارت له صدمه وتأزم قلبه ووقع عناد على العمليه
أحمد:وش صدمته
هادي:جت له صدمه بوفاة عمه سلطان
أحمد:نزل الشماغ على وجه لاحول ولا قوة إلا بالله العلي العظيم لاحول ولا قوة إلا بالله العلي العظيم كيف وش صار
هادي:اليوم صار عليه حادث وهم رايحين لجده
أحمد:وبنته صار لها شيء
هادي:يقول عناد دخلت بحاله نفسيه
أحمد:الله يكون في عونها يارب
أديم:عناد خير وش فيك ووش فيها وجدان ليه كذا فهمني طول الطريق وأنت ساكت
عناد:أديم خلي عنك الكلام وجدان أبوها توفى اليوم ودخلت بحاله نفسيه بخليها عندنا وبعالجها
أديم:لاحول ولا قوة إلا بالله العلي العظيم وش صار له
عناد:ماني برايق اتكلم اللحين
أديم:طيب ليه ماخذاها مصعب
عناد: مصعب بغرفة العمليات وهي أمانه عندي
نزلت من السياره وفتحت لوجدان شفتها نزلت رجفت رجولها وعدم أتزانها بالمشي خلتني أمسك يدها بس عارضت ومشت
عناد:شوفي أديم بروح أنا ووجدان للمجلس تقريباً نص ساعه سوي عشاء تعشي أنتي وو جدان وخليها تنام معك وأنتبهي عليها لأني بروح لمصعب وبجلس معه
أديم:ولايهمك تبي شيء غيره
عناد:سلامتك
أخذت وجدان للمجلس عشان أبدأ معها
عناد:أجلسي وجدان هنا جلست بهدوء أسمعي وجدان شوفي أنا كل أهلي توفو وأنا واقف وعايش وكأن ماصار شيء وجدان الحياه تاخذ منا إلي نحب نحنا لازم نصبر ما أقول لك أنسي أبداً مافي أحد ينسى أحد غالي عليه بس معك مصعب يا وجدان صدقيني بيوقف معك ومايخليك والله ماتشوفين ضيم معه وأنتي تعرفين مصعب ياوجدان أدعي له اللحين هو بغرفة العمليات مريض لازم أنتي وياه تصبرو وتعيشو مصعب تعتبريه من زمان اخوك وهو يعزك كأخت ومابيخليك تحتاجين أحد عيشي حياتك وأدعي لأبوك بالرحمه الدموع ماتنفع الميت الدموع بس تحرقه وجدان قلبي أبوك لو يرجع ويشوفك كذا بيزعل منك مايبي بنته تكون ضعيفه أبداً خليك قويه ياوجدان كلنا بنموت ويكون مصيرنا التراب غطت وجهها بيدها وتعالت شهقاتها رحت لها شفتها تبعد عني وجدان وجدان شوفي لي وقفت كلامي معها بكمل معها بكره أخليها تهدأ اليوم :وجدان قومي تعشي يله وروحي نامي عشان بروح لمصعب أنا يله شفتها قامت معي :يله أجل تعالي نتعشى وتنامين. ياااااااأديم
أديم:هلا عناد
عناد:جهز العشاء
أديم:باقي له شوي
عناد:عجلي عشان تتعشى وجدان بخليها معك عشيها وخليها تنام
اديم:آمر
عناد:أنا طالع تبين شيء شفت وجدان جت معي :وجدان أجلسي مع أديم شفتها هزت راسها بالرفض وجت لي
أديم:وجدان أجلسي معي لا تخافين
عناد:تمسكت فيني بقوه :تبيني أوديك لساره هزت راسها بالرفض أوديك بيتك وتجلس معك أديم هزت راسها بالرفض وش تبين أجل
وجدان :تكلمت بصوت متقطع من البكاء ودي ني لمص ع ب ماأب يك م
عناد:وجدان لما يصير مصعب بخير وآخذك له
وجدان:أبي م صع ب
عناد:وعد آخذك له بس اللحين نتعشى وننام وبكره أوديك طيب وجدان هزت راسها بالرفض تنهدت بضيق :يله أجل تعالي معي
مرت الأيام ومضى شهر حمل الكثير من المعآناه للجميع وفرح بعد العناء.
عضويتي
العرض العادي
