\r\n\r\n

\r\n\r\n\r\n\r\n\r\n\r\n\r\n\r\n\r\n

\n \n \n \n \n \n \n \n \n \nالرساله \n \n \nياصاحبي جيتك أشكي لك من أحوالي \n \nجيت .. وما دامك رفيقي ليه اطولها؟! \n \nالعلم ومافيه يا أول وآخر أمالي \n \nعندي رساله ولا أدري كيف أوصلها \n \nللي سبتني وانا من قبلها سالي \n \nأبيك توقف معي وتروح تسألها \n \nوش فيها تفتح علي أبواب عذالي \n \nوتحمّل النفس حاجه ما تحمّلها \n \nوش فيها رغم الوفا تتركني لحالي \n \nوأنا لجفاها تركت الدنيا ب أكملها \n \nإن كان هذا زعل .. علمّها يالغالي \n \nماكان قصدي ورب البيت ازعلها \n \nعلمّها واللي يخلي قلبك الخالي \n \nعن ضيقتي .. وين وصلت من تجاهلها \n \nعلمّها كم لي وانا ماشلت جوالي \n \nكله علشان ما أقلّب رسايلها \n \nوعلمها وشلون لا مرت على بالي \n \nأروح وأضم صورتها واقبّلها \n \nوعلمها كيف أنشغل عن كثرة أشغالي \n \nوأسرح وأغمض عيوني واتخيلها \n \nعلمها عني .. وعن همي .. وغربالي \n \nعلمها عن كل حاجه في تجهلها \n \nوإن شفتها دنّقت .. تبكي على حالي \n \nإنسى الكلام .. وتذّكّر كلمه وقلها \n \nقل: شاعرك يعتذر .. ويعاهدك تالي .. \n \nإنه يرتب حساباته من أولها \n \nويقول: حتى القصيد اللي على بالي \n \nوالله ما عاد أكتبه كانه يزعلها \n \n \n \n \n \n \n \n \n \n \n \n

\r\n

\r\n

\r\n

\r\n \r\n

\r\n

\r\n

\r\n \r\n
\r\n

الموضوع الأصلي :\r\nديوان ونبذه عن الشاعر فهد المساعد || الكاتب :\r\nحنين الأشواق || المصدر :\r\nشبكة همس الشوق

\r\n\r\n\r\n\r\n\r\n\r\n\r\n\r\n\r\n\r\n\r\n
\r\n\r\n \r\n
\r\n
\r\n\r\n\r\n\r\n\r\n
\r\n \r\n\r\n\r\n\r\n\r\n\r\n\r\n
\r\n\r\n\r\n