|
رد: ديوان الشاعر ضيدان بن قضعان
من دون مكة نجلب أعمارنا جلب
يا الله يا من من شكا الخوف يامن
باسمك وبظلال الفهَد درعنا الصلب
يا من كشفت أمر الخسيسين يا من
عليك يشكون الغلابا من الغلب
تحفظ وطنا من عبث كل طامن
في ظل من يخلي من النهب والسلب
يا شلة التخريب للسبع ثامن
نايف .. من اسمه يقلب الطاوله قلب
حنا جنوده والطريق امتيامن
والله كريمٍ ينشي الغيث لا طلءب
حنا الوطن .. والجرح لا صار كامن
نايف هو الدكتور للراس والقلب
حنا سعوديين ونبين لا من
صاحت تهامه واعتزت نجد في الصلب
حنا فهد .. حنا دعاة التضامن
من دون مكة نجلب أعمارنا جلب
نقول للضيف : استرح وارقد آمن
ونقول للكلب : انبح هناك ياكلب !
ضيدان بن قضعان |