شبكة همس الشوق - عرض مشاركة واحدة

#1 22 - 10 - 2016, 08:42 AM

تتوه دروبنـا وتبعد عن الغالي خطاوينـــا
وترســـم ريشة الوحشه ملامح حب ذبلانـه

نصـــارع وقتنا القاسـي ونجامل من يواسينا
نقـــول بخيـــر ومن داخل قلوب بصدق وجلانـه

نبي نحبس حنيـــن الشوق لو تكبر بلاوينا
عســـى الأيام وإن طالت تروف بحال ولهانـه

عســـى غيمة سحاب الحب من الأفراح تسقينا
عساهـــا تمطر لقلبين برشة غيث عجلانـه

وعسى فيـــض الشعور اللي يجمع مايخلينا
عساه بحالنـــا ينظر ويختم باللقا إعلانـه

شـــريك الروح لاتنسى أمرك حيل يعنينا
وشـــانك عندنا ↑ عالي ↑ ونعلي دوم من شانـه

حبيبـــي لو يموت الحب ونكتب له تعازينا
بداخل قلبـــي العاشق تلاقي قبر جثمانـه

جمعتـه وبحـــذافيره لو الجمع يشقينا
لأجـــل أعطيـه للـــغالي يضمـه بين وجدانـه