شبكة همس الشوق - عرض مشاركة واحدة

18 - 3 - 2013, 08:12 AM

كان ربي عطاني ياغناتي عمر = واستمرت مشاعرنا بنفس الطريق
والله اني لخلي كل هاجس يمر = إيتمتع بوصفك لين يصبح غريق
ياااشعاع الشفق مدري وضوح القمر = يامولع بصدري من دلالك حريق
ان تماديت خذني في طريقك ممر = وان تريضت انالك بالغلا بل ريق
مغريات الليالي بين زرق وحمر = ومفنيات الحياه ادروبها ماتضيق
والمفارق سبايب كل نار وجمر = والمواصل ربيعِ جاء لغيمه بريق
ياحبيس المشاعر ليه صوتك ظمر = ليت قلبك مع المشتاق لجلي يفيق
اعرف اني بلليلك صرت احب السمر = واتلذذ بدربِ في مدارك يويق
كان للحب سكره ذقت منك الخمر = وانت مني بدربك ياغناتي طليق
اعتبرني مقصر لو زمانك عمر = ولا انا بعتبرني شلت مالا اطيق
حدر الانقاض قلبِ من سببك اندمر = انقذه بالمواصل جعل غيرك حريق