القصيده الخطيرة

#1 25 - 7 - 2021, 05:20 AM

القصيده الخطيرة

قدرتي واشهد انج لو تبي شيّ(ن)تسويــــــــنه

نعم يا بنـت انا منكر قدرتي تخدعي عيــــــــــنـي

وهمنــي قلبج الزايف وشفت الصدق في عيـــــــنه

واثاري انه العيون اللي بكــتـلي..جت تــبـكــيـــنـي

رميتي سهمج الغادر بظهري وكيف ترميــــــــنه

كأنه سهم في ظهري وجرح كــل الذي فينـــــــي

ترا عند العرب منــقود لو يــقفي تصوْبــيــــــــــــــنه

وربي لو انا ادري عطــيتج صدري ترميـــــــــــنـي

خطيرة والكذب يشهدلج انْ كنتي تشهديــــــــــنه

ياكيف تزخرفين الكذب لين الكذب يطـْويــــــــــنـي

انذكر لمــــّا جيتينـي ..اي والله كنتي مسكيـــــــــــنه

بريئــه كنـتي ماتدرين وش تبغين تعطيـــــــــــــنـي

انذكر حتى لو بطلب قمر عادي تجبيــــــــــــــنه

وش الي صابج بلمحه بصر قمتي تخونيــــــــنـي

ومعا من ؟؟ معْ اعز ربعي .. متى كنتي تحبـينه

تخونيني معا من كان اقرب من يخاويــــــــــــنـي

ابعرف ليش ابعرف كيف ابعرف وشهو تبغــينه

دخيلج كنتي في عقلج ليا جيتي تخلـــــــــــــــيني

تخليني بدل لا واحد افقد... افقد اثنــــــــــــــــينه

عقب ما كنتي تحينـي بهالسرعة ذبحتـــــــــــــينـي

وانا قصرت لجل الغير فمكاني تحطـــــــــــــينه ؟

انا عطيت اغلى ما املك لجل ارخصج تعطينـي

الا وين الوفا والصدق لي يالدوم تطــــــــــرينه

وين الحب لي كنت به فيوم ٍ تباهــــــــــــــــينـي

انا مالي ومال الحب لعن الحب وسنــــــــــــينه

مكنت آنا براحه وشلـّي خلّى الحب يغــــــــرينـي

كأن الناس من طينه وانتي صرتي من طـــينه

ولمّا انتي عرفتــينـي يليتج كنتي من طـــــــــــــيـنـي

تعلمت الشعر لجلج ..غزل فاقت موازيــــــنه

وانا الي واجبات المدرسة ما تـخطّها اديـــــــنـي

وانا اللي كبريائي فالسما وهالشي تدريـــــــنه

لا شفتج جيتي ابزيــنج حلفت آردها بزيــــــــــنـي

نسيت الكبريا بس لجل قلبج .. اكبر بعــــيـــنه

وكنت انا مثل اعمى على صوتج تمشيـــــــــنـي

ليا كنـتي تبي قلبي.. ترا فيدج تلاقيـــــــــــــــنه

وليا كنتي تبينـي.. تطرف عيونج.. تلاقيــــــــــنـي

ابد ما كـنت انـا اعـارض وراضـي بـلـي تـرضـينـه

تـوَدّينـي.. تردّينـي ..توطّّينـي ..تعـلـّـــــــــــــــينــي

تقولي هكذا ابغي.. اقول اللي تشوفـــــــــــينه

تقولي ابغي تشقى بي.. وادعي يمدّ بسنــــــينـي

واذا تخطي الخطا مسموح لو حتى تعيـديـــنه

ابد ما شوف غلطاتج كأن الحب معمـــــــيـنـي

يربي.. استغفر الله شوي بس واكفر بديـــــنه

واقول امن الخطا معصومه بس الله يهدينـي

ولو لي البدر يتبسم.. احطج بيني وبـــــــــينه

يبيني التفت وآنا اشدّ ايديج في دينـــــــــــــــــي

واذا انه للعشق مجنون انا سيّد مجانيـــــــنه

ولا جاني العقل وياج ولا بعدج يبي يجيـــــني

عرفتج وانا توني فالهوى مـدري بـعنـاويــــنـه

تعلمت العشق واثر العشق وينه وانا وينــــــي

كأني غصن توه ما قوى عوده وتقصــــــينه

لا بالله اي تقصيني.. اقول الا نزعتـــــــــــيني

على وسادة كذب نايم وحلمي بالطمأنــــــينه

حليلي ونيتي عا قدي.. مستانس.. تحبيـــــــني

ولما حذروا هالقلب قتلج لا تفشلـــــــــــــينه

وتوها ما انتهتبج كلمتي..رحتي وفضحتيـــني

نعم جيتج وانا في عز همي ومادد ايمــــينه

وجيتج والهموم اديون والله مثقله دينـــــــــــي

نعم قتلج ابي قلبي همومه ذي تنسيــــــــــنه

وقلت آبغي تنـّسيني مقلتج ابغي تنـْسيــــــــني

ورغم انه ربيع القلب حبج عا محبيــــــــنه

ورغم اني..اقولج.. مابي اتمنن .. تعرفـيـــني..

الموضوع الأصلي : القصيده الخطيرة || الكاتب : النورسيه || المصدر : شبكة همس الشوق

25 - 7 - 2021, 06:11 AM

مدائن من الشكر لروحك الطيبه
ع النقـــــل الرائع والمميز
ارقى التحايا لروحك العذبه

11 - 1 - 2022, 05:43 AM

لكل من مر من هنآ
لكل من نبض قلبه مع حروفي
لكل من شرف صفحتي المتواضعه بمرورهـ
لكل من يعرفني...ومن لم يعرفني..
لكل من له في قلبي مكآن
ولكل من لي في قلبه مكآن
أهديكم أجمل بآقآت وردي ولن تفيكم

المواضيع المتشابهه لموضوع: القصيده الخطيرة لموضوع: القصيده الخطيرة
الموضوع	كاتب الموضوع	المنتدى	مشاركات	آخر مشاركة
ابتعد عن مراض الكبد الخطيرة بتناول الثوم والمكسرات	حنين الأشواق	همس للطب والصحه	2	4 - 12 - 2021 11:27 AM
لاتملين الشعر وانا القصيده	أمير الحــرف	همس الشعر والقوافي	2	11 - 2 - 2020 12:38 AM
القصيده النثريه بعنوان اخرجي من تفكيري بقلمي شاعر بلا اوراق	حسام البراك	ادباء وشعراء همس الحصرية	5	15 - 6 - 2017 12:39 PM
وجبة الإفطار تحمي من ال مراض الخطيرة	نظرة عين	همس للطب والصحه	6	23 - 7 - 2015 07:04 PM
واحد تخرفن وقال هذي القصيده	ياقلبي اكتفيت	همس للألغاز والنكت والضحك	4	19 - 4 - 2015 03:55 AM

طلبات الإشراف
	إذا كنت قادراً على الإشراف في شبكة همس الشوق شريطة ان تكون مشاركاتك من فوق [ 5000 مواضيع وردود ]

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع