السحالي قبل وبعد الزواج ب 10 سنين

#1 18 - 7 - 2021, 09:39 PM

تشير الساعة إلى 6:30 صباحاً

تودع زوجها وهو طالع للعمل وتقول له بالسلامة يا حبيبي

8 صباحاً

تتصل عليه في العمل وتقول له حبـيت اسمع صوتك بس يا عمري

الساعة 3 العصر

:تستقبله وهي متشيكة وتبوسه وهو داخل للبيت وتقول له
"الغدا جاهز يا حياتي ..تحب أحطه لك الحين" ؟

الساعة 5 العصر

تصحيه من النوم ببوسة وتقول له اعمل لك شاي يا حبي ؟ [

الساعة 6 المغرب

تسبل عيونها وتقول بكل خجل يا ريت يا حبـيبي .. يعني لو
ما عليك كلافه .. يعني إذا تقدر توديني شوي لبيت أهلي
إذا كنت تقدر يا عمري وقبل ما ينطق بكلمة: " إذا ما
تقدر خلاص مو لازم ".. وطبعاً يضيع هو في نظرة من عيونها
ويوديها لاهلها ولو انهم ساكنين في الدمام وهو ساكن في الخبر.

الساعة 8 بالليل

تتصل على الجوال وتقول: "اشتقت لك يا عمري .. يا ريت
تمرني ونروح للبـيت".. وطبعاً هو عارف وش بيجيه في البيت فيطمر ويقول للشباب آسف والله يا شباب راسي مصدع ولازم امشي

الساعة 10 بالليل

تجلس بجنبه وتقول: "الله.. يا حبي تتذكر ؟.. تتذكر أيام الخطوبة لما كنت تعمل المستحيل عشان تشوفني وانا يا ما كذبت على ابوي وقلت له اني طالعة مع أمي وانا أصلاً متفقة مع أمي عشان اطلع معك!"

الساعة 11 بالليل

الوصول إلى هذه الصفحة غير مسموح

والحين

.................................................. .............................
بعد مرور عشر سنوات

الساعة 6:30 صباحاً

هي في سابع نومه

الساعة 11 صباحاً

!هي برضه في سابع نومه

الساعة 3 العصر

تستقبله وهي نافشة كشتها وتقول: " شف لي حل مع ولدك علي هذا ..حتى الحين ما حل الواجب ..
وسويـر الله ياخذ عمرها إن شا الله شاقه مريولها في المدرسة… عطني فلوس لازم أروح اشتري لها واحد غيره … وصويلح يبي علبة هندسه توه يقول لي يوم ان الاختبار صار بكره … وترى موضي تكرفست مع الدرج وهي كانت في المشاية… والظاهر انها تعورت … كله من هالشغالة الله ياخذها….اسمع يا أنا يا هالشغالة في هالبيت…. أبيك اليوم تسفرها ما أبي أشوفها وابـيك بسرعة تقدم على وحده ثانية …. وما أبيها تصير حلوة….. يا ويلك لو صارت حلوة .. وبعدين شغالتي أبيك تشرط عليها إذا سفرتها ما عاد تشتغل عند احد…. عشان ما تقول أسرار بيتنا للناس اللي تشتغل عندهم ما تدري إن أسرار بيتهم كلها عند الجيران من لسانها هاللي وش طوله!

الساعة 5 العصر

هي تفك هوشه بين سوير واخوها.. ويصحى هو على صوتها وهي تهاوش وتدعي عليهم بجميع الأمراض الخطيرة الحديث منها والقديم: "جعلكم للطاعون …جعلكم للحمى …جعلكم للوادي المتصدع …جعلكم للحمى القلاعية …والأيدز ...الخ

الساعة 6 المغرب

هو جالس يشرب الشاي وهي تقول: "نبي نروح لامي بتجيهم بنت خالة جد ولد عم أبوي...وبعدين نبي نروح نشتري للبنت مريول...وبعدين بنت عمي والدة ولازم أروح اشتري لها هدية من باتشي و أبي أمر على المشغل..وبعدين حطنا عند أختي في الجبيل من زمان ما شفناهم.
وفي هاللحظة فكر هو انه يشتغل ليموزين أحسن له

الساعة 8 بالليل

تتصل بالجوال: "وينك فيه ؟ وبعدين وين بتروح ؟ ومنهو اللي معك هذا ؟ ووش تسوون ؟ ومتى بتجي ؟.. لا ما فيه!!.. الساعة 10 انت بالبيت

الساعة 10 بالليل
جالسين هي وياه عند التلفزيون ..أخيراً هدوء ...والعيال نايمين ...والجو جميل ..

وفجأة تطالعه وهي مادة بوزها وتقول: "الحين أمك وش عندها اليوم ما ترد يوم اني سلمت ؟ "
"هاه ؟ .. والله ما ادري كان سألتيها".... "وأختك وش هالحركات اللي مالها سنع…ليش عازمة الجيران وكل حريم اخوانك إلا أنا ؟؟؟ .. لكن هيـّن والله لأسوي عزيمة وما أناديها… أصلاً هي ما زارتني في المستشفى يوم اني ولدت وانا فاهمة قصدها..لكن هيـّن ..والله لو تحب السما ماني زايرتها إذا ولدت…وبعدين بنات عمك وش عندهم نافخين عمرهم ؟؟ على ايش أبي افهم؟؟…. على جمالهم الزايد اللهم لك الحمد بس".. تسكت شوي بعدين تقول: "وبعدين أختك نوره يوم انها تقول إن علي ولدي يشبهني ما يشبه أبوه وش قصدها هاه؟؟"
ملاحظة : علي هو اشين اخوانه
"أنا فاهمة قصدها، وتراها إذا ما بطلت هالحركات والغمز واللمز تراني أبسمعها كلمتين وأخليها تحترم نفسها….. لا وذاك اليوم تقول أخوي محمد ( اللي هو الزوج ) حلو مرة و3 من حريم الجيران قد خطبوه لبناتهم…. من زينك بس ما أدري وش لاقين فيك!؟"
يسكت وما يرد.. تسكت هي ثم تقول: "وبعدين أخوك شاري لحرمته ساعة قيمتها عشرين ألف ريال".. يرد: "طيب وش المشكلة ؟".. هي: "وأنا ليش ما تشتري لي ..والا أنا ما استاهل .. ولو هي يعني أحسن مني؟! … بلاك ما شفتها ...شينه وطبايعها شينه وحتى طبخ ما تعرف تطبخ!!".. هو: "خلاص اشتري لك
ساعة".. تعصب هي وتقول: "ايه تسكتني بهالكلام ….والله لانت شاري ولا شي".. هو:" وش تبيني أقول يا بنت الحلال ؟".. تقوم وهي تبكي وتقول:" خلاص ما أبي منك شي ! "

الساعة 11 بالليل

هي زعلانه ونايمة مع العيال
!وهو يتحسف على اليوم اللي تزوج فيه

مساكين التماسيح

الموضوع الأصلي : السحالي قبل وبعد الزواج ب 10 سنين || الكاتب : النورسيه || المصدر : شبكة همس الشوق

18 - 7 - 2021, 09:41 PM

تمـــــــــــــــــــــــاسيحي الاعزاء
نعرض لكم تصرفات الرجال مع شريكات حياتهم بعد الزواج بستة اسابيع ثم نفس الموقف بعد ستة اشهر ومن ثم نفس الموقف بعد ست سنوات، ولاحظوا الفرق بين كل تصرف والاخر... مع ان هذا التصرف صادر عن نفس الشخص!!

في الحب:

بعد 6 أسابيع: أحبك .. أحبك .. أحبك

بعد 6 أشهر: طبعا أحبك !!

بعد 6 سنوات: يا الله .. لو ما كنت أحبك ما تزوجتك

أول ما يدخل البيت:

بعد 6 أسابيع: حبيبتي .. أنا وصلت

بعد 6 أشهر: سلاااام ..

بعد 6 سنوات: ماذا طبخت لنا أمك اليوم؟

الهدايا:

بعد 6 أسابيع: أتمنى يا حياتي أن يكون الخاتم قد أعجبك فعلا ..

بعد 6 أشهر: اشتريت لك لوحة .. تناسب للبيت ..

بعد 6 سنوات: خذي هذه النقود .. واشتري لك هدية تناسبك

عن الطفوله:

بعد 6 أسابيع: أوووه .. كانت طفولتك صعبة بحق ..

بعد 6 أشهر: يا إلهي!! عندك أم صعبة جدا!!

بعد 6 سنوات: لم أر في حياتي بنت تشبه أمها مثلك!!

يرن الهاتف:

بعد 6 أسابيع: يا روحي .. تلفون لك ..

بعد 6 أشهر: خذي .. لكِ ..

بعد 6 سنوات: تلفوووووووووووووووون

الطبخ:

بعد 6 أسابيع: ما ذقت في حياتي ألذ من طبختك ..

بعد 6 أشهر: ماذا سنأكل اليوم في المساء؟

بعد 6 سنوات: يووووووووه مرة أخرى نفس الأكلة!!!

في الإعتذار:

بعد 6 أسابيع: أوه يا حبي.. هذا لن يترك أثرا سيئا في قلبي ..

بعد 6 أشهر: إنتبهي!! ولا تعيديها!!

بعد 6 سنوات: صحيح أنك لا تفهمين

شراء فستان جديد:

بعد 6 أسابيع: ما أروعك يا حبيبتي .. تبدين ملاكا بفستانك هذا ..

بعد 6 أشهر: هل اشتريت فستانا جديدا مرة أخرى؟؟؟

بعد 6 سنوات: كم كلفك هذا الفستان؟

مخطط رحله:

بعد 6 أسابيع: ما رأيك بقضاء عطلة بجنيف أو أي مكان تختاريه

بعد 6 أشهر: ماذا يعني لو سافرنا هذا الصيف إلى سويسرا او ايطاليا؟

بعد 6 سنوات:مافي رحلة!!! ألا يعجبك بيتنا؟

على التلفزيون:

بعد 6 أسابيع: على أي قناة تحبي أن نسهر؟

بعد 6 أشهر: أنا أحب هذا الفلم ..

بعد 6 سنوات: إذا لم يعجبك روحي نامي و سأسهر وحدي .

18 - 7 - 2021, 09:54 PM

صار تحدي ياساتر
الرجال بـشنب والبنت بدون شنب

الرجال يلعب حديد البنت تكنس البيت

الرجال يشرب مويه والبنت ماتشرب مويه .. تشرب مياه معدنيه

الرجال يغسل الملابس والبنت تقعد تزين اظافرها

الرجال ينلعن ابو ام خامسه في الدوام علشان يعيش مع حرمته

ويجي البيت بنتظر كلمه حلوه لقمه لزيزه .. بس يلاقيها نايمه

الرجال يروح للمحكمة يطلق والبنت بعدها تخيس

البنت تكتب مواضيع نايمه في الانترنت والرجال على خشته ينسدح ويرد

الرجال ماعنده سالفه والبنت اط** منه ماعندها ولا نص سالفه

الرجال يروح ينط ينتحر من اعلى برج والبنت تلحقه يقال لها تفديه بروحها

يجي الدفاع المدني ينقذ البنت ويترك الرجال متكسر بعد ماحاول الانتحار

نروح للمستشفى ..

الرجال يروح للمشرحه دايركت بدون ما يتأكدو من وفاته

البنت تنحط في قسم كبار الشخصيات وتدلع هناك ولو ماتت ينفضوها نفض

بالكهرباء علشان تصحى ..

آخرتها ...

الجنسين مخلوقين كلهم لبعض ولاتفرقون بينهم يا فاهم انت وياه

18 - 7 - 2021, 11:57 PM

يعطيك ألف عافية ع الطرح المفيد والرائع
سلمت أناملك
بانتظار جديدك القاآآدم
ودي لروحك ووردي

19 - 7 - 2021, 04:16 AM

شكرا على الاشراقه والكلمات الجميلة
اسعدني تواجدك الجميل فى متصفحي
جزاك الله خير الجزاء
دمت برضى الرحمن

29 - 7 - 2021, 09:07 AM

ههههههههه عجبوني
الله يسعدك

11 - 1 - 2022, 05:53 AM

ويسعدك يارب
لقد تشرفت بقدومك هنا في موضوعي البسيط
وانرت متصفحي بكلماتك الجميله والرائعه
اتمنى ان اراك تُنير مواضيعي دائماً
دمت بحفظ الرحمن

المواضيع المتشابهه لموضوع: السحالي قبل وبعد الزواج ب 10 سنين لموضوع: السحالي قبل وبعد الزواج ب 10 سنين
الموضوع	كاتب الموضوع	المنتدى	مشاركات	آخر مشاركة
شروط الحرب بين السحالي والتماسيح الرجاء التقييد	ملكة الثلج	همس حرب التماسيح x السحالي	7	31 - 12 - 2022 10:18 AM
حوار بين خطيب وخطيبته قبل الزواج وبعد الزواج	بلسم الروح	همس للألغاز والنكت والضحك	6	10 - 3 - 2019 12:43 PM
نجاح فصل السيامي السوري تقى ويقين	جروح الم	همس للاخبار العالمية و العربيه والمحليه	2	25 - 2 - 2016 08:08 AM
الحوار بين الشاب والبنت قبل وبعد الزواج	جروح الم	همس للألغاز والنكت والضحك	3	14 - 4 - 2014 10:58 AM
الراقي يعلن الحرب على السحالي	الرآقي.	همس حرب التماسيح x السحالي	5	10 - 3 - 2014 09:19 AM

طلبات الإشراف
	إذا كنت قادراً على الإشراف في شبكة همس الشوق شريطة ان تكون مشاركاتك من فوق [ 5000 مواضيع وردود ]

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

السحالي قبل وبعد الزواج ب 10 سنين

تشير الساعة إلى 6:30 صباحاً تودع زوجها وهو طالع للعمل وتقول له بالسلامة يا حبيبي 8 صباحاً تتصل عليه في العمل وتقول له