ديوان ونبذه عن الشاعر محمدبن فطيس

#1 17 - 2 - 2018, 04:30 PM

الاسم: محمد حمد محمد فطيس المري
السن: 27
البلد: قطر
المهنة: موظف
نبذة مختصرة عن حياته :
له عدة مشاركات في مجال الشعر
ينتسب إلى قبيلة آل مرة
يعمل موظف إداري بأحد المراكز الصحية بدولة قطر حاصل على دبلوم إدارة
بدأ مشواره بالساحة في 2001 تقريباً
شارك في العديد من المهرجانات الخليجية والعربية منها مهرجان الدوحة الثقافي ، مهرجان حائل ، مهرجان الخالدية في الأردن ، معرض الصيد والفروسية بأبوظبي ، ومؤخراً في شاعر المليون
ويعجبني بن فطيس في المحافظة على الشعر العربي الاصيل من الاندثار بعد الغزو الغربي بمايسمى باالخواطر التي لاتلتزم بقافيه او بوزن معين

الموضوع الأصلي : ديوان ونبذه عن الشاعر محمدبن فطيس || الكاتب : همس الشوق || المصدر : شبكة همس الشوق

17 - 2 - 2018, 04:32 PM

الله يجـازي مـن يسـوي سـواتـك

وبذنوب من سوى سواتـك يجازيـك

مشيـت درب الثقـل وتحـب ذاتــك

ماتـدري انـه للمهـالـك يـوديـك

وغـرك جمالـك ياخسـارة حـلاتـك

ماتـدري ان ماغيـر طبعـك يحليـك

بتقـول زيـنـك يشـفـع لسيـاتـك

الحسن ماهو عن وفـا الحـب يعفيـك

لـو التواضـع والوفـا مـن سماتـك

بعت الحبايب كلهـم ديـن واشريـك

لكـن عجـزت اغـيـرك ياجـراتـك

على الغياب اللي بـلا عـذر ينجيـك

خطاي في توضيـح وشهـي غلاتـك

وخطاك في توضيـح وشهـو تغليـك

وشلون توصينـي وتنسـى وصاتـك

وتصد عـن صـوت تقطـع يناديـك

مافاتـك التجريـح والعـذر فـاتـك

وتبغي رضاي الحيـن ماعـاد يمديـك

صحيـح احبـك بـس هـذه جزاتـك

بعلـمـك درس يفـيـدك ويحيـيـك

تدري وش ابيض من خفوقك ؟؟ عباتك

وتدري وش اللي غرني نظرتي فيـك

ادري بستغـرب تصـبـر وجـاتـك

قصيـدة مـن واحـد كـان يبغـيـك

تبغي تناظـر وانـت عايـش مماتـك

شف وحدتك والناس تجلس حواليـك

وتبغي نشوف اشجع رجل في حياتـك

شفني وانا مقفي على كثـر مااغليـك

17 - 2 - 2018, 04:33 PM

ماني بقـادر علـى تغييّـر iiجيناتـك
ما دام طبعك كذا مخلوق فـي iiدمّـك

دوّر علـى كثـر روحاتـك iiوجيّاتـك
تلقى المواساه والتحنان عند ii..امّـك

لاتبكي اليوم تـو اليـوم مـا فاتـك
الوقت ممدي ودمعك يمسحـه كمّـك

وان ما قبلت النصيحه يوم هي iiجاتك؟
لاتحسب انـي حزيـن وناقـلٍ همّـك

خلّك على ما تبي تمشـي iiبمشهاتـك
تمشي على رغبتك وابليـس مزتمّـك

متعـدّيٍ مستـوى ذوقـي iiملـذاتـك
اقفيت ضامي بدون الشرب من iiجمّـك

لوكنت ليلي وانا سهران مـا iiاباتـك
ولو كنت شوقي وانا مشتاق ما اضمّك

ولو ذبت لي شمع ما نّور iiمسافاتـك
ولو كنت ورده من الريحان ما iiاشمّك

لملم على باقـي الذكـرى iiجراحاتـك
وتذكّر اني ولو ما امدحك !!ما iiاذمّـك

ما دام هوج العواصف تبتلـي iiذاتـك
اخاف تقفـي مـع التيّـار iiويخمّـك

من يوم عادك طفـل هـذي معاناتـك
الله يستـر عليـك الحـال iiويتـمّـك

وان طعت ياهوه شوف افضل iiهوياتك
اخير من تبعـة المسمـوم iiوايسمّـك

الموج لاكبـر مـا تنفـع iiمهاراتـك
لوكنت سبّاح في عرض البحر iiطمّـك

لاشك ما ضنتي ..ما تسمع iiاوشاتـك
الصدق لوعم خلـق الله مـا iiعمّـك

وانكـان ودّك تذكّـرهـا iiبدايـاتـك
من يمي الوصل والتقصير من iiيمّـك

جرّب مع واحـد ٍ غيـري iiمياناتـك
مدري لواني بعدها صرت ما iiاهمّـك

اكيـد مقـدر علـى تغييّـر جيناتـك
ما دام طبعك كذا مخلوق فـي iiدمّـك

17 - 2 - 2018, 04:34 PM

مانيـب مـن ياتـي ولا يدرابـه
شطـر حفظتـه ماعـرف كتابـه

شطـر يناسبنـي لمثـل الليلـه
واشوفني في ذالمكان اولـى بـه

ابـتـكـل بالله ونــعــم بالله
اللي مايوصـد دون خلقـه بابـه

باقـول واللجنـه تقيـم قـولـي
ومن كثرت الشعـار مانـي آبـه

الحمد لله واثق(ن) مـن روحـي
وان كنت ذيـب فالرجـال ذيابـه

ما اقول انا اشعر واحـد فالدنيـا
لكن قصيدي كفـو وانـا ادرابـه

الشعـر جمعنـا لــو تفرقـنـا
حدودنـا وظروفـنـا الغـلابـه

الله يبيض وجـه راعـي الفكـره
عز الله انهـا تنحسـب لحسابـه

والله يبيض وجـه مـن يرعاهـا
محمـد الله يحفـظـه لاحبـابـه

محمد ولد زايـد عريـب المجنـى
ولـي عهـد الديـره الخـلابـه

الشعر تاريخ(ن) لنا مـن مبطـي
واعلامنـا يـوم السنيـن نهابـه

الشعر بيت(ن) والـوزن عمدانـه
معنـاه طنـب وقافيتـه حجابـه

الشعر واد فيـه صيـد(ن) واجـد
وكل على الـوادي يهـج ركابـه

والافكار صيد وكل شاعر قانـص
وكلـن يدسـم شاربـه مخلابـه

احد(ن) خياله حر واحد(ن) وكري
واحد(ن) خياله كوبجـن بقطابـه

وانـا خيالـي كــل ماهديـتـه
حول على الوادي وصـاد عقابـه

شاركت امثل ديرتـي وربوعـي
وكلـن يمثلـن ديرتـه واقرابـه

والله الا الله راد والله قــالـــه
انـي لسلمهـا الفخـر وكتـابـه

داري قطـر وانـا اهنـا امثلهـا
المجـد مطلوبـي وانـا طلابـه

عهد علـي انـي لشـرف داري
تـرك صبـي مـا يعـز ترابـه

شوفوا دمي مـن حبهـا عنابـي
وحماستي مـن ضووهـا شبابـه

شاعر خليجي والعروبـه بيتـي
والبيت ماياقـف بـدون اطنابـه

وان عودت بيـن القبايـل فزعـه
انا اشهد ان لـي فاللـوازم لابـه

لـي فالقبايـل ربـع واقـدرهـم
ماني بمن يجهل مقـام اصحابـه

وان عودت لاصلي فانا اصلي مري
من صلب يام اهل القنا وخضابـه

قوم لنـا فـوق المعالـي بيـرق
والسيـف قـوة سلتـه بانصابـه

الشعـر طوقنـي وانـا طوقتـه
قمـت اتمشابـه وفـك ابـوابـه

يابنت ياللـي تفرقيـن بعـودش
مالومهـم لاكـثـروا الخطـابـه

لامر بش دربش علـى خلـق الله
قالـوا كـذا بالاصبـع السبابـه

زينش يزينه فعل ابيش وجـدش
وانتـي بـدورش للنقـا كسابـه

قومي تباهيبـي وفلـي راسـش
عليش من ستر الشـرف جلبابـه

وان ماسترتش بالفعول وباسمـي
فعقبنـي الفنـجـال ياصبـابـه

17 - 2 - 2018, 04:35 PM

مافي المثايل شـرد لاجيـت بقـول
ولا أعدها الا في مراحـي منايـح

تجتال في عقلي مثل جولة الجـول
وأدوج فيهـا جـاي وأدوج رايـح

أصول في القيفان لا احتجت وأجول
وأختـار فيهـا خيرتـي فالذبايـح

وأحدد المقصـود وأقـول وأطـول
واخيـر بيبـان القصيـد النصايـح

لكن باب النصـح ذالحيـن مقفـول
دامه مارد اللي عن الـدرب شايـح

ياللي لك البارح مزاميـر وطبـول
وناس تحسب ان القصيد المصايـح

صاحي وتلبس للعرب ثوب مهبـول
وبنيت لك شهره عمدهـا الفضايـح

بنيتها تبغـي ذراهـا علـى طـول
وقامت عمدها فوق راسـك تطايـح

اذا تقابلـنـا فعـاقـل ومعـقـول
وان رحت جاني من طوارفك صايح

واللي تنيشن لك علينا وهـي حـول
وتغـرّك بتصفيقـهـا والمـدايـح

وتعطيك صفحات بالعرض والطول
وتضيـع السـاري بفَـرّ اللـوايـح

لو الشعر منهـا مصفّـا ومشخـول
ماشيف صدر الحلم بالغيـض فايـح

اخطيت في حق النشاما قبل حـول
وخلوك حشمـه فالبلاديـن سايـح

وعدت الخطا كنّك تحسب انهم خبول
ولا خفاهم فـي القصيـد الروايـح

لحقت بلسانك اهل عجـن وخيـول
اللي جميع خرفانهـم لـك سبايـح

حصانهم ذيله مـن الريـح منسـول
وبيرق هله يكفخ ولا شيـف طايـح

وتلحق بيوتك عذر ماهوب مقبـول
قد سدّ صبر اصبر هل الصبر بايـح

وذلحين قد راسك مابين ألحي فحول
والبرق فوقك كل كـم يـوم لايـح

كانك تبي دفن البحر فأنـت مهبـول
تطلـع عليـك السالفـه بالجوايـح

حتى ايش لو تاصل شهرة ابو الهول
وش خانة الشهره وهـي بالفضايح

17 - 2 - 2018, 04:36 PM

راع القنص مسجون وفراجه سهيل
وشلون ما يبغون شوفـه يشوقـه
اللي يعـدون الصقـاره غرابيـل
ما ذاقوا اللي فالصحـاري نذوقـه
انقوم صبح ونرقد من اول الليـل
في دار عشب ٍ تلحق الماء عروقه
انقـوم للمـذن مقـام ٍ بتهلـيـل
يوم ٍ طوال الليل نرقـب شروقـه
برض ٍ بها لبرق الدواغر مداهيـل
قد مرها الوسمي وشافت بروقـه
نسيمها كن فيه من نكهـة الهيـل
يكفخ بخفـاق ٍ قبضـه معلوقـه
ما شيف فيها الا ثر الصيد والسيل
وخاطي ثر ٍ للـي يـدور لنوقـه
الصيد فيها لـه مـداس ومقاييـل
كنك لها من كـل ديـره تسوقـه
وندوج بأشقر صافي الظهر والذيل
مطروح قد ريشة ظهره محروقـه
له هيبة فالجـو قبـل المحابيـل
فرخ العقاب ايخاشره في حقوقـه
على عيونه له قحـوف ٍ مضاليـل
اقحوف شيخ ٍ تاج الامجاد فوقـه
يطلع وطلعه لا طلع.. طلع دربيـل
زود ٍ على طلعه وطبعه.. لحوقـه
لاقفت تغرف الجو وتجـر وتميـل
راع الحمامه دونهـا مـا يعوقـه
اذكر عليه اللي له الحول والحيـل
الى اتقت من تحت ذيله اسبوقـه
اطياره ايخلـي المقافـي مقابيـل
ارماش عين اللي قذى العج موقه
هاذي طراة العمر من دون تقليـل
بهواية اللي ذوقنـا غيـر ذوقـه
وهذا اللي يحبب هل الطير بسهيل
وخوة رجال ٍ الخوى مـا تبوقـه
موجز عن المقناص ماهو بتفصيل
وكل ٍ يمدح ربح سوقـه بسوقـه

17 - 2 - 2018, 04:37 PM

بعض العرب حبة يوردك الجنون
ولا يوصف لة غلاة احكاك لة

ما يقنعة وصف الغلا وش يكون
لو كل حرف بالحرير يحاك لة

الموت جاك وهو تقبلة الظنون
ولا لك الا الصبر ....وش وداك لة

ان قلت ضاق ..قال..هونها تهون
مايدري ان ضيقتك لة ..وبكاك لة

تقعد تحبة وانت ساكت ومغبون
يمكن بيوم يقال لة ما اوفاك لة

وكانك مشكك هو يمون ..او ما يمون
تخيل ان عفت الصبر فرقاك لة

غلاة من فوق الغلا ماهوبدون
وحكاة سمعك يجبرك بارخاك لة

ودك تحطة فالعيون من العيون
وتبسط على رمضى الثرا يمناك لة

وتظلة من الشمس في ظل الجفون
ولا يمر اذنة سوا لباك لة

وتسج من غيرة لونهم يذكرون
ومنين ما سجت القدم ممشاك لة

فلو يميلة الترف ميل الغصون
غصن ليان ومكرمة بسقاك لة

جديلة الى اقفي ستر منة المتون
كني بريحة لا لتفت لدعاك لة

يزها الملابس ..اي لبس..واي لون
وفالليل وجهة لا ظهر قداك لة

كيك وعسل لكن ما هو في صحون
ودعاك من عين الحسود اغطاك لة

اللة لا يعطية ناس س ينضلون
ويستر علية من النحل لا ياكلة

والوصف والتعبير في وصفة يخون
غير اطلب الله يستجيب ادعاك لة

وهذال قلبك في محبتة يجسون
سكينهم عن قطع حبلة حاكلة
اللي من لحوم الاوادم ياكلون
وحلوقهم دافعالبلا متواكلة

ناس عن اعراض العرب ما يعرضون
ودايم على نفس الشكل والشاكلة

في سلمهم او لا بالاكل الاقربون
واطيبهم اللي صيدتة شكواك لة

يدعيهم الشيطان للذيب ويجون
هذا يقطع لة وذاك يواكلة

من جاك منهم لا تبين لة سنون
واضرب يمينة لا بغى يسراك لة

يا جعلهم فدوة ثر الغض الفتون
اللي على درب الطويل اخطاك لة

طيفة الى نام البشر زادك بهون
وطيفك الى نام البشر سراك لة

حبة دفان ومقبرة خضر الطعون
بين العظام العوج كنك ناكلة

فلو غلاة يوردك حوض الجنون
ولا يوصف لة غلاة احكاك لة

17 - 2 - 2018, 04:38 PM

سولفوا تكفون لا عاد تسكتون ..
.. قبل لا أهوجس وياتيني بلاي

السكات يزود طعوني طعون ..
.. وتنكسر لا جا على راسي عصاي

سولفوا لو ما بغيتوا اتسولفون ..
.. قبل لا اقعد في الحزن رايح .. وجاي

واضحكوا لو بالعماله تضحكون ..
.. وجاملوني لو يضايقكم حكاي

لي وليفٍ راح جعله ما يهون ..
.. هو دواي وداي .. أو داي ودواي

راح لكن طيف زوله في العيون ..
.. مرةٍ قدامي ومرة وراي

وإن سكتوا جا وهو طيفه يمون ..
.. رحت أهوجس له وأبين له ولاي

مكسب عيوني من الفرقا مزووون ..
.. تمطر لطاريه .. والبرق ؟ أصدقاي

كل ما طروه لو هم يمزحون ..
.. احرموني من غداي ومن عشاي

أدري إنه ما تناسى الود كون ..
.. تسمع إذنه في قفاي اللسن عداي

وكانهم قالوا نسيته يكذبون ..
.. وإلا أنا فيه أمتلك نظرة وراي

كان حبه لي على خبري مصون ..
.. والله ان كني بقدري .. وبغلاي

ذي بقايا الحب وأطلال الجنون ..
.. والله أعلم في ضميره وش بقاي

غير طيعوني ولا عاد تسكتون ..
.. ولا والله إن أسمعكم بكاااي

17 - 2 - 2018, 04:38 PM

ياقو قلبك على الصّـده ويـا صُــــــبـرك
وياوسع صدري على صدك ويا صُبري

وياطول عمـرك بذاكـــــــرتـي وياكُبـرك
وياشيب عيني بشيّب عــــاد ذا كــــُبـري

والله لون حمل صبري فوقـك..ان تبرك
والله ولو تعتذر منـت بعلـى خــــــــبـري

ان ما جبرك الغلا ما اقدر على جـــبـرك
ياللي على ارض الوفـا ما شبرك بشبري

تـــزعل وترجع وتـلقانـي عــــلـى خبـرك
وانا انكسر لك واجـــــيـك ادوّر لــجبـري

طـــيفك وذكــــراك طـيلـة غيبتـــك سبـرك
وشـــــوقي لشوفتك طيلة غيبتـك سبـري

امـــــحق وليف ومحبه والا اقــول ابـرك
حسبي عليك اعشقك وانت اتحفر قــبري

17 - 2 - 2018, 04:39 PM

من لابتي مّره الى جـدي افطيـس ..
.. ربعي مطوّعة الصعـب بالصمايـل

ناموس ياللـي تكسبـون النواميـس ..
.. ياهـل العلـوم الغانمـه والجمايـل

اهل السموت وفي الملاقا فواعيـس ..
.. يقطعـك يـاهـرجٍ بلـيـا دلايــل

انتو خيارينٍ علـى الخيـل فريّـس ..
.. اسـمٍ ينومـس بيـن كـل القبايـل

يامقلّطينٍ شـذرة السيـف والكيـس ..
.. قد قالها ابن حميـد ضمـن المثايـل

منصا الرجال اللي على ضمّر العيس ..
.. وفالحرب نطّاحة شبـا كـل عايـل

هواجـرٍ لاجـات قدهـي مقاويـس ..
.. ركب الضيوف امن السرا والقوايـل

تنصـا ربـاع امتعّبيـن المحاميـس ..
.. مروين حـد المرهفـات الصقايـل

يردون غصباً والعـزاوي متاريـس ..
.. لاجـا نهـارٍ فيـه عـدلٍ ومـايـل

وامسيّسين اسياسة الفـوز تسيّيـس ..
.. باللبل وبالهجـن السبـاق الاصايـل

تفوز في يـوم المزايـن وفالريـس ..
.. من كـل منعوتـه تسمـى وحايـل

ولو حصل للبل من النـاس تفليـس ..
.. يكفيكم انك فالعـرب مـن لاوايـل

تلبس من العنّـاب زيـن الملابيـس ..
.. يوم المزاين مـع ارجـال الحمايـل

يزها بها لـون العلـم تتبـع افنيـس ..
.. ابـلٍ لهـا عـادات كسـب النفايـل

ومدحي لبو زايد محمد بـلا قيـس ..
.. مدحٍ لـو يقـارن بفعلـه .. قلايـل

الله يمهّـل بـه ويخـزي لاباليـس ..
.. وايدوم ذكره فـوق كـل الطوايـل

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ديوان ونبذه عن سليمان بن سحمان	حنين الأشواق	همس دواوين الشعراء	49	15 - 1 - 2025 04:37 PM
ديوان ونبذه عن الشاعر فهد المساعد	حنين الأشواق	همس دواوين الشعراء	66	15 - 1 - 2025 04:32 PM
ديوان ونبذه عن الشاعر سامي المالكي	حنين الأشواق	همس دواوين الشعراء	25	15 - 1 - 2025 04:31 PM
ديوان ونبذه عن الشاعر تركي الميزاني	همس الشوق	همس دواوين الشعراء	18	15 - 2 - 2022 12:57 AM
ديوان ونبذه عن الشاعر سعد بن جدلان رحمه الله	الــســاهر	همس دواوين الشعراء	18	27 - 9 - 2021 01:33 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

ديوان ونبذه عن الشاعر محمدبن فطيس

الاسم: حمد السن: 27 البلد: قطر المهنة: موظف نبذة مختصرة عن حياته : له عدة مشاركات في مجال الشعر ينتسب إلى قبيلة آل مرة يعمل موظف إداري بأحد