 | |
| همس الشوق |
| |||||||
| همس الشعر والقوافي كل ما يخص الشعر والقوافي هنا |
 |
| | LinkBack | أدوات الموضوع | انواع عرض الموضوع |
| |
|
#1
23 - 6 - 2017, 06:12 PM
| |||||||||||||||
| |||||||||||||||
|
خارج حدود شهار مليون مجنون  الشعر واجد واكثر الشعب شعّار والارض .. مليانه طواريق ولحون يالله بـ خايع قفر .. مملي بالافكار ما داج فيه الاّ السديري وبن عون وغيداً .. تفج القلب غنج وتبختار فيها تحير عقول .. وتبحلق عيون ! وااا فوح صدري فوح دله على نار القهوجي عنها .. شغله التلفون على الكريم .. مدلّه الطرقي المار وجه السعد عون الذي ما لقا عون بيته خطاطيره طويلين الاشبار مطوّعين الكود .. عيّافة الهون من كثر ما يذبح ويصلخ يا ستّار لاحقه من كثرة مفاطيحه .. ديون لولا الكرم ما حط تاكسي للايجار ولا كد تكسيّه مع اللي يكدّون يا كم ليل وكم مسرى ومشوار يكسر نعاسه فيه على الدركسون ! لا نام مقطوع الرجا ميّت النار ولاّ سهر على فلم فالتلفزون عطاك طلبونه تقل يلحق القار ! متّنحر السابع وممشاه طبلون ومكدّة اسبوعين : ضيفه لخطّار على ثلاث صحون ولا اربع صحون ولاّ تروح بضرف عانيّه لـ جار ولاّ عطاها من نصوه .. يتعطّون دون ونعم ما حط مخرج ومعذار ثنى لها الركبه وثبّت له ركون يا حي وجهٍ ما على فعله غبار ويا طيب راس ٍ بالمطاليق مفتون كبير ويداحم على الطاله كبار خمسين عام يسوي اللي يسوون نفسه غناويّه / وراهي / وصبّار اتطلّق ان ماهوب فقري ومديون ! وفرج له الله عقب ما ذاق الامرار مقسّم الارزاق ومدبّر الكون مير البلا عقب الرخا جوه زوّار وشلون ؟ والله ماني بعارف شلون ! يدرج على ريح الدسم نمله وفار وشلقة شواحيذ وملاحيس وعفون والعود متشدّد وجازم وبيطار ولا يعرف الدون ومعامل الدون تحاوفه .. عَبّاد درهم ودينار وتطاوله ناقص وهافي وملسون واااحر كبدي .. فوّرا دمّه الحار بوجيه مغسولٍ حياها بصابون يا عود لا تستغرب الذل والعار فالروس راس دويني وراس دندون والناس من كل المذاهب والاقطار متفاوته .. بالطبع والشكل واللون لا تحسب ان كل المجانين بشهار خارج حدود شهار مليون مجنون ! ما الله جعل فينا شريطي وسمسار ياللي تدّور لك على سير مدهون ! نقول .. لـ العيّار ريّح يا عيّار حنّا بدو ياللي علينا .. اتّبدون و اللي يحسب المرجله فكة زرار وميلة عقال ونسفة شماغ وردون وهياط بالشيلات وبسرد الاشعار وخمسة سرابيتٍ على جال ماعون يرتاح لا ينطح هل الطيب والكار اللي عن كبار اللوازم يسدون ماهو حكي فعلٍ كبر ضلع سنجار دونه شغاميم الزحازيح يبطون يطرب عليه الكفو والناقص يغار وياكثركم كثراه يا اللي تغارون حنا مواقفنا ليا صار ماصار هذي نتياجها مثل ما تشوفون المستضيق يطق في راسه جدار والطَرب يا حيّه على ما يقولون والله ما حن بعيال نعمه وتجّار لكن عيال اللي لا قالوا يطولون حَفَيت سمارينا ورا قطف الازهار حتى ملكنا شجره وظل وغصون على النقا والعد مارد ومصدار ومغراف يسواله ثمانين جالون ! يا اهل البخل والحسد وَراكم النار اللي بها قارون .. واموال قارون عن هادم اللذات قصّاف الاعمار تدرون ومسوين كنكم ما تدرون ! عبّادة الدنيا .. ترا الموت غدّار لا تحسبون الاغنيا ما يموتون !! طالت مبانيكم واياديكم قصار ما غير تشرون الاراضي وتبنون ديوان من كبره تقل جوف مضمار تقدر تسوي به سباق وماراثون ما مره الطرقي ولا جوه الاخيار ولا نصاه اللي من الوقت مغبون ما يدخله يا كود راجوا وكومار استغفر الله كن راعيه مسجون وديوان .. ٩ امتار في ٧ امتار تجي له وتطلع بـ مخباك مليون يارب .. وإلك الحمد في سر وجهار تعطي وخلقك من عطاياك يعطون ، وسلامتكم .. محمد الجارالله السهلي   |
|
23 - 6 - 2017, 07:30 PM
| #2 | |
   
 | 
رد: خارج حدود شهار مليون مجنون  طرح رائع سلمت يمينك ولاننحرم من مواضيعك الراقيه والجميله عوافي  | |
| |
|
26 - 6 - 2017, 11:43 PM
| #3 | |||||
 
|
رد: خارج حدود شهار مليون مجنون
| |||||
| |
|
28 - 6 - 2017, 01:02 AM
| #4 | |
|
رد: خارج حدود شهار مليون مجنون ||..كًلًمًاًتً رائًعًهً كًروًعًتًكً.. رًاًقًتً لًـيً حًرًوًفًكً كًثًيًرًاً.. وًاًسًتًمًتًعًت بًاًلًتًأمًلً فًيً.. مُفًرًدًاًتًهًـاً وًمًعًاًنًيًهًاً اًلًراًقًيـًـةً.. لِـرًوحًكً بًاًقًاًتً مِنً اًلًجًوًرًرًيً.. | |
| |
|
30 - 1 - 2021, 12:50 AM
| #5 | |
|
رد: خارج حدود شهار مليون مجنون
يارب .. وإلك الحمد في سر وجهار تعطي وخلقك من عطاياك يعطون صح لسان شاعرها ويعطيك العافيه همس على الانتقاء لك جنائن الورد وأصدق الود احترامي لك :m: | |
| |
|
23 - 5 - 2023, 12:07 AM
| #6 | |
 
|
رد: خارج حدود شهار مليون مجنون لازلت اجمع قطرات الحنان المتساقطة من بين حروفكم لاصنع منها عقداً اتوج به ابيات شعري لا أعرف ماذا أرد عليكم كلمات جميله ورائعه فيها معاني للأصاله وفن في التعبير أحتار ماذا ارد عليكم فعلن كلمات جميله ورائعه صورتها بأحلى الصورر والتعابير أختم كلامي وأنعجابي بكلماتك بالشكر لكم جميعا على هذه الكلمات الرائعه وعلى مروركم الااجمل تحياتي | |
| |
|
23 - 5 - 2023, 12:53 AM
| #7 | |
|
رد: خارج حدود شهار مليون مجنون
الله يديك الف عافيه صح ماكنت بوقتها موجوده بس الان لي الحق اني ارد سلمت يمينك | |
| |
|
| مواقع النشر (المفضلة) |
| الكلمات الدلالية (Tags) |
| مليون, مجنون, خارج, يدوي, شهار |
| الذين يشاهدون محتوى الموضوع الآن : 1 ( الأعضاء 0 والزوار 1) | |
الأعضاء الذين قاموا بتقييم هذا الموضوع : 0
| |
لم يقوم أحد بتقييم هذا الموضوع | |
| |
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| زهار الاستوما | همسه الشوق | همس لعالم النبات والثروه والزراعه والحيوانيه | 4 | 28 - 8 - 2023 01:01 AM |
| مجموعة زهار | همسه الشوق | همس المواضيع العامة | 4 | 28 - 12 - 2021 12:11 AM |
| مجنون في الحب مجنون | حنين الأشواق | همس الشعر و الشيلات الصوتيه | 4 | 21 - 6 - 2021 06:48 PM |
| خدني باحضانك خدني | همسه الشوق | همس عالم ادم ازياء الرجل عالم الرجل العصري | 13 | 26 - 1 - 2021 11:44 PM |
| حين تنام على ال زهار | اتعبتنى الدنيا | همس للأثاث والديكور | 4 | 29 - 12 - 2014 08:13 AM |
العرض المتطور
