غير مسجل مملكتي الخاصه هنا - الصفحة 4

11 - 2 - 2018, 09:05 PM

الياس .. من ضمن الحلول الممكنة
اذا اكتشفت إن الصبر ماهو جميل

يالله .. مشينا .. يـ العيون المحزنة
كل شي في وقته حلو حتى الرحيل

11 - 2 - 2018, 09:09 PM

علقت لك : ب ضلوع صدري أماني ..
وانت أعتبرها : في غيابك !! مراجيح

إن كنت .. تلعب !! لا تمادى عشاني
أخاف / تاخذ راحتك حيل وتطيح

11 - 2 - 2018, 09:15 PM

من اليوم الابيض خذا حزاب الليال السود
ترى اول ضحايا الوقت دائم غــوافيله

ولا تحسب الدنيا دواما فـــــــرح وسعود
ترى ميلة الايام يا مسندي ميلــــــــــــه

وبواكير ميلتها فواجـــــــــع والم ولهود
ومن تقبعه ما عاد ياقـــــــــف على حيله

******

يطيح واقف راعي الطيب لو طاح
طيبه رصيده .. فالشدايد يشيله

يموت راع الطيب و الطيب ماراح
يبقى مع الأجيال .. لو راح جيله

27 - 2 - 2018, 01:10 AM

‏ياعيون الكون لاتضايقت قلي
عشان أحس بضيقتك وأتضايق

يكفي تلمح لي وأنا أجيك كلي
أضيق من شانك ولو كنت رايق

احنا اتفقنا نشكي لبعض ياللي
تخفي بضحكة عيونك حقايق

27 - 2 - 2018, 01:15 AM

ﺎللہ خلقنا ﺂﻟوان وﺂوزان ۈ ﺂشكال
مثل ﺂﻟمعادن لكن نفوُس وعقول

آللي يشيل بعينه ﺂلناس ينشآل
وﺂللي عيوُنه تجهل ﺂﻟناس مجهول

27 - 2 - 2018, 01:17 AM

يتنفس الليل من ضيقِ الزوايا كلام
و الوعد يفرش على رملِ الأماني حصير

الحِلم ينصب على بيدا ظروفي خيام
و يضمني من شتا الواقع و صيف المصير

27 - 2 - 2018, 01:31 AM

زرعت فرحه ..بس خذهـا غيابـك
وماتجتمع في قلب فرحه مع اغياب

كنت احسبك واحسب حساب لحسابك
الا الهجر ماكنت حاسبلـه حسـاب

اذا الحزن في يوم نحـس التوابـك
انا غزاني عقبك اسـراب واسـراب

كنت احسب اني تربةٍ مـن ترابـك
ولقيتني واحد من الناس الاغـراب

اخطيت او ما اخطيت يبقـى جنابـك
اكبر من أخطائي ..واكبر من عتاب

مااملك اسأل عن ذهابـك وأيابـك
بس اعرف انك اعظم الناس ترحاب

لو فيه سائل يسألـك عنـد بابـك
ابسألـك ..بالله بتسكـر الـبـاب

28 - 2 - 2018, 10:48 PM

يقول اللي حضر قافه وتحدى الوقت والتعبير

اجيب البيوت اللي على بالي ولابالي

يقولون الوله نزوه وانا اقول المحبه غير

حقيقه ماشرحها زمان الكل به غالي

نصحت الغريراللي يقول ان الهوى تغيير

عشق هذا يحب هذ احشى ماذاق الأهوالي

ترى الحب ياهل الحب كما حرقات اهل الطير

الي منه يدج الحر الأشقر بالسما عالي

الا يالصاحب اللي تكسر بالمشي تكسير

انامااحب البنات اللي تتبع كل رجالي

نصيحه يالغزال اللي عشقني كذب مع تزوير

انا لامن بغيتيني تحبيني انا لحالي

تبيعين العمرلجلي ولجلي ينكتب تقرير

وتواقيعك على الطاعه وعلى مر وعلى حالي

نصيحه يالغزال اللي رمى نفسه بعكس السير

الى منك بغيتيني تحبيني وانا الغالي

2 - 3 - 2018, 11:32 PM

يردك احساسي اللي مايخيبني
حتى ولو غبت يوم يجيبك الثاني

ياصاحبي من متى تقدر تفارقني
ماني بمغرور لكن صعب تنساني

2 - 3 - 2018, 11:47 PM

كنت ادور " مفاتيح الفرح " بالحياة
وكنت احسب انها في مال ولأ غرام

اثر نبض السعادة من عروق الصلاه
واثرها " نور " مايقدر عليه الظلام

المواضيع المتشابهه لموضوع: غير مسجل مملكتي الخاصه هنا لموضوع: غير مسجل مملكتي الخاصه هنا
الموضوع	كاتب الموضوع	المنتدى	مشاركات	آخر مشاركة
هديتك مملكتي	همسه الشوق	همس عذب الكلام والخواطر المنقوله	8	25 - 6 - 2020 02:32 PM
توجت حبك على عرش مملكتى اهداء لهمس	همسة الشوق	همس الشعر والقوافي	10	13 - 6 - 2017 06:59 AM
عشقت مملكتي كعشقي لقلبك	نظرة عين	همس للأثاث والديكور	4	23 - 6 - 2015 03:23 PM
هدوء المكان مملكتي	نظرة عين	همس للأثاث والديكور	6	25 - 5 - 2015 07:37 PM
هزمتني داخل مملكتي	سجات التهاويل	همس عذب الكلام والخواطر المنقوله	1	22 - 1 - 2015 08:37 PM

طلبات الإشراف
	إذا كنت قادراً على الإشراف في شبكة همس الشوق شريطة ان تكون مشاركاتك من فوق [ 5000 مواضيع وردود ]

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع