رواية احبها ولكن كامله - الصفحة 4

23 - 10 - 2014, 03:43 PM

< لا أظاهر أنك أنهبلتي >
غلا/ مضاوي صدقيني هو
مضاوي/ عشانه نفس الصوت ياأخي أصوات الناس تتشابه
غل/ إلا زايد أعرف صوته زين
مضاوي منهبله/ لالا أظاهر العمليه أثرت على عقلك
وقامت وخلتها وجلست غلا تفكر بكلام مضاوي يمكن صوته يشبه صوت زايد
لالالالا مستحيل زايد أعرف نبره صوته زين حتى نفس البحه

بعد العصر جاء الدكتور جاك والممرضه
وقال/ السلام عليكم
غلا ومضاوي/ وعليكم السلام
جاك/ ممكن نكشف على عينك لأنه أحتمال نكتب لك خروج بكره
وقرب من غلا وكان مرتبك وأول مالمس وجهها نزلت دمعه من عين غلا
< لالالا مستحيل أكون غلطانه لكن الميت مايرجع >
قالت غلا بجرأه/ دكتور جاك أنا دائما أشوفك حزين ليه ?
جاك بحده/ لابد تجي الأنسان فتره حزن وفتره فرح
غلا/ بس أنا ماشفت الفرح غير الأيام ذي
قام يقلب الأوراق وكأن الموضوع مايهمه
قال/ ليه ?
غلا/ ماأدري بس أنا فارقت ناس عزيزين علي ولحين في بالي
جاك بحده/ بس الميت مايرجع
غلا/ ومن قال أنهم ماتوا
لاحظت أنه أنصدم وجلس يقلب الأوراق بأرتباك واضح
جاك بأرتباك/ تقولين فارقتي ناس يعني أكيد ماتوا
غلا/ موب شرط يمكن سافروا
أرتبك زياده
وقال/ عن أذنكم
وطلع وعرفت مضاوي هدف غلا من المحادثه الي صارت
وأول ماطلع أنهارت غلا على السرير بتعب
مضاوي/ لاتحاولين تقنعين نفسك ترى الرجال ماقال شئ غلط بعدين زايد مات مات وأنتي لازم تفتكين من الأوهام الي برأسك والحمدلله أنى بنطلع بكره

23 - 10 - 2014, 03:44 PM

< تو مانورت الرياض>
مضاوي/ منوره فيك ياأحلى أم في العالم
الأم/ مبروك ياغلا نجاح العمليه
غلا/ الله يبارك فيك ياخالتي
الأم/ أبوكم وينه ?
مضاوي/ ينزل أغراضه من السياره
الأم/ أجل روحي بدلوا وتعالوا عشان تقهون معنا
طلعت مضاوي وغلا لغرفتهم
مضاوي/ وش رأيك بالغرفه
غلا/ حلوه
مضاوي/ حلوه وبس إلا تجنن
غلا/ دامك عارفه ليش تسألين
ضربتها مضاوي بالمخده ردت عليها بضربه ثانيه ودخلت الحمام بسرعه قبل ماتضربها مضاوي

نزلوا البنات تحت وجلسوا يسولفون ويضحكون خصوصا عمها
عمها/ ذبحني الأكل في الفندق ماأتحرك إلا طلبت لي وجبه
مضاوي/ وأنا أقول وش فيه مايقول بجيب لكم شئ أثره قاعد يأكل أربع وعشرين وموب حاس فينا
الأب/ أحسن خفي شوي
غلا/ عاد مضاوي كل همها الأكل
مضاوي/ أقعد يالي ماتأكلين
بعدين الله يحب يشوف نعمته على عباده
ماتوا كلهم من الضحك

23 - 10 - 2014, 03:45 PM

بعد أسبوع راحت غلا ومضاوي لبيت غلا
ومرت غلا ريشاب قبل ماتروح لبيت أبوها عشان تبي تشوفه
دخلت المحل وشافته منزل رأسه يقرأ بمجله وكان في شعره شيب خفيف وجهه سمح ينحب من أول نظره وكان قصير وشوي سمين
قالت بلهجه هنديه/ نمستي أنكل ريشاب
رفع رأسه وقال/
أيوه لك شو يبغى
ضحكت غلا لأنه مازال يتابع المسلسلات وهالمره سوريه
غلا/ أفا ماعرفتني ياريشاب
سكت شوي ثم توسعت عيونه شوي شوي ثم صارخ
أنتي خلا صح
غلا/ أيوه أنا غلا
ريشاب بهزه رأسه/ لالالا هذا حلم أنت يشوف أنا صح
غلا بضحكه/ طبعا أشوفك
ريشاب بضحك عالي/
حمدالله ياربي حمدالله أنا كتير مبسوط
وقام المسكين يدمع شوي ويضحك شوي وقام جاب كيس وحط فيه كل الي غلا تحبه من بسكوت وعصير وحلاو
وعطاه بيبسي وقال/ صح أنه مافي كويس بس عشان أنتي شوف أنا يعطي
وعطاها الكيس هديه وطلعت غلا وراحت لبيت أبوها
وأول مادخلته نزلت دمعتها كانت تحس أن أبوها مازال فيه ودخلت غرفتها وأخذت لها أغراض وجت بتطلع لمحت فاتوره باسم زايد كانت فاتوره جوالها الي جابها لها زايد ذاك اليوم وجلس يضحك عليها وقال أنها أرخص فاتوره شافها بحياته
تذكرت غلا زايد ونزلت دموعها بغزاره
مضاوي/ هاه أخذتي أغراضك ?
كانت غلا ملقيتها ظهرها وردت عليها وهي تمسح دموعها/ خلاص بس دقيقتين
طلعت مضاوي وراحت غلا لغرفه وليد تفتش فيها لأنها لازم تلقى معنى للي تحس فيه
وفتشت فيها بس مالقت شئ وبالأخير فتحت خزنته حقت أوراقه ولقت ظرف كبير مكتوب عليه ورقه زايد
أرتجفت وهي تأخذها لأنها عرفت أنها شهاده الوفاه
خبتها بشنطتها وطلعت
ورجعت هي ومضاوي للبيت
وأل مارجعت راحت لغرفتها وسكرت عليها وفتحت صندوقها الي فيه هدايا زايد
لقت الثوب الأحمر والجزمه الحمراء أغراض الحفله ونزلت دموعها أول ماتذكرت كيف شروا الثوب والجزمه وكيف زايد حط لها المكياج
ومن بين دموعها لمحت الجوال أخذته بيد ترتعش وفتحته وقرأت المكالمات الصادره وطلعت مكالمه وحده بأسم <" هاجسي ">
وعرفت أن زايد مسمي نفسه بجوالها هاجسي وأنهارت من البكاء وسوت أتصال وتفاجأت أنه دق وألغت الأتصال وأنصدمت أن جوالها مازال شغال رغم أن لها سنه ونص مافتحته ولا تدري عن فواتيره شئ
وتذكرت الظرف الي بدرج أخوها وفزت بسرعه عشان تفتحه وأول ماقرأت أول سطر
أنصدمت ونزلت دموعها مثل السيل كان مكتوب
<" صك طلاق ">

@@@@@@@@@@@@

23 - 10 - 2014, 03:46 PM

< غلا ردي علي غلا تكفين ردي علي >
كان صوت مضاوي وهي خايفه تصحي غلا
<وكان أول مادخلت مضاوي الغرفه لقت غلا مغمى عليها ولقت بيدها ورقه الطلاق وفهمت الموضوع وحاولت تصحي غلا بنفسها عشان مايدري أبوها>
تحركت غلا شوي وكانت تحس بتعب شديد في رأسها
مضاوي بفرحه/ حمدالله أنك صحيتي كنت خايفه عليك
سكت شوي ثم كملت بصوت حزين/ وأنا عارفه بالي صار
ضمت غلا ركبها وجلست تبكي بصوت يقطع القلب
ضمتها مضاوي وقالت/ خلاص ياغلا والله مايستاهل دمعه من عينك
غلا بأستغراب مع دموع/ طيب ليش قالوا لي ميت ليش ماقالي أنه بيطلقني بدال الموت
مضاوي/ خلاص ياغلا لايهمك التافه الحقير أنسيه
غلا بصيحه حزن/ ياليت أقدر أنساه ياليت
وكملت بصوت شخص مو فاهم الي صار/
ليش الكذب ليش يدعي الموت ليش مايبي يقول الحقيقه وشوله الف والدوران كان قالي أنه مايبيني والله كنت سامحته بس ليش يقولون لي مات
ورجعت تبكي بحرقه ومضاوي ماتحملت منظر بنت عمها وجلست تبكي معها
غلا بآهه حزن/ قلتلك يامضاوي أنه هو جاك بس ماصدقتيني عمري مانسيته عشان أشبه بواحد
بس ليه ليه ليه يامضاوي يسوي كذا
مضاوي/ ماأحد بيجاوبك غيره
غلا بحده/ وهذا الي بيصير أنا لازم أسافر الإمارات وأشوفه
مضاوي/ صاحيه ولا مجنونه وش بتقولين لأبوي
غلا/ بقوله الحقيقه
مضاوي/ صدق مجنونه وأفرض الرجال بايعك وش راح تكون رده فعلك عند أبوي غلا بحزن/ طيب وش أسوي ?
مضاوي/ أصبري لحد موعدك
غلا/ الموعد بعد شهرين وشلون أبصبر
مضاوي/ أصبري عاد بعدين أبوي ناوي يخطبك لأخوي عامر فمايحتاج تجرحينه قبل ماتقابلين زايد
أنصدمت غلا وقالت/ بس أنا ماأبي أتزوج وأنتي عارفه هالشئ
مضاوي/ ماتدرين يمكن تغيرين رأيك بعد ماتقابلين زايد
سكت غلا
ومر عليها الشهرين كأنهم سنتين كانت محتاره من موقف زايد وخصوصا أنه كان يحبها وجلست تفكر بحالتها
<لالالالا ياغلا أصحي أي حب الي يخليه يسوي كذا
بس هو يحبني حتى أنه طلع من المستشفى يوم عمليته عشان يواسيني
ودخل طب عيون عشاني هو قال لي أنه بيدخل الطب عشاني بس أنا ماصدقته
لكن ليش جفاني مع أنه دايم يقولي أنه يحبني
ياه ياغلا أنتي فعلا مسكينه مو كل ماأنقال صدق
بس ليش ليش >
وفعلا مثل ماقالت مضاوي خطبها عمها لعامر وقال لها/ مهما كان ردك راح تبقين عزيزه بقلوبنا وإذا قررتي قولي وأنا عمك وأخذي راحتك لاتستعجلين

23 - 10 - 2014, 03:46 PM

سافرت غلا ومضاوي وعمها لموعدها وكانت غلا قلقانه من الي بيصير
وأول مادخلت غرفه الدكتور حكيم
قام سلم عليهم وجلسوا وطلب الممرضه تنادي الدكتور جاك وألتفت يشوف رده فعل غلا وأنتبهت غلا لحركته بس تظاهرت بعدم الامبالاه
وأول مادخل الدكتور جاك فز قلب غلا وحاولت ماتناظر فيه بس ماقدرت ورفعت نظرها لقته يتأملها بحزن
كح حكيم عشان ينبهه وأنتبه بسرعه وأبتسم وسلم عليهم ثم جلسوا يستفسرون من غلا عن أي أعراض وكان حكيم يسألها وجاك يناظرها بنظرات غريبه
ثم جت الحظه الي أنتظرتها غلا طلب جاك أن غلا تروح معه لغرفه المعاينه عشان يقيس نظرها ويكشف على عيونها
وطلع ينتظرها عند الباب
قالت مضاوي بصوت واطي/ أنتبهي وأنا بجلس مع أبوي عشان مايجيكم
طلعت غلا وصارت تمشي ورى الدكتور جاك وعيونها تدمع لأنها ماتوقعت يجي اليوم الي يعاملها زايد مثل الغريبه
ودخلت غرفه المعاينه وطلب جاك من الممرضه تكتب بيانات المريضه
وجلست غلا على كرسي قدامه آله نظر وجلس جاك قدامها وقرب العدسه من عيونها ولاحظ الدمع فيها فانصدم
ثم كمل شغله وجلس يكشف على عيونها
وبعد ماخلص قال لها/ بعطيك قطره تحطينها في اليوم مرتين لمده شهر
وأتمنى يا...........
غلا مقاطعه/ غلايه
قال/ نعم ?
غلا/ أسمي غلايه
قال بأرتباك/ وأتمنى ياأخت...... غلايه أنك تلتزمين بالقطره وإنشالله فيها العافيه
وقام يجلس ورى مكتبه
غلا/ زايد
طاح من يده القلم وتنحنح ورفعه
غلا/ ماأعتقد أنك ماتعرفني
قال/ أمري ياأختي
غلا/ أظن أن الموضوع أنكشف
وأنا ماجيت أعاتبك كل الي أبي أع...........
ضحك وقال/ وبأي حق تعاتبيني
غلا/ زايد أنا كل الي أبي أعرفه ليش سويت كذا
سكت شوي ثم طلب من الممرضه تطلع
قال/ ماأظنك تمانعين لو طلعت لأني أعتقد أنك ماتخافين مني
غلا/ عمري ماخفت منك
قال بضحكه عصبيه/ أجل الحين أنصحك تخافين مني
وفز بسرعه وقرب لمها وهي واقفه بمكانها ماتحركت وأستغرب من فعلها وقرب منها بزياده وماتحركت
قال/ يعني ماخفتي
غلا/ إذا أنت زايد الي أعرفه فمستحيل تأذيني
قال بصوت مرير/ هذا بلاء أبوك ياعقاب
ولمحت غلا أن نظره حزن كست وجهه بس أختفت بسرعه وجت مكانها نظره قساوه
قال بحده/ أنتي وش تبين الحين
غلا بنفس الحده/ أبي أعرف ليش سويت كذا
زايد/ ماأعتقد أنه ضروري نفتح ماضي قديم أنا نسيته
غلا بصيحه/ بس أنا مانسيته
زايد بسخريه/ لالا عيب ياغلا كذا تخونين أبو عبدالله
غلا بأستغراب/ من أبو عبدالله ?
زايد بنفس السخريه/ ياحرام حتى زوجك أبو ولدك نسيته عادي هذا طبع فيك
غلا/ أي زوج وأي خرابيطه أنا ماتزوجت
لاحظت أنه أنصدم

23 - 10 - 2014, 03:47 PM

زايد/ بس أنتي قلتي لحكيم أنك متزوجه وعندك ولد
غلا/ كذبت عليه عشان مايتميلح عندي تكفيني همومي
سكت من الصدمه
غلا بنفاذ صبر/ بس أنت ليش قلت أنك ميت وماقلت أنك مطلقني
زايد بلامبالاه/ كذا قلت عشان تنسين أسرع
غلا بدهشه/ لالالا أنت مو زايد الي أعرفه لالا أنت ظالم
هنا صارخ بوجهها وقال بصراخ إنسان مجروح/ أسمحيلي أكون ظالم لأني مابغيتك تنجرحين بالطلاق مثل ماجرحتيني
أسمحيلي أكون ظالم لأني بغيت نفترق وأنت مازلتي تكنين لي شئ بسيط بدال كلمه طالق حتى لو ماعنيتلك شئ
أسمحيلي أكون ظالم لأني ماحبيت تنزل من عيونك دمعه على كلمه طلاق حتى لو ماهميتك
أسمحيلي أكون ظالم أسمحيلي
وأنهار على الكرسي من التعب
جلست غلا تبكي بصمت
غلا/ أنت مستحيل تكون زايد مستحيل تكون زايد الي حبني وحبيته
فز بسرعه ومسكها بأيدينها وجلس يهزها ويقول بصوت عصبي حاد/ لاتقولين حبيته أنتي ماتعرفين معنى الحب أصلا أنت جسد بلاقلب
غلا بدموع كالسيل/ أنت وش قاعد تقول
زايد بسخريه وألم/
<حتى لو كنت متملكه ماراح أكون لغيره وماراح أكون سعيده مع غيره>
موب هذي جملتك الي قلتيها لوليد صح ولا لا
أنصدمت غلا من أسلوبه الخشن معها
هزها بقوه وقال بعصبيه/ ردي قلتيها ولا لا
غلا/ قلتها بس...............
زايد بضحكه عصبيه/ خلاص أجل الي قال لي أنك تحبين ولد عمك ماكذب ولا أنا غلطان
أنصدمت غلا
قالت بذهول/ يعني كل هالدراما الي سويتها من موت وسفر عشانك سمعت أكاذيب
زايد/ لا موب أكاذيب وأنا سامعك بأذني
فماله داعي تصغرين بعيني أكثر من كذا
خلاص وش تبينبي ماعندك الحبيب الغالي ولد العم
أنهارت غلا وطاحت على ركبها بالأرض
وجلست تبكي مستحيل يكون ذا زايد الي حبته وأخلصت له كل هالسنين
غلا بحزن/ تصدق لو أنك قايلي أنك طلقتني كان أرحم علي من أنك تقول أنك ميت
ولابعد تقول أن من حبك لي سويت كذا
زايد بحزن وحسره/ أيه حبيتك وكملت الطب عشانك لكن طلعتي ماتستاهلين الواحد يحبك
ماقدرت تحمل غلا
خلاص عرفت أن زايد الي تحبه مات
قامت ومسحت دموعها وطلعت وقبل ماتطلع التفت لمه وقالت بصوت منكسر/ ياكثر ماقلت لي أحبك وياكثر ماطلبتني أقولها وشف النتيجه الي قالها ماعرف معناها والي ماقالها أحترم معناها
آآآآآآه ليتك كنت ميت على الأقل عذابي مايروح خساره
وطلعت وخلته مصدوم
وأول ماوصلت عند عمها سألها بقلق/ ليش تأخرتي خفت يكون صار شئ
لاحظت مضاوي أن غلا منهاره
قالت/ يوه يابوي وش صار عطوها قطره وبس والحين خلنا نرجع للفندق

23 - 10 - 2014, 04:35 PM

<ألف ألف مبروك ياغلا مابغيتي توافقين>
غلا/ ياحول يامضاوي توني أفتكيت من عمي وخالتي لاتكملين أنتي
مضاوي بضحكه/ طيب متى الملكه
غلا/ قلت لعمي تصير مع العرس مره وحده
مضاوي/ أحسن بعد عشان تصير الفرحه فرحتين ملكه وعرس
< وافقت غلا على ولد عمها بعد تفكير طويل لقت أنه الحل الوحيد للنسيا ومنها ترد جميل عمها عليها >
وقر عمها أن العرس والملكه راح يكونون بعد شهروصارت العائله في حاله فوضى الكل كان متحمس للعرس حتى وليد جاء عشان عرسها إلا غلا كانت تحس برود وكانت كل أسبوع تروح لبيت أبوها تجلس تفكر بحالها وتذكر أيامها في البيت الي مازالت تشوف فيه أبوها
وذاك اليوم راحت للبيت كالعاده
طبعا بعد ماتمر على ريشاب وتأخذ منه أغراض
وبعد ماجلست بغرفه أبوها تتأمل حالها من بعده
طق باب البيت فزت وتوقعت أنه يكون وليد لأنها قالت له أنها بتروح للبيت
راح تفتح الباب وأول مافتحته أنصدمت كان
<" زايد ">

@@@@@@@@@@@@

غلا بحده/ خير وش تبي ?
زايد بأبتسامه/ أفا ياغلايه مافيه تفضل
غلا/ بأي حق ?
زايد/ بحق زايد
غلا/ زايد مات
زايد/ بس رجع
غلا/ وإذا رجع مايعنيلي شئ
وسكرت الباب بس زايد كان أسرع منها ودخل قبل ماتسكر الباب
غلا بحده/ لوسمحت اطلع برى مايصير كذا أنا على وجهه زواج وشينه في حقي أنك تشوه سمعتي
هنا أنهار زايد وجلس يبكي وقال/ عشان كذا أنا جاي دخيلك ياغلا ماتزوجين
أنصدمت غلا من منظر زايد كان باين عليه التعب بس تمالكت نفسها وقالت
بسخريه/ ليش ماأتزوج موب أنا بنت ولازم تتزوج وبعدين راح أتزوج حبيبي موب واحد غريب
زايد بصوت حزين/ لاياغلا أنا عرفت الحقيقه كانت مها بنت خالتي دايم تحذف علي كلام أنك تحبين ولد عمك بس كنت ماأصدقها وياما هزئتها
وبعد العزاء دقت علي وقالت أنها سمعتك تقولين أنك راح تطلبين الطلاق بعد وفاه الوالد لأن أبوك هو الي أجبرك على الزواج عاد أنا أول ماسمعتها شكيت وقلت لازم أتأكد وجيت عندكم وقبل ماأطق الباب سمعتك تسولفين مع وليد أنك حتى لو كنتي متملكه ماراح تكونين لغيره ولاراح تكونين سعيده مع غيره فعرفت أن مها صادقه فقررت أطلقك بكرامتي قبل ماتطلبينه بس خفت تجرحك كلمه الطلاق حتى لو ماحبيتيني فرحت لوليد وعطيته الورقه وسألته بالله أنه يقولك أني ميت
طبعا هو أستغرب بس ماشرحت له شئ ومشيت وخليته حاقد علي بس ماقدرت أشرح له
غلا بسخريه/ ياسلام وش معنى هالحين عرفت أني بريئه بعدين يمكن صدق كلام مها
زايد/ بعد ماطلعتي من عندي فكرت بكلامك وقلت مو معقوله تجين تسأليني عن سبب كذبتي دامني ماأعنيلك شئ فرجعت للرياض وسألت إذا أنتي متزوجه قالوالي لا
رحت لمها وهددتها تقول الحقيقه ولا بفضحها عند زوجها طبعا هي خافت وقالت لي أنها حقدت عليك بعد ماطردتيها من البيت وقررت تنتقم منك وبس وأنا الحين جايك كلي ندم و

23 - 10 - 2014, 04:35 PM

<ألف ألف مبروك ياغلا مابغيتي توافقين>
غلا/ ياحول يامضاوي توني أفتكيت من عمي وخالتي لاتكملين أنتي
مضاوي بضحكه/ طيب متى الملكه
غلا/ قلت لعمي تصير مع العرس مره وحده
مضاوي/ أحسن بعد عشان تصير الفرحه فرحتين ملكه وعرس
< وافقت غلا على ولد عمها بعد تفكير طويل لقت أنه الحل الوحيد للنسيا ومنها ترد جميل عمها عليها >
وقر عمها أن العرس والملكه راح يكونون بعد شهروصارت العائله في حاله فوضى الكل كان متحمس للعرس حتى وليد جاء عشان عرسها إلا غلا كانت تحس برود وكانت كل أسبوع تروح لبيت أبوها تجلس تفكر بحالها وتذكر أيامها في البيت الي مازالت تشوف فيه أبوها
وذاك اليوم راحت للبيت كالعاده
طبعا بعد ماتمر على ريشاب وتأخذ منه أغراض
وبعد ماجلست بغرفه أبوها تتأمل حالها من بعده
طق باب البيت فزت وتوقعت أنه يكون وليد لأنها قالت له أنها بتروح للبيت
راح تفتح الباب وأول مافتحته أنصدمت كان
<" زايد ">

@@@@@@@@@@@@

غلا بحده/ خير وش تبي ?
زايد بأبتسامه/ أفا ياغلايه مافيه تفضل
غلا/ بأي حق ?
زايد/ بحق زايد
غلا/ زايد مات
زايد/ بس رجع
غلا/ وإذا رجع مايعنيلي شئ
وسكرت الباب بس زايد كان أسرع منها ودخل قبل ماتسكر الباب
غلا بحده/ لوسمحت اطلع برى مايصير كذا أنا على وجهه زواج وشينه في حقي أنك تشوه سمعتي
هنا أنهار زايد وجلس يبكي وقال/ عشان كذا أنا جاي دخيلك ياغلا ماتزوجين
أنصدمت غلا من منظر زايد كان باين عليه التعب بس تمالكت نفسها وقالت
بسخريه/ ليش ماأتزوج موب أنا بنت ولازم تتزوج وبعدين راح أتزوج حبيبي موب واحد غريب
زايد بصوت حزين/ لاياغلا أنا عرفت الحقيقه كانت مها بنت خالتي دايم تحذف علي كلام أنك تحبين ولد عمك بس كنت ماأصدقها وياما هزئتها
وبعد العزاء دقت علي وقالت أنها سمعتك تقولين أنك راح تطلبين الطلاق بعد وفاه الوالد لأن أبوك هو الي أجبرك على الزواج عاد أنا أول ماسمعتها شكيت وقلت لازم أتأكد وجيت عندكم وقبل ماأطق الباب سمعتك تسولفين مع وليد أنك حتى لو كنتي متملكه ماراح تكونين لغيره ولاراح تكونين سعيده مع غيره فعرفت أن مها صادقه فقررت أطلقك بكرامتي قبل ماتطلبينه بس خفت تجرحك كلمه الطلاق حتى لو ماحبيتيني فرحت لوليد وعطيته الورقه وسألته بالله أنه يقولك أني ميت
طبعا هو أستغرب بس ماشرحت له شئ ومشيت وخليته حاقد علي بس ماقدرت أشرح له
غلا بسخريه/ ياسلام وش معنى هالحين عرفت أني بريئه بعدين يمكن صدق كلام مها
زايد/ بعد ماطلعتي من عندي فكرت بكلامك وقلت مو معقوله تجين تسأليني عن سبب كذبتي دامني ماأعنيلك شئ فرجعت للرياض وسألت إذا أنتي متزوجه قالوالي لا
رحت لمها وهددتها تقول الحقيقه ولا بفضحها عند زوجها طبعا هي خافت وقالت لي أنها حقدت عليك بعد ماطردتيها من البيت وقررت تنتقم منك وبس وأنا الحين جايك كلي ندم و

23 - 10 - 2014, 04:41 PM

رحت لمها وهددتها تقول الحقيقه ولا بفضحها عند زوجها طبعا هي خافت وقالت لي أنها حقدت عليك بعد ماطردتيها من البيت وقررت تنتقم منك وبس وأنا الحين جايك كلي ندم وأترجاك ماتزوجين
حست غلا بجرح كبير في قلبها قالت بألم/ ياه يازايد عذاب كل هالسنين عشان أشاعه تافه
زايد بحزن/ موب أنتي الوحيده الي تعذبتي حتى أنا ذقت الويل من فراقك
بس كملت وعدي لك أني أصير طبيب عيون مع أنك ماكنتي مصدقتني ومعك حق لأني أنا نفسي ماكنت أتوقع أكمل طب بعد ماقدمت أعتذار بعد أربع سنوات وأول ماشفتك وحبيتك كملت الطب وتخصصت طب عيون وكل هذا عشانك كنت أقول أني فقدتك بس راح أصير دكتور وأحافظ على وعدي لك
سكت غلا ماردت عليه
زايد بألم/ تكفين قولي أنك ماراح تكونين لغيري تكفين ياغلا
غلا برود/ قد طردت بنت خالتك وماني بعجزانه ماأطردك لكن أبيك تطلع بنفسك أفضل
ودخلت غرفه أبوها وبعد شوي سمعت الباب يفتح ويسكر
وأنهارت على الأرض تبكي كان أخر شئ توقعه أن زايد يصدق كذبه تافه ويسوي الدراما هذي كلها

@@@@@@@@@@@@

< غلا وش رأيك بفستاني >
غلا/ حلو
مضاوي/ بدال ماتقولين يهبل
غلابضحكه/ ولايهمك يهبل
مضاوي/ كأني أسمع جوالي يدق بروح أشوفه
وطلعت وتذكرت غلا جوالها
قامت فتحت الدرج وطلعت الصندوق وأخذت الجوال ورجعت الصندوق
وقامت سكرت باب الغرفه وفتحت جوالها وبأصابع مرتجفه فتحت على الرسايل
وكانت كلها من "هاجسي"
قرأت أول وحده وسمعت القصيده الي أرسلها وبعدها أختفى
<لاصرت بايعني أشوفك على خير>
وجلست تبكي توها فهمت معناها توها عرفت قصده
ليه يازايد ليه تصدق الكلام الي فرق بينا
وفجأه دق جوالها وأنصدمت كان مكتوب
" هاجسي "
يتصل بك

23 - 10 - 2014, 04:42 PM

أرتبكت وصارت ماتدري وش تسوي وفي الأخير أنقطع الأتصال وبعد شوي جتها رساله من زايد
< أحلفك بالله تردين علي تكفين ياغلا أبيك تسمعيني
صعبه ياغلا عقب ماتعذبت هالسنين تكونين لغيري >
بعد تفكير طويل أرسلت له غلا
< ماتقبلت الفراق ومال يدي فيه حيله
آآآآآه لو أن الظروف المقبله تكشف قدرها
لو يعرف الشخص منا وش مع الغيب بيجيله
كان جنبنا المشاكل من قبل يوقع ضرها
والعذاب الي يذوب بعين من يفقد خليله
عندي أكبر من عذاب العين لو تفقد نظرها >
وبعد فتره طويله أرسل لها
< أنا ماأبي أكثر من الي فيك لاقيته
حنان ورقه وقلبن ياكبر بيته
سكني وسط صدرك بأيدينك
جرحي داويته
كفايه بسمتك هذي تنسيني الي عانيتة
كفايه طلتك تملأ حياتي الي
حبيته
بعد ماجيتني بحبك بعد كل الي سويته
بيبقى حبي لك وحدك وغيرك
رحت وخليته >
حست غلا بقلبها حزن كبير وجلست تفكر بداخلها
صعبه أحب شخص وأتزوج غيره
آآآآخ أي شخص وهو جفاني وصدق كلام العذال وباعني بأسرع وقت
وفجأه دق زايد ومسكت غلا وجلست تقرأ " هاجسي "
وقالت بصوت مرير/ فعلا عرفت تسمي نفسك
"هاجسي" راح أتزوج غيرك وأنت بتبقى هاجسي
آآآآآآه الله يعين القلب المجروح
وبعد ست مكالمات من زايد أرسل لها
< تكفين ياغلا ردي عشان خاطري عندك أنا أعترف أني غلطت يوم صدقت مها بس صدقني من حبي لك كنت أعمى ماقدرت أتحمل أنك تحبين غيري

المواضيع المتشابهه لموضوع: رواية احبها ولكن كامله لموضوع: رواية احبها ولكن كامله
الموضوع	كاتب الموضوع	المنتدى	مشاركات	آخر مشاركة
رواية طلبتك لا تحاكيني كامله	سجات التهاويل	همس للقصص وحكايات وروايات	331	8 - 6 - 2018 01:05 PM
رواية الا ليت القدر كامله	نَقاء أنامِل	همس للقصص وحكايات وروايات	71	7 - 9 - 2014 02:20 AM
رواية رغد وبدر كامله	سجات التهاويل	همس للقصص وحكايات وروايات	133	7 - 9 - 2014 02:14 AM
رواية شغب بنوته كامله	نَبض♡~	همس للقصص وحكايات وروايات	16	16 - 2 - 2014 05:50 PM
رواية ارادة رجل كامله	ادمنت تعذيبك	همس للقصص وحكايات وروايات	35	22 - 4 - 2012 01:48 AM

طلبات الإشراف
	إذا كنت قادراً على الإشراف في شبكة همس الشوق شريطة ان تكون مشاركاتك من فوق [ 5000 مواضيع وردود ]

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع