رواية قول احبك واترك الدنيا لعيونك - الصفحة 7

12 - 9 - 2014, 03:15 PM

فيصل دمعت عينه على دموعها لف وجهه بسرعه وهو يقول بتصنع:يالله دخل شي بعيني مسح دمعته وهو يتكلم معاها ويفهمها بهدوء وهو فاهم كل دموعها
************************************************** **************
رجعت للواقع ببتسامه:ماتغيرت عمرك ماترضى لأحد يشوف دموعك ^_^
(كانت العماره حديقه مثل ماوصفتها وفيها 3 شقق ارضيه شقه لشموخ وشقه لمشاري وشقه يقولون صاحبها مسافر توجه فيصل معاها للشقه اليمين وهو يفتح باب الشقه قال اللي كلها مزيج من اللوان تحبها شموخ
كان لون الصاله رمادي وزهري فاتح وفيها كنب جلد رمادي وفضي وزهري كانت الصاله هاديه ومريحه للأعصاب فيها نوع من الفخامه ناسبت ذوقها بشكل كبير دخلت غرفت النوم لقتها فوشي واورنج جا ببالها هذي

اللحضه مشاري والحاف اللي غطته فيه نفضت هالفكره من راسها وهي تتفرج على الى السرير الكبير والأرض اللي مليانه دباديب كانت الغرفه مميزه دخلت الحمام(وانتو بكرامه)عجبها مره لأنه كان كبير وفيه جاكوزي ومسبح صغيره وحلوه وبانيو كبيير لفتها لوشن الفواكه اللي تموت عليه
وخنقتها العبره وهي تقول:معقول متذكر كل شي احبه اللوان الشقه اللوشن الحمام وكأنه مصمم خاص لي
طرى في بالها موقف
دقت على جواله ووصله صوتها الناعم:الوو صقوور
فيصل بزعل استهبال:انا كم مره اقولك لاتقولين لي صقر احس انك تكلمين ابوي ماتكلميني
شموخ:ههههههه احب اناديك صقر ولا يهمك يافصول
فيصل:ايه كذا ياعيون فصول الا مو قلتي بتروحين تتروشين
شموخ:يب قلت بس مالقيت مويه حاره أنا احب اتروش بمويه حاره بعدين بارده تصدق اتمنى لو عندي بالحمام جاكوزي ومسبح وبانيو كبيير
فيص ابتسم:لمن نكبر ونتزوج بسوي لك كل اللي تحلمين فيه
شموخ:ياروحي الله لايحرمني منك
فيصل:وكم شوشو عندي هي وحده ومطلعه عيوني
شموخ:دب ما احبك
فيصل:يكفي اني انا احبك
شموخ استحت:فصوول
فيصل غير الموضوع:ايوه وما قلتي لي كيف تبين صالتنا
شموخ بحماس:ابيها زهري ورمادي فاتح وابغا كنب جلد نجلس عليه انا وياك ونتفرج كل يوم فلم مع بعض
فيصل ابتسم وتحمس يحبها لمن تتحمس بخيالها:ايوه وايش لون الكنب
شموخ بتفكير:امممم اذا الصاله رمادي وزهري اذن الكنب نفس الشي وندخل عليه فضي
فيصل:واااااااااو خيالك يجنن حمستيني وكيف تبين غرفة النوم
شموخ بابتسامه: ابيها فوشي وعودي وتكون كلها دباديب
فيصل:لا يشيخه غرفة زوجين كلها دباديب وبعدين انا اغار عليك من الدباديب لا ماراح احط دباديب
شموخ:ومن قال اني بطالع الدباديب وانت معي انا بطالعك طول الوقت
فيصل:احبببببببببببببببببك
************************************************** *********************

12 - 9 - 2014, 03:16 PM

************************************************** *********************
رجعت للواقع والدمعه بهدب عينها:مو معول يافيصل كل كلمه وكل حرف متذكرها طلعت
للغرفه وهي تطالعها اشرت على الجدار الأورنج وقالت ودموعها على خدها:بس هذا غلط انا قلت عودي
ابتسم فيصل من وراها:سامحينا على الغلطه وشوفيني استسلمت قلت لك اغار من الدباديب بس حطيتهم لك
شموخ ابتسمت ولفت عليه:فيصل انت اطيب مخلوق بالدنيا انا جد ما استاهلك <<نزلت دموعها بغزاره
حن فيصل عليها وقرب لها بتردد ومسح دموعها وقال بهمس حنون:اذا انتي ما تستاهليني فمافي احد بالدنيا يستاهلني <<قرب لأذنها وهمس:احبكـ
ارتعشت من هالكلمه والأهم انها من حب طفولتها
************************************************** ************************************************** *******************************
عند مايا كانت شايله الدنيا فوق راسها ومهي حاطتها ماتدري وش تسوي مهي عارفه ايش تسوي او كيف تتصرف
رفعت جوالها لأخر مره بأمل انه شموخ ترد أو انها بتروح وتقول لعمها كل شي وتوضح له عدم موافقة شموخ
************************************************** ********

12 - 9 - 2014, 03:17 PM

يتبع

عند شموخ انسدحت بالغرفه وسرحت بتفكيرها لبعيد عن هالشقه وعن الأنسان اللي يعشقها سرحت بمشاري الأنسان اللي سحرها بكلامه ورجولته
وبكل شي فيه كان كل تفكيرها بروده وهي طالعه من البيت معقول ماحبني مثل ماحبيته معقول كنت اتوهم <<ضربت راسها بخفيف:اصحي ياشموخ اصحي انتِ تفكرين بأنسان وانتِ بتسيرين

بذمة انسان ثاني تنهدت وهي تطالع حولها:معقول من سبعه سنين وهو ينتضرني كم صبرت يافيصل كم صبرت
قطع تفكيرها صوت جوالها طالعت الشاشه"توأم روحي" تنهدت تهدي نفسها ورد بشوي مرح:ميووشه ازيك
مايا نزلت دمعتها وهي متأكده انه شموخ تمثل لأنها ماتبي تزعلها وبهدوء:شوشو مني محتاجه تجامليني ابكي وصرخي وسوي اللي تبين انتي كذا مو بس تحسسيني بالذنب انتي كذا تموتيني <<وببكا:والله تموتيني
شموخ دمعت عينها بس مسحتها وابتسمت:مايا ياقلبي كل الحياة اللي نحنا عايشينها مكتوبه من قبل نطلع على هالدنيا والبشر بالأرض مجرد اسباب لربط الأمور واذا كنتي انتي او غيرك ربي بيربطني بهالأنسان
لأنه كاتب هالشي لي وانتي مجرد سبب ماراح اقول لسعادتي بس بعد ماراح اقول لتعاستي لأني مع هالأنسان مدري وش بتكون حياتي وبصراحه مقدماً مشكوره لأنه شكله ولد حلال وطيب
مايا ببكى:شموووخ كيف قلبك كبير كذا كيف انا اسف ادري انها ماتنصرف بس بجد انا اسفه ومستعده اصلح غلطتي
شموخ بحنان:مايا ياقلبي احياناً عشان نصلح غلط نطيح بغلط اكبر وانا لو ابي بصلح كل شي انا مو عاجزه بس انا غرت منك انتي وسحوبه ورميمو انكم مخطوبات وقلت اكمل الصف
مايا ابتسمت:اشكرك ياشموخ انك تسايسيني وانا متأكده انه جواتك نار وودك تذبحين اللي خاطبك
شموخ هنا ظحكت من جد:هههههه مايا سلامات وش شايفتني ترا ديت الموضوع اروح للرجال واقوله ما ابيك بتخاصم شوي بس بيرضون بس انا اللي ابيه الحين فهمتي
مايا:قولي والله
شموخ ابتسمت:والله اني ابيه <<وبقلبها:بس ابي مشاري اكثر
مايا بهمس:طيب وصقر
شموخ بأستغراب:صقر مين
مايا:اخوي
شموخ زاد استغرابها:وش فيه صقر اخوك
مايا:خلاص نسيتيه ماعدتي تحبينه
شموخ ابتسمت بشك:انتي فتحتي الدفتر اللي فيه مفتاح
مايا وهي تحك راسها بطرف اصابعها:اللقافه ذبحتني
شموخ:هههههههههههههههههههههههههههههههههههههههههههه
مايا استغربت ضحكتها:وش فيك؟؟
شموخ وهي مهي قادره تتكلم من الضحك:وانـ هههه انتــ هه ـي تحسبيني احب اخوك هههههههههههه
مايا تنحت:اجل من صقر
شموخ ببتسامه:صقر بجنبي ومعي الحين صقر هو فيصل ياتنحه
مايا بتناحه:تستهبلين وشلون صقر هو فيصل

12 - 9 - 2014, 03:18 PM

شموخ:ابو فيصل اسمه صقر توفى بس كان معروف عنه وش كثر هو نشمي وطيب
ويخدم الناس وكان له هيبه وشخصيه وفيه جمال وملامح حاده كبر فيصل وسار مثل ابوه وسارو يسمونه الناس الصقر
يعني انه مثل ابوه ومسكو عليه الناس اسم صقر وانا بصراحه احب اناديه صقر وهذي كل السالفه
مايا بتناحه:صدمتيني
شموخ بضحكه:عسى ماتعورتي بس
مايا ارتاحت على الأقل انه شموخ اخذت الأنسان اللي تبيه وتحبه وقالت ببتسامه:مبروك يا أجمل عروس في الوجود
شموخ:الله يبارك فيك يا أحلى اخت في الوجود
************************************************** ************************************************** ***
مر اليوم على الكل بشكل غير عن المعتاد وكانت الدموع اكثر مايعبر عن احساسهم
طلعت شمس جديده تعلن يوم جديد بأحداث جديده
بيت ابو سطام وتحديداً غرفه سلطان كان حابس نفسه بالغرفه والفكير يوديه ويجيبه حاس انه مخنوق من يوم سمع خبر
خطبتها وانه مايبي يشوف احد كل تفكير له يقول:انا الغلطان اللي ماخطبتها من زمان اااه ياشموخ الله يوفقك
************************************************** ************************************************** *******
بيت ابو سيف
منال وهي تكلم اختها:هلا منار وش عندك داقه من الصبح
منار بأبتسامة خبث:ببارك لك على خطبة بنت زوجك
منال بقهر:اسكتي بس لا اوريك تباركين لي على هالنسره
منار:ماقلتي لي من اخذت
منال:واحد اسمه فيصل صقر الـ..
منار:فيصل الـ... يمااااه يخقق هالولد كيف وصلت له هالكلبه وهي هناك حتى وهي هناك ناشره شرها
منال:الحيوانه ماتطيح الا متواسيه
سليمان وهو نازل من الدرج:اذكري الله يالنسره لاتروح فيها اختي
منال ارتبكت وفزت بأحترام ودلع ماصخ:هلا سلوم
سليمان وهو يكشر بوجهه :يع وش ذا المصاخه
منال وهي تتلصق فيه:تعال احت لك فتور
سليمان وهو يتريق عليها ويفض يدها عنه:مابي فتووور وطلع وصفق بالباب
منال رجعت لسماعه وهي تكلم بقهر:ايه منار وش كنا نقول
منار:من هذا بحت صوته تهبل
منال عصبت:مالك دخل من هذا هذا حقي انا وبس
منار استغربت:كيف يعني
منال تنهدت:هذا ولد زوجي بصراحه احبه وابي اجيب راسه
منار بخبث:سوي له سحر
منال تنهدت:لو اسوي من اليوم لبكره هذا الولد مثل الملائكه ذكر الله مايطيح من لسانه
والورد اول بأول تخيلي اني كنت بسوي له سحر بس جته رؤيه وفسرهااني اسوي له سحر وجا
وحذرني تخيلي انا انفجعت وماعرفت شقول له
منار تكلمت بتفكير:انتي متزوجه الأبو خلي الولد لي
منال:خذي سيف بس سليمان هذا لي انا وبس
منار بأستفهام:سيف مو خاطب
منال بخبث:سوي له عمل عشان يفك خطبته من الحيوانه اللي ميت عليها
دخل سيف وابوه بهذي اللحضه وسمعو كل الكلام
************************************************** *********************

12 - 9 - 2014, 05:50 PM

البارت الثالث عشر اعذروني على التأخير بس فترة اختبارات وظغط
v
v
دخل سيف وابوه بهذي اللحضه وسمعو كل الكلام ابو سيف وهو متكتف:وانتي توزعين عيالي على كيفك واحد لك والثاني لأختك
منال طاحت السماعه من ايدها ووقفت وبعيونها دموع:عبدالعزيز لاتفهمني غلط انـ ...<<سكتها كف قوي منه ولحقه ثاني وثالث
وهو يقول بقهر:انا اللي عزيتك ورزيتك يالشغاله من بعد ماكنتي متفلته بالشوارع لاموني اهلي وبكيت بنتي خليك تعيشين ملكه
<<وهو يمسك شعرها:وش تحسبين نفسك تحسبين اني بموت لا طلقتك ترى انا اقدر اطق اربع غيرك الحين بأشاره وحده وكل وحده احلى
واكثر احترام منك انا داري انك متزوجتني عشان فلوسي وقلت معليش داري انك تذبين كلام على بنتي وقلت معليش وداري وداري وساكت
لكن توصل انك تسحرين عيالي وتخلينا بين ادينكم لا احب اقولك انك بتنطردين بالشارع روحي لسليمان انا راضي هذا اذا رضى يطل بوجهك ياحيوانه
ولدي اشرف منك ومن اختك روحي واذا رضا فيك خليه يعيشك العيشه هذي يا بنت الشوارع<< فك شعرها بقوه ورماها على الأرض وهو يمشي:عندك ساعه لمي اغراضك وانقلعي برا بيتي ولاأشوفك تقربين عالبيت او على عيالي
منال وهي تبكي مسكت برجله بترجي:تكفى سامحني تكفى والله مالي غيرك تكفى ما ابي ارجع لأهلي اللي يضربوني ويهزئوني
ابو سيف وهو ينفض ايدينها المتعلقه بثوبه:قلت لك عندك ساعه وراحت منها دقيقه <<وطلع من البيت
اما سيف فوقف يطالعها وهي تبكي رفعت راسها له وقالت ببكى وصراخ:تبي تتشمت اتشمت يالله وش تستنى اصلاً هذا اليوم انتم تنتضرونه من زمان
مشى سيف متوجه للمطبخ وجاب كاس مويه مده لها بتنهيده وهو يقول:قومي يا مرت ابوي قومي
استغربت معاملته وجا ببالها هل هو سمع كلامها بالتلفون مثل ابوه او لا قامت بسبب طلبه من الأرض وجلست على الكنبه مد لها كاس المويه وقال لها:اهدي شوي وخلينا نتكلم
منال زاد استغرابها وهي تطالعه بتناحه حطت الكاس على الطاوله بعد ماشربت وناظرته ومأنها تقول كمل وفعلاً كمل سيف كلامه
وهو يقول بهدوء يفطر القلب:تدرين كان ممكن تكسبين كل اللي فالبيت بطيب اخلاقك بس وش استفدتي الحين ولا اي شي كنتي تقدرين تكونين ملكت هالبيت وملكه بقلب ابوي بس تصرفاتك كلها تمنعك من كذا
تبين تسحرينني وتفرقيني عن خطيبتي عشاني احبها طيب واحبها تفرقين بيننا وش سويت لك انا غير كل خير انتي ماتتمنين السعاده لي ولا لأخوي ولا حتى لشموخ لأنك مو سعيده صح

12 - 9 - 2014, 05:52 PM

ابتسم سيف وكمل:سعادتي وسعادت سليمان وشموخ تقدرين تملكين مثلها واكثر ترى ابوي مو بذاك الشر ولا هو الأنسان اللي ماعنده قلب ابوي طيب وتقدرين تكسبينه
ولا تفهمين معنى تكسبينه يعني تستغلينه انتي بنعمه يحسدك عليها الناس انتي سويتي مثل اللي ماعنده هم وبدا يدور على نفسه هموم
منال ببكى:بس ابوك جاف معي وما يعطيني الحنان اللي احتاجه ودايم يعطي هالحنان لشموخ عشان كذا اكرهها ودايم يواسيكم ويسولف معكم ويحسسني اني زيادة عدد
وانه كنت بحياته اولا مايهمه بس انا انسانه وابي احس بهالمشاعر
سيف ببتسامة حنان:عطيتيه؟؟
منال بأستفهام:وش اعطيه
سيف:عطيتيه شئ عشان يعطيك انتي كان ممكن تاخذين كل اللي تتمنينه بالصبر مو بالحقد والكراهيه
انتي تبينه يقدم ويقدم ويقدم وانتي ماتعطين شي ترى الحياة تنازلات ومهي كلها عسل
منال:بس انا ماعندي شي اعطيه اياه
سيف:عندك انك تراعينه وتسولفين معه تجهزين له الحمام لا جا تكونين معاه عشانه هو مو عشان البطايق اللي بمحفضته
حسسيه انك تحبينه مو تحبين فلوسه وحسسيه انه مالي عينك وحبي بنته الوحيده وعامليها مثل ماترضين ان الناس تعاملك
ترى شموخ يتيمة الأم تتخيلين نفسك من ثالث ابتدائي ماقلتي ماما تتخيلين انك طفله بمجلس الأمهات ماتلقين امك من بين الحضور
شموخ اكثر وحده كانت رافضه فكرة زواجك من ابوي بس من يوم تزوجتي عمرك حسيتي انها رافضه كانت تبذل كل جهدها عشان انتي وابوي
تعيشون مع بعض ومايحس ابوي انها ماتبيك عشان كذا ابوي كان يعطيها الحنان لانه ماشافك تعطينها حنان الأم وحتى ما سرتي لها صاحبه او اخت
حبي نفسك بتحبين الناس ابدي التغير من جواتك وصدقين ابوي بيحبك وبيعطيك كل اللي تتمنين
ومقدصي بكل اللي تتمنين لاتحطين ببالك ثروته واملاكه وتمثلين الحب عليه تذكري"انما الأعمال بالنيات" خلي نيتك صافيه له وتقربي من الله
بصلاتك وخلك من السحر الله يقول"قل من يدعوني استجب له" السحر ولا الشعوذه عمرهم ما فيدونك فهمتي يامرت ابوي
منال وهي تصيح وتحس هالكلام مثل الثلج وانتر على قلبها كل كلمه دخلت قلبها بصدق وهي ندمانه انها
ماكسبت سيف وسليمان وشموخ ولا حتى ابوهم: مشكور ي سيف وسامحني
سيف:الله يسامحك واتمنى كلامي يعود عليك بالتغير

12 - 9 - 2014, 05:52 PM

بيت ابو نايف
سحاب وهي ترفع اصابعها وتعد بتهديد:واحد اثنين ثا لا ثه
داليا وهي تطلع لسانها لها وتهرب:مافيييييييه ابا اشوف وش عندك ع الجوال طول الوقت
سحاب وقفت من لحقها وهي تتنهد بقهر وبجديه:داليا قلت لك رجعيه الحين
داليا لمست الجد بصوتها وهي كانت تمزح اساساً قربت ومدته لها اما سحاب استغلت الفرصه ونطت فوقها وهي تصرخ:دانيااااااااا مسكتها تعالي
جتهم دانيا ركض:واخيراً
داليا بقهر:غش والله غش سحاب ضحكت علي
سحاب وهي تحرك حواجبها:اثبتي
داليا انقهر:افففففففف
نواف بضحكه:الأثبات عندي <<وهو يرفع لها الجوال ويوريها مقطع لهم وهم يركضون ويوم نطت سحاب عليها
داليا:فدييييييييييييتك تعال وريه دانيا ترى متراهنين على الف انهم يمسكوني
نواف بأستعباط:كم تدفعين
داليا بقهر:يالنذل اختك انا
نواف ظحك:لا ياشيخه على اساس سحاب بنت عمت ابوي المهم كم تدفعين بدل ماتعطينهم الف هاتيها لأخوك<<وهو يتمسكن
داليا قربت له بخبث وهي تتمسكن:بس انت اخوي حبيبي بالله من وين لي انا الف
نواف رافع يدينه على فوق بس مو مره يعني لو نقزت توصل وهو عارف انها بتسوي كذا
قربت داليا وبدلع:هابتعطيني اياه <<بهاللحضه تقزت واخذته
اما نواف ضحك وسوا نفسه معصب ويبي الفلوس
************************************************** ****************************
سوق الـ .... دخل هو وأصحابه محل عمه وهم سواليف وضحك توجه لقسم الرجال بس كان من الظروري يمر قبل على القسم النسائي
كان ماشي ويتفرج ولفت نضره موقف يدور بين زبون وبين....
قبل بـ دقيقه في نفس المحل دخل رجال وكان يدور توجهت ريم له بطبيعة عملها وهي تقول من تحت النقاب:اقدر اخدمك بشي اخوي
الفتته عيونها بالحيل وقال:تقدين
ريم بطيب نيه:تفضل وش اقدر اخدمك
الرجال وهو يتكي على الجدار:اخدميني بأنك تتعرفين علي
ريم بقهر بس كتمته:لو سمحت انت بمحل محترم وانا مو جايه اللعب معك هنا انا جايه اشوف طلباتك
الرجال وهو يتفحصها بنضراته من فوق لتحت:ابي تنقين لي لبس يطلع حلو على جسممك<<وهو يعض شفايفه
طالعه بقهر وهو يظغط على كف يده الا هالبنت عاد قرب منه وظربه بوكس طاح منه الرجال ريم انصدمت من الموقف وقالت بأستغراب:صقرر
صقر وهو يكمل ظرب بالرجال وريم تحاول تبعده:صقرر بس صققر بس خلاص <<بدت دموعها تنزل وهي تقول:بس صقر خلاص فضحتنا دايم يسير عندنا كذا بلا فضايح
صقر بقهر ترك الرجال وسحبها من ايدها لبره المحل وبره السوق بين نضرات اصحابه المستغربين لأن صقر هادي وهذا مو طبعه
عند المواقف كان الجو هدوء غير من نفس صقر المتسارع ودموع ريم اللي مهي مستوعبه اللي سواه واللي قالت بتقطع بالصوت:لـ لـ يـش سويت كذا
صقر وهو يشد على كف ايدينه قال بقهر وانفعال:هذي الشغله مو لبنات مو لبنات ولا لايكون عاجبك اللي كان يقوله الرجال وتبـ......
ق

12 - 9 - 2014, 05:53 PM

صقر وهو يشد على كف ايدينه قال بقهر وانفعال:هذي الشغله مو لبنات مو لبنات ولا لايكون عاجبك اللي كان يقوله الرجال وتبـ......
قاطعته ريم بكف:انت كيف تقول كذا عني ثمن كلامك ياصقر ثمنه انا بنت عمك وعرضي هو عرضك وشفتني كيف كنت اسكتـ...
قاطعها وهو يضمها بقوه:انتي ماتحسين ماتحسين
حاولت تبعده بكل قوتها وهي تقول:صقر وش بلاك اليوم انت مو طبيعي
بعد عنها وهو يقول بتنهيده ومن غير شعور:مو طبيعي لأني حبيتك ياريم <<وبترجي:تكفيييين اتركي هالشغل انا ما تحمل اشوف احد يكلمك بهذي الطريقه
ريم وكأن احد ظربها كف على وجهها وقفت تطالعه بصدمه وبعدها رجعت للمحل لجوات السوق ولقت الأمن عند المحل وشرحت الوضع بتبرير انه الرجال غلط واللي دافع عنها اخوها

************************************************** ********************
عند صقر جلس على الرصيف ويدينه على راسه وهو يقول بقلبه:انت وش قلت ياصقر وش قلت كيف سويت كذا انت صدمت البنت صدمتها حيل انت الحين لازم لازم تخطبها <<ووبتسامه:ايه صح
دام اني احبها لازم اخطبها بس عساها ترضى بعد اللي صار اليوم
************************************************** ************************************************** ************************************************** ********************
عند ريم كانت مسرحه بتفكيرها بصقر وكلامه
الزبونه:لو سمحتي لو سمحتي يا أخت يا اخخخخخت
ريم طالعتها بأعتذار وهي تقول:سا محيني يالغاليه امريني
الزبونه ابتسمت على ادب ريم:ابي ......
************************************************** **********
المانيا
طلع من شقته المقابله لشقتها طالع بباب شقتها بأبتسامه وبعدها ضحك
وهو يتمطط:واخيييييييييراً سرتي لي وحلالي وبس ^^
جت شموخ من وراه وهي تضخم صوتها وتقلده وطبعاً ما قدرت:واخيراً سرتِ حلالي انا وبس
فيصل نقز من الفجعه بس لمن استوعب ضحك وهو يمسك خصره:لا ياشيخه من وين طلعتي
شموخ وهي تأشر على الحديقه:من هونيك كنت اشم هوا
فيصل بأستهبال:وعسى ريحته حلوه
شموخ بتناحه:وشو اللي ريحته حلوه؟؟
فيصل ويستمر بأستهباله:الهوا
شموخ وهي تطالعه بنص عين:ها ها ها سأنفقع من الضحك
فيصل طالعها بنص عين: طيييب تعطيني بنص جبهتي اوريك <<وسار يلحق وراها وهي تركض وتصارخ
شموخ:فيييييييييييصل هههههههههه خلاص تعبت وقف
فيصل وهو يظحك مبسوط لضحكتها:لالا مافيه تعالي هنا
شموخ وهي تركض لبعيد سمعته يقول:خلاص خلاص استسلم<وقفت شموخ وهي تضحك اما هو ركض بسرعه

12 - 9 - 2014, 05:54 PM

وضمها من ورا وهو يقول ببتسامه:مسسسسسسكتك يا شموخ
شموخ دق قلبها بقوه وبغا يطلع:آآآ فيصل نحنا مابعد تزوجنا
فيصل اللي كان ناسي نفسه لانه يرجع معاها طفل بعد:احـــم اسف
شموخ ببتسامه ماتبي تقول اوكِ عشان لا يعيدها بس سكتت وبعدها قالت بدلع عفوي:وبعدين لاتقول لي شموخ ما أحب
فيصل ببتسامه:وش تحبين اناديك شوشوني يابطتي
شموخ حن قلبها على فيصل وحزنت عليه وكيف يحبها:لا ناديني شوشو
فيصل بقلبه:ااااه يا شموخ معقول لهذي الدرجه ماتبين تذكرين ايامنا وتحنين لي معقول << قال بهمس:ولا يهمك يا شوشو يالله روحي غيري ملابسك وتعالي نروح نتغدى برى
عندي لكِ مطعم راح يعجبك
شموخ همست:تيب
فيصل بيغير الجو وقال بستهبال: تيب لاتتأخرين
شموخ وفيصل اللي يقلد صوتها:دب ما أحبك
شموخ وفيصل:هههههههههههههههههه
شموخ:لا وعارف وش بقول بعد
فيصل:خبز ايديني انتي 7 سنين وأنا عايش على كل كلمه قلتيها واتذكر اسلوبك
وطريقتك بالكلام واحسك معي سبع سنين مو بسيطه ولا شرايك
شموخ بأسف:وانت الصادق سبع سنين مهي بسيطه
فيصل ابتسم وهو يصرخ بأستهبال:شــووووووشــووووو بيقفل المطعم وحنا مارحنا ناكل
شموخ نقزت وهي تركض لشقتها:طيب طيب رحت
فيصل كان بيقول لها لاتركض عشان لاتجهد القلب بس صرخ لانها بعدت:شممموووووووووووخ
شموخ وقفت وهي تلف عليه وتطالعه بمعنى تكلم
فيصل ابتسم بحب:انتي احلى شئ بدنيتي <<كان متأكد انها بتمشي بهدوء بدل ماتركض وبنفس الوقت عبر عن اللي بداخله
شموخ ابتسمت له وعطته ظهرها وهي تكمل مشيها بهدوء وتفكيرها عند فيصل وانها حزنانه عليه وفرحانه بنفس الوقت لأنه
يحبها وما نساها وهي بالأساس مالها فتره طويله تحب مشاري
************************************************** ********************

12 - 9 - 2014, 05:54 PM

يتبع
بيت ابو ريم وتحديداً غرفة رميم
رفيف:رميم ترا كلها شوفه مايسوى اللي سويتيه بالغرفه وبعدين لاتحسسيني انها اول شوفه لك
رميم وهي مقهوره:بس هذا ولد الـ.... تخيليني ما ألبس زين وش بيقول عني
وبعدين بتشوفين اهله واخواته وش لابسين

رفيف وهي تقوم من على السرير وبغير اقتناع:رميم يا قلبي اذا على الولد مصيره لو وافق بيشوفك
ببجامه وبعد بيشوفك وانتي قايمه من النوم يعني مايبي لها كل اللي تسوينه
رميم وهي تطلع لسانها:بس بيكون وقتها تورط واخذني هههههههه
رفيف:هههههههههه هبله
رميم:المهم يعني البس السكري خلاص
رفيف:yes,it looks great on you وصدقيني بيخق عليك
فتحت الباب ودخلت بوجهها ريم شافتها رميم اما رفيف لا لانها كانت لافه وجهها وتتكلم مع رميم
صرخت رفيف بفجعه:يماااااااااااااه
مسكت فمها ريم:وجعاه شايفه جني
رميم جلست على الأرض من الضحك اما رفيف قالت:متى جيتي من المحل ليش قفلتي بدري اليوم
ريم وهي تتنهد ومسرحه:سار لي شي غريب اليوم
رفيف ورميم بلقافه مع بعض:ايش سار
ريم بتوهان:صـــــقـــــــــر
رفيف طالعتها بأستغراب:وش فيه
رميم طالعتها بنضرات معناها كملي وفعلاً كملت ريم وقال لهم كل اللي سار معاها بالسوق
رميم ورفيف بصوت واحد:يــحبببببببكـ
ريم حطت ايدينها على فمهم وهي تقول:اسكتو فضحتوني
رميم:يعني عمره مابين ولا حسينا متى حبك؟
رفيف: من جد متى وكيف حبك
ريم:وهذا اللي انا مستغربه منه متى وكيف حبني انا اصلاً عمري ما أحتكيت فيه أو تكلمت معه
غير مرات بسيطه ومو كفيله بأنه يحبني
************************************************** ************
تذكرو ان تفاعلكم وارأكم اهم ما علي وروني تفاعلكم

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رواية شياطين تدوس الارواح واو احلا رواية قريتها	البارونة	همس للقصص وحكايات وروايات	13	20 - 4 - 2025 07:22 PM
رواية قلت احبك قالت حب انتقام ولا تملك قلت ليه هو الحب عندك انواع	البارونة	همس للقصص وحكايات وروايات	141	20 - 4 - 2025 06:35 PM
رواية وانتبه لك ترى روحي معك رواية سعوديه للكاتبه	الحب ياسمين	همس للقصص وحكايات وروايات	9	4 - 4 - 2019 10:13 AM
رواية فهد و نوره رواية رومنسية سعودية كاملة	سجات التهاويل	همس للقصص وحكايات وروايات	23	8 - 6 - 2018 01:07 PM
رواية جيت اقول اني احبك شفت عينك واستحيت	نظرهـ خجولهـ	همس للقصص وحكايات وروايات	14	14 - 4 - 2012 08:49 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 1