\r\n\r\n\r\n\r\n\r\n\r\n\r\n\r\n\r\n

ماسنجر تبكي من لا يبكي

\n
\n
\n

\nبسم الله الرحمن الرحيم
\n
\nياااااارب ياااااارب احسن خواتمنا
\nشي يخلي الواحد يبكي
\n
\nالسآعه 4 الفجر ..يوم الاربعاء جآلسة على النت سهرانه وصوت ضحكي مآلي بيتنا الي كل الي فيه نايمين الا انا ..
\nفآتحه المسن الي اربع وعشرين ساعه عليه .. فجأه دخلت ساره ..
\nساره..اهليين دنوو شخبارك؟
\n
\nدانه..
\nهلا والله سوير
\n
\n:ساره
\nدانه طفشانه.؟؟
\n
\n:دانه
\nلآ عادي ليه؟
\n
\n:ساره
\nبسوي لك انفايت مع هذاك الي قلت لك عنه
\n
\n:دانه
\nمين ياسر؟
\n
\n:ساره
\nهههههههههه لآ ياسر خلاص راح الغبي هذا نوآف الخاقوق
\n
\n:دانه
\nههههههه هذاك المملوح الابيضاني
\n:سآره
\n
\nبالظظظظبط
\n
\n:دانه
\nامانه شلون جبتي ايميله ..
\n:ساره
\nمره حطه بالنت لوق حقه ولطشته
\n
\n:دانه
\nسويت له آآد بالنت لوق ابغاه يصير من فرنديني عيا يقبل يالله يالله سوي انفايت خل اخليه يقبل
\n:ساره
\nاوك
\n
\n**
\n:ساره
\nنوآف هذي دنو ..دنو هذا نواف
\n
\n:نواف
\nيآ هلا والله بدنو
\n:دانه
\nهلا بك اكثر
\n
\n..
\n
\nمرت الساعه وحنا سواليف وضحك وحش وشوي شي مشفر
\n..
\n
\n:دانه
\nيووه اذن مالي خلق اروح المدرسه
\n:نواف
\nغييبي ..خل نكمل سوالف مررره انتي كيوت
\n
\n:دانه
\nوانتي سوير ؟
\n:ساره
\nتصدقين انا نفسي اغيب
\n:دانه
\nاجل برب اسكر الباب عشان ما يزعجوني ..وه يا حلوك يا نواف انت وسواليفك
\n..
\nجلسنا تقريباً نسولف لين الساعه 7
\n..
\n:دآنه
\nيووه خلاص دخت بقوم انام ..نواف نور المسن
\n:نواف
\nبوجودك قلبو
\n
\n
\n:دانه
\n
\n..
\nانسدحت على السرير وانا دااايخه ..غمضت عيوني وفكرت بنواف الحلو اضفته اليوم بدل عمر الفاشل خخخخ سوالفه حلوه ..اووووه ما صليت الفجر بررد مالي خلق اتوضى .. صح النائم حتى يستيقظ ..!! لا قمت ان شالله بصلي
\n..
\nالسآعه9 ونص قمت من صوت مسج الجوال يوووه من وقته هذا يرسل اللحين .. فتحت الجوال كانت من ساره تقول فيها" بسرعه ادخلي في هوشه "بالمسن
\nتحمست بسرعه وفتحت لاب توبي وايميلي ما امداني دخلت الا ساره دخلتني انفايت فيه ناس كثار وفهمت من ساره السالفه بمحادثه ثانيه واستهبلت وانا اتهاوش لييين روقت .. خلصت الهوشه بعد ضحك طوويل واعتذار احد الشباب مع انه ما غلط .. فتحت النت لوق حقي لو احط صورة فمي بس محد عارفني !! فكره والله شبابنا يخقون على طرف عبايه وانا خلقه اهبل خخخ نزلت صورة فمي وقمت من على الجهاز وبدلت بجامتي وتوضيت وصليت الفجر الساعه 9 ونص .!!
\nرجعت للاب توبي وانا فيني نوم بس شفت نواف داخل جلست اسولف معه شوي .. فجأه كل شي بدا يجمد فيني الدنيا بدت تظلم كل شي ظلام وش صار ..الاب توب فوقي وكأني نايمه بعمق ما اسمع الا صوت المحادثه بس
\n
\n:ساره
\n
\nدانه وينك؟
\n
\n:نواف
\nوين رحتي دانه
\n*اشارة تنبيه*
\n:ساره
\nشكلها انشغلت المهم كمل السالفه
\n..
\nكل شي ظلام ابي اتحرك ابي اقوم .. لا ميته انا اللحين ..ياربي رجعني بس بصلي ركعتين ..ربي رجعني بس بعيد صلاتي زين ..وصورتي الي تو نزلتها !! ونواف وعمر ومشاري وسعود الي في ايميلي؟ والفيس بوك ؟ ياربي رجعني يارب
\n
\nمر الوقت طويل وانا بس اسمع مصوت المحادثه
\nالباب يطق انفتح اسمع الخدامه تاتي تنادي بأسمي وانا ما ارد جلست تصرخ وتنادي بأمي ..لا انا اسمع تعالي يا تاتي تعالي بس بقول اسف على الصراخ الي تاخذينه مني كل يوم تاتي بس حلليني ياربي قومني بس تحللني
\nدخلت امي وقرب الصوت لعندي اكثر
\n
\nامي..
\nدانه.. دانه حبيبيتي دانه ..لآآآآآآآآآآآآ دآآنه قومي تكفين دآنه
\n..
\nيا ماما شلون ارد تكفين ماما ابي اقوم ليتي سمعت بنصحتك يوم قلتي لي اتغطى ليتني سمعت منك يوم قلتي لي يكفي اغاني
\n
\nأغاني..!!
\nانا مت .. والاغاني الي حملتها بالاي بود وتوزعت على كل الناس والاغاني الي ارسلتها لكل الناس .. ياربي رجعني اصلي ركعتين يارب
\nشالوا الاب توب مني وغطوني بشرشف الصلاه بعد ما انهارت امي
\nمر الوقت ببطئ ودخل اخوي معاه ابوي يبكون شايلني اخوي وابوي وراه يبكي
\n
\nاخوي ؟
\nوالسهر ايام الاجازه بالملحق والرقص ؟ واستهبالك على البنات الي اعطيك رقمهم يارب رجعني يارب بس اصلي ركعتين
\nركبت السياره ورا وانا ملفوفه بعبايتي الي كلها الوان وزخرفه وصلت المستشفى وانا اسمع صوت نفس اخوي وازعاج ناس حولي ..
\nرفع الدكتور راسه بعد ما غطاني بشرشف ابيض وقال:
\nتشخيص الحاله .. موت سكته قلبيه مفاجئه
\nسمعت نوحة ابوي وشهقة اخوي
\n
\n
\n:ابوي
\nلآآآآآآآآآآ حول ولا قوة الا بالله لاآآآآ حول ولا قوة الا بالله
\n
\n:اخوي
\nيبه قل لا اله الا الله قل لا الله الا الله البكا ما ييفيد شي
\n..
\nدخلوني ثلاجة الموتي بعد ما غطوني بالكامل الا راسي وملفوفه بقماش ابيض ..
\nمر الوقت وكل شي ظلام وهدووووء
\nياربي رجعني اصلي ركعتين بس يارب
\nشوي سمعت صوت الثلاجه تنفتح طلعوني بعد غطوني بالكامل وركبوني سياره الاسعاف وانا اسمع اذان صلاة الظهر
\n..
\nيارب رجعني بس اصلي الظهر بس اصلي بوقتها يارب ..ليتني كنت اصلي بوقتها ليتني لما اسمع الاذان اترك كل شي حولي واقوم اصلي ليت
\n..
\nدخلت غرفة وانا اسمع صوت حريم غسلوني بمويه بارده وحطوا علي بعض الاشياء وقسمت شعري اربع اقسام بعد ما غسلته وجدلتهم بس من قصره ما قدرت تسوي شي واانا اسمع الي تغسلني تدعي لي دخلوا ناس علي ..هذا صوت امي تبكي وتمسكني ..
\nهذا صوت اختي الي ياما ويااما تهاوشت معها ..
\nخآلاتي ..
\nبنت خالتي لينا
\nايام الاستهبال على الشباب بالارقام والحش بكل خلق الله
\nهذي لمياء
\nايام ما كانت تنصحنا لا علينا المسجل على الاخير ونعاندها نزيد الصوت
\nهذي مرت خالي احمد
\nلما كانت تربط على خصري وتعلمني كيف ارقص
\nوهذي وهذا وهذيك وذاك محد منهم راح ينفعني اللحين يارب رجعني اصلي ركعتين يارب
\nوصلنا المسجد وحطوني قدام المصلين وانا اسمع الامام يقول
\n"الصلآآآآة على الميت يرحمكم الله "
\nبدوا يصلون علي واسمع شهقات اخواني واهلي ..خلصت الصلاه والكل قام يعزي
\n:عظم الله اجرك يابو فلان"
\n"الله يرحمها ويخلف على شبابها بالجنه"
\nوهمهمات ابوي واخواني من البكي ما ينسمع وش يقولون ..يارب رجعني لو استغفر بس
\nدخلوني في سيارة الاسعاف ووصلنا المقبره وشالوني كثار واسمع اصوات رجال كثار والمميز بينهم شهقات اخواني الصغار الي كنت اعلمهم يحفظون بعض مقاطع الاغاني .. يارب رجعني استغفر بس
\nشالوني واسمع دعاء الكل ..شالني اخوي وحطني في حفره ضيقه
\nتكفى يا اخوي انا اختك الي ياما وياما استهبلنا اخر الليل لا تروح تخليني في ذا الحفره
\nفتحو وجهي وطلع يديني وحط الحجر والتبن واللبن ودفنوني والكل يدعي
\n"الله يرحمها بواسع رحمته يارب"
\n"الله يخلف على شبابها بالجنه"
\n"الله يرحمها ويصبركم "
\n"اللهم بدلها بأهل غير اهلها واغسلها من الذنوب والخطايا"
\nهذا صوت خالي احمد
\nهذا صوت عمي سلطان الي كان يعلمني كيف اشرب الره بالخش والدس وبعدها ما شربت
\nهذا صوت ولد عمي ثامر
\nايام المراهقه كنا سوا
\nهذا صوت وهذا صوت وهذا صوت .. وش يفيدني اللحين
\nراحوا وانا اسمع صوت رجولهم لا تروحون وتخلوني لااا
\nوصوري بالنت لوق ؟! وكل شي سويته ؟!الاغاني؟ وتأخير الصلاه ليتني ارجع .. كنت احسب ان دنياي طويله وامني نفسي اني لسا صغيره على الموت
\nوالبنات الي بالمدرسه؟ الي ما بقى احد ما حشيت فيه بيسامحوني ؟ معلماتي الي كلهم هبلت فيهم وتحسبوا علي بيحللوني ؟ ذنوبي كلها وش اسوي بها
\nيارب ارحمني يارب
\n**
\nبالعزا
\n**
\nصيآح ونياح وازعاج الكل يترحم علي قسم الحريم وقسم الرجال كلهم يقربون لي ..
\nوين صديقاتها ؟!
\nوين الناس الي تكلمهم مسن؟!
\nوين وين وين وين ؟!
\nكل شي تغير فجأه ..
\nوين الي يحبونها ؟ وين حبيبها العاشق الهيمان؟وين وين وين ؟!
\n**
\nبالمدرسه
\n**
\nانتشر خبر دانه الفلاني توفت .. الكل حزن وخاف ودعوا لها .. صديقاتها يصحون بجهه وبعضهم قال ببتسامه .."اييه الله يرحمها ويغفر لها على كل ما سوته لنا"
\n**
\nنواف؟!
\nساره؟
\nعمر؟
\nمشاري ؟
\nسعود؟
\nالخ الخ الخ
\nثلاث ايام.. بكو او مجرد حزنوا .. ورجعوا على حالهم
\nوللحين صديقات دانه يناشدون اهل الخير كيف يحذفون بروفايلاتها بالنت لوق والفيس بوك ..
\nوهذي هي الادعيه تنتشر ..من صديقتها يناشدون الناس يدعون لها ..
\n
\n**
\nببس حطوا نفسكم مكان دانه وتخيلوها انتم بعيد الشر
\nمحد يبغى يكون نهايتة زي دانه !!
\nطيب ليه نسوي زي الي تسويه دانه بالظبط؟
\nلو يصير لنا نفس الي صار لدانه وش بنسوي ؟!
\nوش موقفنا قدام ربنا؟!
\nقبل لا نسوي الشي ليه ما نفكر بالعواقف الدنياويه والاخره
\nصديقات دانه؟ كلها كم شهر وينسونها لانهم من نفس نوع دانه
\n..
\nليه ما بعد ما يموت اي احد لنا ندعي له بالرحمه؟ ليه قبل ما يموت ننصحه وندعي له بالهدايه؟

\r\n

\r\n

\r\n

\r\n \r\n

\r\n

\r\n

\r\n \r\n
\r\n

الموضوع الأصلي :\r\nماسنجر تبكي من لا يبكي || الكاتب :\r\nتناهيدالشوق || المصدر :\r\nشبكة همس الشوق

\r\n\r\n\r\n\r\n\r\n\r\n\r\n\r\n\r\n\r\n\r\n
\r\n\r\n \r\n
\r\n
\r\n\r\n\r\n
\r\n \r\n\r\n\r\n\r\n\r\n\r\n\r\n
\r\n\r\n\r\n