19 - 4 - 2014, 08:16 PM
|
| |
|
ليت الاماني كل ماجالها وقت
 
ليت الاماني كل ماجالها وقت
تحققت لو نصف بعض الاماني
ماكنت بظروف الليالي توهقت
ولا طحت من عيني وانا اعرف مكاني
وش فادني شوقي وانا كل مااشتقت
ظرف الزمان يهدني ويحداني
عليك ياللي كل مااحتجت لك بقت
طيبي وتقديري وصفوة حناني
تلومني قبل امس يومي تضايقت
يومي خسرتك في مجرد ثواني
يومي وقفت بوجه روحك وبرقت
شفتك خطا مدري خطاك ابتداني
مدري ولكن من الطيب صدقت
وعديتك واحدن من اخواني
لله درك بالزمن كل مارقت
عطيتني وجهك ووجهك خذاني
حطيتني بصعب قرار وتوقفت
خليتني بعيون الايام جاني
واصبحت انا المخطي وانا اللي تعلقت
بلشت بخبول البشر يازماني
اللي تحاسبني وانا ماتدرقت
حشمتهااا حشمة عريب المجاني
اللي تسبق بالخطأ كلما فقت
وانا احترم نفسي على شان شأني
مابي خطأي يعانق الجرح لاضقت
وان طحت واقف لو نصيبي رماني
تدري وش الصدمه اذا انك تحققت
وتدري وش اللي غثني وابتلاني
ليت الاماني كل ماجالهااا وقت
تحققت لو نصف بعض الاماني
ماكنت بظروف الليالي توهقت
ولاطحت من عيني وانا اعرف مكاني
الموضوع الأصلي :
ليت الاماني كل ماجالها وقت || الكاتب :
شواقه || المصدر :
شبكة همس الشوق |
الأعضاء الذين قاموا بتقييم هذا الموضوع : 0
عضويتي
العرض الشجري