لـيـش السـهـر ياعـيـونـي=أحــبــابــنــا زعــلـــونـــي
وان كــان هــم مايبـونـي=إحـنــا خـــلاص انتـهـيـنـا
يـالـلـي نـسـيـت الــمــودة=مــن عـاشــرك لا تـحــده
والــقــلــب يــاحــلــو رده=ارجــــــوك رده عـلــيــنــا
اذكــــر لـيـالــي جـمـيـلــة=بـيــن العـمـيـل وعمـيـلـه
ياغصـن وســط الخميـلـه=إحــنــا بـحـبــك رضـيــنــا
ما انته على الطبع الاولي=اخـاف .. قلـبـك تـحـول
صـبـرت والصـبـر طـــول=بـــدروب حــبــك مـشـيـنـا
يـحــق لـــك يــــا مــدلــع=اصـيـح وانـتـه تطالع !!
والـقـلــب بـالـنــار ولــــع=خـســاره الـلــي مـشـيـنـا
كنـت احسـبـك مـلـك لـيـه=تـعـبــت روحــــه وجــيــه
اثــــاري تـلـعــب عـلــيــه=يـــا صـاحـبــي ماعـلـيـنـا
انــتــه طـلـبــت الـبــدايــة=وانت السبب فـي النهايـه
تمشي بقصد(ن) وغاية=نــويــت تـلــعــب عـلـيـنــا

يا دار وين احبابنا اليوم يا دار=يا دار وين الحب وين المحبين
يا دار كيف تحولت جنتك نار=وتغيرت الاحوال حين بعد حين
هنا لوقفات المها باقي اثار=هنا لعبنا با السواقي وبا الطين
هنا تبادلنا خفايات الاسرار=تقول لي تكفى وانا اقول تكفين
كانت تحاسبني على كل مشوار=كانت تقول انت النظر داخل العين
كانت تحذرني وتخشى من الجار=وتقول سر الحب يعلم به أثنين
بدا الهوى غرسه وصار الهوى اشجار=اثمر وذقنا جنة الخوخ والتين
ولا حسبنا ما تخفيه الاقدار=واللي جرى من قبلنا للملايين
اختل قصر الحب وانهد وانهار=وأصبح غباره طاير كنه طحين
يا دار ما عينت مثلك ولا دار=اللي ربابك صاحبي كامل لزين
لاجت هبوب الريح منهم بتذكار=اعوي عوي سرحان والناس ممسين
والا ذكرته شب في ضامري نار=أنا اشهد ان اهل المحبة مساكين
أسكب دموعي لأجلهم مثل الامطار=أبكي واسوي ما يسوي المجانين