تراك بعالمي شمعه تبدد ظلمة سنيني

#1 29 - 12 - 2012, 12:03 AM

فديتك ياهوى نفسي مع الشدات خاويني
فديتك لاقسى وقتي علي وناحت أشجاني

أبيك في لحظة الفزعه تحط يديك بيديني
وأبيك لياشكيت الياس تكون بساحة أوطاني

أبيك البلسم لجرحي وأبيك النوم في عيني
وأبيك اللي ليامني صحيت ألقاه بأحضاني

طلبتك يابعد ذاتي أمانه لاتخليني
تراني لو رحلت أبقى ضحية كيد عدواني

سألتك بالله الوالي سألتك لاتجافيني
لأني أموت بغيابك ياروحي وجثماني

معي واصل مشاويرك أواسيك وتواسيني
معي إبقى مثل ظلي حذاري لاتعداني

أبي منك الوعد إنك على غيري تبديني
وأنا هذا وعد مني ماأبيعك وأشري الثاني

وإذا بلسانك الصادق نطقت وقلت تغليني
أنا بأعلن خبر عاجل تعالوا إقروا إعلاني

أبكتب داخل الإعلان إلى من صار يغليني
إلى قلبي إلى عمري إلى من صار يهواني

إليك أهدي نغم شعري وكل عرق نبض فيني
وإليك أهدي شذى عطري وياسميني وريحاني

وأبكتب داخل الإعلان وصيه كان شاريني
معي بالطيب عاملني ولاتجرح بهجراني

ومهما تقسي الدنيا علينا لاتعاديني
ولاتسعى أبد في يوم في عندي وعصياني

أبيك دكتور لآلامي من أحزاني تداويني
وأبي لاكفت أبصاري تكون النور لأعياني

وأبي لافاضت أنفاسي تكون أول معزيني
وأبيك بيدينك الثنتين تلف الجسم بأكفاني

وبعد ماأكون في قبري تذكرني وتبكيني
وأكون حزن على بالك ماتغفل وتنساني

أبي لاقالوا العذال وش اللي بينك وبيني؟
تبسم وتدمع عيونك من الحسره على فقداني

وتجاوبهم إني حي وبالأضلاع تخفيني
وإني فؤاد الخاطر معك لاصرت وحداني

أبيك تقول هو مامات أحاكيه ويحاكيني
أبيك تقول هو موجود وخبيته بوجداني

أبيك تقول هو دمي اللي في شراييني
لأنك دمي اللي كان يضخه عرق شرياني

وأبي لازادت جراحك تخيلني وتناديني
وتفتش داخل شعورك وتهمسلي وتلقاني

وإذا طال السفر إقرا كتاباتي ودواويني
وقل ياكثر ماخلي كتب لي شعر وأهداني

ترى لو للقصيد عيون والله ماتقديني
لأني للقصيد عيون وإسمك رمز ديواني

وترى لو للحروف أهداب تعجز لاتغطيني
لأني للحروف إيحا وحيك سر لإذعاني

تداركت الزمن يمك الا ياليت يمديني
أخاف أجيك متأخر وسيف الوقت ياطاني

نسيت من أجلك الصادق اللي الروح يعطيني
ونسيت الأول والآخر والقاصي مع الداني

وجاري المسح للباقي وأنت اللي تكفيني
حرام أحط معك غيرك وأحبك وأظلم الثاني

كفايه أنت في دنياي أمل باقي يسليني
أمل صوته إذا ضاع الأمل ألقاه بأركاني

كفايه همسك الحاني إذا جاني يدفيني
ويبدد وحشة ظروفي وتشرق فرحة أكواني

تراك بعالمي شمعه تبدد ظلمة سنيني
وتراك بدنيتي دنيا لها لون وشكل ثاني

ودنيا" مابها حسك ماأبيها وعمرنا فاني:
أنا سميتك الدنيا وأنته وش تسميني؟؟

الموضوع الأصلي : تراك بعالمي شمعه تبدد ظلمة سنيني || الكاتب : مزون الشوق || المصدر : شبكة همس الشوق

29 - 12 - 2012, 03:12 AM

رـآق لي مآتصفحت هُنآـا
سلمت يد ـآك
وأجزل عليك من عظيم عطآيآه
بـإنتظار جديدك القآـادم . . .
بآقآت ـالشكر وـآالتقدير ـاإقدمهآ لك

30 - 12 - 2012, 03:40 AM

نص فااق الجماال أبياات شعريه في قمة الرووعه..
بعثرناا حرفك بهذة الأحاسيس الجيااشه ..
تسلم يمنااك ع هذا الإنتقااء المذهل...
لاحرمناا المولى من نبض حرفك الراقي..
لرووحك ما تمنى..
حمااك البااري..

1 - 1 - 2013, 01:35 AM

اقتباس:
المشاركة الأصلية كتبت بواسطة عابرسبيل

نص فااق الجماال أبياات شعريه في قمة الرووعه..
بعثرناا حرفك بهذة الأحاسيس الجيااشه ..
تسلم يمنااك ع هذا الإنتقااء المذهل...
لاحرمناا المولى من نبض حرفك الراقي..
لرووحك ما تمنى..
حمااك البااري..

1 - 1 - 2013, 10:25 AM

تسلم يمناك على الابياات الرائعهه
لاعدمنااالايدي

2 - 1 - 2013, 04:24 AM

قَصيّدَة مَن دُرر آلَذهبّ
أسَتوُقفتَني كثيراً
صَحَ نًبضُ الشَاعِرْ وَ سَلمتِ يَدكّ
كلََمآت ملَيئُه بآحَسآس
لَ تَصل إليْ القلْبَ مبَآشَرهُ
جمَآلَ يغلفَه حسن التَصوُير
. وُغرَآرة المَعنىّ
..وُحبكهّ شعريَهّ خآصّه
صَح نقَلك وْذَوقَك الرَآقْي
أشَكْركُ .
.والله يعَطَيكّ الصَحه وُآلعَآفيَه
جنّآئنِ مْنَ آلَحبَ تغزوَ عآلمـْك
سلمَت وُسلم لنآ نبَضك وُآنتقآء حرَفْك
احلى تقييم لعيوونك
شكراً لكَ مْن آلآعمَآقّ

2 - 1 - 2013, 10:13 AM

جهزت عيني للبكي حزن واشجون
في رمشها دمعه على حد ريشه

فيني وسامة حزن والقلب مطعون
واهاااات صدري عانقة نخل بيشه

عاشق ومتمرد ولي حلم مجنون
مثلي مثل عاشق رمته الغشيشه

سويت للعشاق حفلات وامجنون
والحزن يعزمني على راس شيشه

في ليل حالك يقتل امال مغبون
خطاه واحد ما كبح جل طيشه

واليوم يا خلي طلبتك وانا مون
لا ترمي اللي فات في كيس خيشه

تراك عندي غال(ن)وانت مامون
والقلب لك قايد مجند بجيشه

خلك على مخبرك والسر مدفون
والله يصبرني على هالبليشه

دنياي من غيرك زنازين واسجون
في ذمتي لا غبت ماهنا بعيشه

13 - 1 - 2013, 12:32 AM

منورين بططلتكم الراقيه والمميزه
شكرااالكم

15 - 1 - 2013, 11:00 AM

احساسك جمِيل
وكلماتك عذبْه جداً
صح كلك وسلمت على
هذا النبض المميٍز

15 - 1 - 2013, 11:16 AM

رووووعة & ذوووق
سلمت يداك

المواضيع المتشابهه لموضوع: تراك بعالمي شمعه تبدد ظلمة سنيني لموضوع: تراك بعالمي شمعه تبدد ظلمة سنيني
الموضوع	كاتب الموضوع	المنتدى	مشاركات	آخر مشاركة
س كون شمعه	نجمة الليل	همس عذب الكلام والخواطر المنقوله	6	19 - 2 - 2023 10:04 PM
شمعه امل	حنين الأشواق	همس الشعر و الشيلات الصوتيه	4	29 - 8 - 2021 03:34 AM
هل س كتفي بعالمي	النورسيه	همس كتابات الاعضاء الحصريه	12	29 - 4 - 2021 07:55 PM
حبك قبل ان تراك العيون	النورسيه	همس الشعر والقوافي	6	14 - 1 - 2021 05:50 PM
من شفتك تولع قلبي فيك واقتحم حبك بعالمي	همسة الشوق	همس للأثاث والديكور	25	3 - 4 - 2020 07:27 PM

طلبات الإشراف
	إذا كنت قادراً على الإشراف في شبكة همس الشوق شريطة ان تكون مشاركاتك من فوق [ 5000 مواضيع وردود ]

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 1

تراك بعالمي شمعه تبدد ظلمة سنيني

فديتك ياهوى نفسي مع الشدات خاويني فديتك لاقسى وقتي علي وناحت أشجاني أبيك في لحظة الفزعه تحط يديك بيديني وأبيك لياشكيت الياس تكون بساحة أوطاني أبيك البلسم لجرحي