شبكة همس الشوق - فز جوالي على صوت جواله

شبكة همس الشوق (https://www.hamsalshok.com/vb/index.php)

- همس الشعر والقوافي (https://www.hamsalshok.com/vb/f283)

- - فز جوالي على صوت جواله (https://www.hamsalshok.com/vb/t99737.html)

فز جوالي على صوت جواله

يابري حالي على اللي برى حالي
من بري حالي عليه انبرى حاله
ياكثر ما اسامر الليل بلحالي
ميتٍ قلبي على لحظة وصاله
كل شي منّه وفيه يطرالي
لين صرت اعرف وش اللي على باله

مشغلٍ تفكيري ومشغلٍ بالي
جعل مايشغلني الا هو لحاله
اتخيل صورته دايم قبالي
حي والله زوله وطلة اقباله
وين ماوجهت وجهي تهيا لي
وانبسط لاجات من يمه رساله
عاد لامن دق ينشد عن احوالي
فز جوالي على صوت جواله
صوته ايعالج همومي وغربالي
لو ني من الشوق قد حالتي حاله
وان تواعدنا وجابه لي الوالي
ودي اخمه عن القاع واشتاله
كنّه محوِّل لي امن السما العالي
من كثر ماني على شوفته واله
جا وهو غالي وعود وهو غالي
والغلا من وين ماراح يبراله
كن روحه ماخلقها الله الا لي
وكن روحي ماخلقها الله الا له
مثل مافي العاصمه مركز مالي
مركزه فالقلب من جاله لجاله
صار منوه روحي وغاية آمالي
ياكبر قدره بقلبي ومنزاله

رد: فز جوالي على صوت جواله

إبداع وذوق في نسج احرفك الجميلة
يعطيك العافيه

رد: فز جوالي على صوت جواله

كل الشكر والامتنان على روعهـ بوحـكـ ..
وروعهـ مانــثرت .. وجماليهـ طرحكـ ..
دائما متميز في الانتقاء
سلمتي يالغالية على روعه طرحك
نترقب المزيد من جديدك الرائع
دمت ودام لنا روعه مواضيعك

رد: فز جوالي على صوت جواله

هند العشق
يتراقص مُتَصَفِحِي فرحا بَمَرُوَرَكُ.. الشَجِيْ..
وَأَحْرُفُك.. كَالْنَّدَى بَيْن أَوْرَاقِي..
شُكراً لتَوَاجُدِكُ.. الَرَاقِي .

رد: فز جوالي على صوت جواله

خفوق الروح
يتراقص مُتَصَفِحِي فرحا بَمَرُوَرَكُ.. الشَجِيْ..
وَأَحْرُفُك.. كَالْنَّدَى بَيْن أَوْرَاقِي..
شُكراً لتَوَاجُدِكُ.. الَرَاقِي .