شبكة همس الشوق - تعال وكحل عيوني بشوفك يالغلا وقرب

شبكة همس الشوق (https://www.hamsalshok.com/vb/index.php)

- همس الشعر والقوافي (https://www.hamsalshok.com/vb/f283)

- - تعال وكحل عيوني بشوفك يالغلا وقرب (https://www.hamsalshok.com/vb/t98451.html)

تعال وكحل عيوني بشوفك يالغلا وقرب

كفايه بس لاتعبث بأحاسيسي ولاتلعب
أنا أحبك فياليتك تقدر حبي الطاهر

كفايه لا تعشّمني بشوفك ثم تتهرب
وترجع من جديد تقول موعدنا ترى باكر

مدامك انت عاشقني وتهواني وبي معجب
علامك يا بعد روحي بصدك دايم تبادر

يحق لي يا نظر عيني عليك أتشره وأعتب
إذا قصرت لكني لأجل حبك أنا صابر

حبيبي غير أسلوبك قبل لا أمرنا يصعب
وحسسني بحبك لو بكلمه تجبر الخاطر

أنا حيران يا خلي ومنك صرت مستغرب
تجيني يوم والثاني أشوفك عني مهاجر

تنام انته وأنا أسهر أعد النجم وأترقب
متى طيفك يجي ونسهر أنا وياه نتسامر

إذا تزقر ألبي لك وأقول تدلل واطلب
فدتك الروح يالغالي فديتك اطلب وآمر

خذ عيوني يا محبوبي وخذ قلبي وما ترغب
وعطني من أحاسيسك ودادٍ بالوفا زاخر

تعال وكحل عيوني بشوفك يالغلا وقرب
وخلني يا ضيا عيني معاك أمشي إلى الآخر

رد: تعال وكحل عيوني بشوفك يالغلا وقرب

يسترسل الإبداع عند ذكرك
ويتقد الجمال إتقاداً لـ أناقة إنتقائك
آتوق دوماً لِ بصمة جديدك

لك ودي

رد: تعال وكحل عيوني بشوفك يالغلا وقرب

حنين الاشواق
ممُتنَة لتوآجِدكُمَ
حُضَوْركّم كَـ يَآسمُينَ أرُشَفهَ
فُوْقَ وْجَناتُكّمَ , إمُتنَانِي لُقدَوْمكّمَ السُخيَ
~