شبكة همس الشوق - الجنون عيون وعيونك وطن

ينام الغيم بخدود الصباح --------------- ويرشف طيوفك وانا ارشف من عذابك
ما تحس الشوق بعيوني -----------------------دخيلك لا تلوم القلب ملهوفك
ترفق يا بعد عمري بعدها تنزف طعوني ----- تذكرني اليا ضاق المكان وشانت ظروفك
تراني مثل طيات الذهب ما يختلف لوني
المشاعر من غيابك يا دفى احساسي جليد-- طحت من عيني لقلبي وما قدرت اني اشيلك
يشهد الله من رحلت وفي حياتي لا جديد----- وكل ما المح سرابك ارتبك الله وكيلك
الجنون عيون وعيونك وطن -----والوطن من غير عينك وش يكون
لا شوارع لا اماني لا سكن-------- لا حياة ولاممات ولا طعون
انت بلحالك زمن داخل زمن ---- كيف عمري ينحسب لو يحسبون
هو فيه غيرك افكر به واهوجس به ---- هو فيه غيرك عطيته ما بقى فيني
ان كنت شاطر وتعرف الضرب والحسبه-----اقسم حياتك سوى ما بيني وبينك
اعرف غلاتك بقلب اللي رهن قلبه ------- ممساك قلبي ومقيالك وسط عيني
مهما تروح وتبتعد ما اقدر انساك ------صورتك في داخل عيوني سكنها
تنور حياتي لا تقابلت وياك----------- وتذبل ورودي لا ابتعدت عنها
يا كثر ما احبك ويا كثر مهواك------- محبتي لك ما يقدر ثمنها
ودي ابعد عن تفاصيل الزمان -------واسكن جروحك ولو فيها نكد
دامني باحضانك الدنيا امان-------- قلبك المرسى وعيونك لي بلد
قلبي اللي ما عرف طعم الحنان---- يسالك باسم رحمان احد
لو تباعدنا حبيبي بالمكان ---- نبقى روحين يجمعهم جسد
عال شف غيبتك كيف اثرت فيني---- تعال شفني وانا اغرق عقب مجدافي
تعال خذني ورح بي من عناويني ---- تعبت اعدي على جمرك وانا حافي
تعال واقطف بصوتك زهرة سنيني-----كل المواعيد عقبك شمعها طافي