شبكة همس الشوق

برحل وانا باشوف وش ممكن يصير
وانت اعتبر صاحبك ميت وفاني

لاني تعبت من السهر والمشاوير
واتعبت قلب ٍ صابرٍ لك عشاني

ولا اعتبرها من صدوف المقادير
ولا اعتبرها غلطةٍ من زماني

خلاص ما تنفع كبار المعاذير
دامي رخصت وبعتني في ثواني

باعز نفسي عنك لو ماني بخير
واقطع سواليف الهوى والاماني

لاني كذا مخلوق في طبعي كبير
ماني عديم احساس ولاني اناني

يا ما على شوفتك سقت التباشير
وياما نثرت الهرج لجلك اغاني

واليوم كنه مال حبك على الغير
بدّلت واحد ما رضا فيك ثاني

تبي اكمل .. ولا تصبح على خير
بكره تعاني مثل ما انا اعاني