شبكة همس الشوق - قصيده نيل المعالي

قصيده نيل المعالي

نـيــل المـعـالـي مـاتـجــي بالـتـمـنـي=والمـدح هـو والـقـدح مايصـنـع أمـجـاد

نتـجـاهـل التـقـصـيـر مــنــك ومــنــي=ونسخـر مـن القـاده ونفـخـر بـالاجـداد

كـــل ٍ عـلــى تـاريــخ جــــده يـغـنــي=ملت مضـارب عبـس مـدح ابـن شـداد

لانعـفـي انفـسـنـا بـدعــوى التـجـنـي=حـق الوطـن واجـب جمـاعـات وافــراد

ان مـا قتـلـت الـوقـت سيـفـه قتلـنـي=اربــط حـزامـك واصـنـع أيـامـك اجــداد

إن كـــان ماتـعـمـر وتــــزرع وتـجـنــي=عيشـك مـهـدد وانــت تسـتـورد الــزاد

كــل الـحـرف حاربتـهـا حـــرب ظـنــي=وكــل المـهـن عـاتــب علـيـهـا ونـقــاد

مــــادام مـافـيـنـا مـهـنــدس وفــنــي=لا الـوقــت صـحـانـا ولا عـلـمـنـا فــــاد

لـلـغـرب هـامــات الـكـواكــب تــدنــي=وحـنــا رقـدنــا لـيــت لـلـنــوم عــــداد

مــن يـمـنـع الـعــدوان عـنــك وعـنــي=والاقـويـاء مـصـدر سـلاحـك والاعـتــاد

ســلاح لــو هــو ضـدهــم ماوصـلـنـي=وضــد اسلحتـهـم لــو شحـنـاه مـافـاد

لـوفـيـه قــــوه ضــــد قــــوه تــرنــي=مااطبق عليه الصمت في قصف بغداد !

يـــوم الـقـذايــف بـالـثـوانـي تـشـنــي=تـهـتـز مـــن زلـزالـهـا شـــم الاطـــواد

واســــوار بــغــداد الـعـروبــه تــونــي=فـي لاهـب يطـلـق صـواعـق ورعــاد

وقتـل النسـا طبـعـه وقـتـل المسـنـي=وهـدم المنـازل فــوق فـلـذات الاكـبـاد

عـلـيــك يــــادار الـرشـيــد امـتـحـنـي=حزنـي ، وفـي قلبـي جراحـات وانكـاد

أنـــزف نـهــر خـــدي بـيــدي وكــنــي=مـديـت دجـلـه والـفـرات أكـبـر امـــداد

ماهـو تخـاذل ، وضعـي اللـي خذلنـي=قـــوه لـهــا الـعـالـم يـسـيّـر ويـنـقـاد !

دولــه تـقـول لـدولـة الـصـيـن صـنّــي=الـلـي بـشـرهـا ماتـحـصـا بـالاعــداد !

واهـل العـراق أهــل الثـنـا يــوم أثـنـي=عقب التلاحم صـاروا ، اشتـات واضـداد

والقتـل فـي شيعـي وكـردي وسنـي=والتفـرقـة تـاقـف عـلـى كــل مـرصـاد

عـلــى مـصـايـب بـعـضـهـا مـاتـحـنـي=علـى بعضـهـا الغـيـظ والبـغـض وقــاد

ورغــم الشـقـاق الـحـر مــا يستكـنـي=والنصـر قـادم لــه مــع الـحـق ميـعـاد

والشـمـس تـشـرق والمهـنـي يهـنـي=لاتـخـاف يـاتـاريـخ حـنــا أمـــة الـضــاد

مما راق لي