|
يا بنت تغطي قدامك سعودي يابنت تغطي قدامك سعودي عــادة العين أصدق من الأذن وهناك العديد من المشاهد التي تلفت الانتباه خـاصه حينما نسمع مقولـــة !! تغطي يابنت هذا سعودي!! لمــاذا ؟!! الموضوع صريح ويتحدث عن واقع نعايشه بعض من هذه المشاهد : المشهد الأول فتاة تتحدث مع أحد العمال الأجانب وتسولف معه وتأخذ راحتها معه ويدخل سعودي تغطي كأنها ما كانت تكلم رجال مثله مثل اللي دخل وتغطي يا بنت سعودي. المشهد الثاني إمرأة تخرج للسواق أو العامل في المنزل بملابس عادية لا عبايه ولاهم يحزنون بحجة أنه أجنبي عادي تكلمه بدون ما تغطي عليه ولو دق الباب سعودي قالت تغطي يا بنت المشهد الثالث بنت تطلب عشاء من أحد المطاعم وطبعا يجيبها عامل توصيل الطلبات تخرج تستقبل وتأخذ منه الطلب مع الشكر والتقدير وتغطي يا بنت سعودي. المشهد الرابع مجموعه من الفتيات في أحد المجمعات أو في أي مكان ودهم يسألون عن شي صادفوا شخص لابس جينز وقميص لو سمحت يرد سمي آووه آآآآسفين وتغطي يابنت هذا سعودي < طلع سعودي. المشهد الخامس بخارج المملكه تنزع الحجاب وتتحرر في لبسها ولكن عندما تعود تلبس حجابها وتتستر وكأن لها رب في السعوديه ورب خارج السعوديه وهذا قمة التناقض . وغيرها من المشاهد كثيرر طبعا كل المشاهد بمباركة الأب والإخوان وشيء طبيعي لو شاهد ابنته أو أخته تتحدث مع أجنبي بعكس أن هي تحدثت مع سعودي !! ولانريد التحدث عما يحصل في سياراة الليموزين (( التاكسي )) لأنها وبكل اسف غنيه عن التعريف وفي الأخير أنا لأأقول أن هذه المشاهد تحصل في مجتمعنا السعودي كله ولكنها تحصل في أغلبه وهناك إضافه مهمه : وهي انه في بعض المحلات خصووصا الماركات يكون اللي يبيع فيها اجنبي سوري او لبناني او مصري لو طلبت منه البنت غرض بيقول كرمال عيونك او على راسي من فووق او من عيوني البنت هنا وش بتسوي اكيد ابتسكت او تبتسم طيب تخيلو ان اللي يبيع سعوودي وقال من عيووني يالغاليه او انتي تامرين امر اش بتكوون ردة فعل البنت ؟؟أتمنى أشوف آرآئكم بصرآحه |
رد: يا بنت تغطي ..قدامك سعودي هلا بتس غلاااي والله يالغلااا شي يجرح القلب والله مدري وش اقول لكن اذا كان رب البيت للدف قارعاً ,,,فشيمة اهل البيت الرقص دام ولي الامر المسؤل عن العائله امام الله وامام المجتمع ديوث وماعنده غيره على عرضه وش ترجين من عائلته الله يسرنا على الارض ويوم العرض عواااافي غلاااي |
رد: يا بنت تغطي ..قدامك سعودي قال الرسول الكريم علية افضل الصلاة وازكى التسليم لايدخل الجنة ديوث فقالو من هو الديوث يارسول الله قال الرجل الذى يرى المنكرفي اهل بيتة ولاينكرة لايشم ريح الجنة والعياذ بالله بالفعل اختى الكريمه هذة الظاهرة متفشية وبشكل مخيف وازيدك من الشعر بيت فهن اصبحن يتمتع بالسفر بسيارات الاجرة على سبيل المثال مع السائق الاجنبي وبدون محرم وللاسف الشديد مثل ما اشارت الية الاخت ملهمة شاعر ان الركيزة الاساسية هي الراعى المسئول عن الرعية وعند انشغاله وتفريطة بالمتابعة والغيرة على محارمة اين المفر وضعف الوازع الديني وزيادة مظاهر الحضارة والتقنية والانفتاح زاد الظين بله موضوع يطول النقاش فيه ولاكن اترك المجال لبقية الاخوات والاخوان بالمشاركة لكي ودي |
رد: يا بنت تغطي ..قدامك سعودي موضوع مهم وخاصه بهذالوقت الله يكفينالشر بكثره واخذالراحه وكنه اخوه مواجنبي محرم عليها تكلامه بس يدخل اسعودي يعم الهدوء عندها هه وربي شوف عيني عموما والله لونحكي من هنا لبكره ماراح نخلص منه لكن اسئل الله ان يهديهم ويحفظون انفساهم عن اجنبي عواافي على الاطروحه الراائعه الله يعطيكـ العافيـــه متميزهـ لاخلاولاعدم |
رد: يا بنت تغطي ..قدامك سعودي موضع جد يستحق النقاش البعض يسوي الحركه بس احنا ذي العاده ما تصير يعطيك العافيه تقبلي مروري |
رد: يا بنت تغطي ..قدامك سعودي موضوع جيد بااااارك الله بيك قموووره يكفي ما قاااله والدي الغالي (همس المشاعر ) الله يستر على اعراض المسلمات ويرزقهن العفه والتقى |
رد: يا بنت تغطي ..قدامك سعودي اول شي والله انه موضوع يستحق النقاش لان بنات هالزمن وانا اختك مدري وش يحسن به الحيااء منزوع منهن الله يهديهن وبوجهة نظري السبب لان اهله هم اللي عودوه على كده معتبرين الحجاب عاده وليست عباده ماتتعفف عباده خالصه لله لوكانت خالصه لله ما كشفت لاي رجال اجنبي ولا سعودي ويمكن بعد يكون السبب بان السعودي يطلع احد من معارفهم والدليل انهم اذا سافرو براا نزعو الحجاب وابون جاابه وهي ببسط الطياره تسفط عباته وتحطه بالشنطه.. وبالاول والاخير واهم سبب ضعف الوااازع الديني <<من لم يستحي فليفعل مايشاااااء تقبلي مروري..طولت عليك بس الموضوع يستاهل.. |
رد: يا بنت تغطي ..قدامك سعودي شكرا لمروركم على موضوعي وهذا شرف لي ووسام على صدري |
| الساعة الآن 11:45 AM |
جميع الحقوق محفوظه للمنتدى
HêĽм √ 3.1 BY: ! ωαнαм ! © 2010