http://forum.khleeg.com/imgcache/2/177247khleeg.jpg



صورة الحب في الماضي والحاضر ,,,,,,,
تدهور حال الحب .. وتدريجيا قلب صفاء ماءه الى ماء عكر


كثر الحب .. وهام العاشقين في وقتنا هذا

ونلاحظ مايدور حوالينا ..فالمسلسلات كلها تتكلم عن الحب

والافلام تتكلم عن الحب والوفاء

ولكن ...

اكثرها تتلاشى في زمننا هذا ......!

لماذا....

لوجود وحش كما اطلق عليه بعض الروائيين

( الخيانه )

التي .. تتفرع منها امور كثيره


مثل :


عدم الوفاء... الكذب ...<<< منتشر وبقووووه

قل الوفاء في زمننا هذا

وكثرة الخيانه

وتتغير نفوس المحبين على اتفه الاسباب
وكل عاشق يعدد من يحبهم

اصبح القلب مثل الاستراحه


<<< شطحه عاميه

صارت قلوب اكثر المحبين مثل الفنادق .. عنده 30 غرفه

وكم جناح سبشل <<< اكيد فهمتوني

وشفنا التهديد << بصور ولا مقاطع

وشفنا الذل المنتشر وسطهم

وسمعنا قصص .. وشفنا بالمسلسلات كثيرة
فيه ناس وقليله .. يخونون اللي يحبونهم

بس بلحظه ..يندم ويرجع


عشنا ... وشفنا ... ويالتنا ما عشنا

هذا الكلام في عصرنا هذا.. عصر الحضاره والعقول الفاهمه وهذي مجرد نقطه في بحر


ولكن خلونا نرجع لورى .. ونشوف اللي ماشفناه بعصر الحضاره



* كان عنتر بن شداد وسط المعركه يقول :ف

وددت تقبيل السيوف لانها
لمعت كبارق ثغرك المتبسم

* كان مجنون ليلى يقول ..<<< لاحظو مجنون

ولكن...

دورولي مجنون في ذا الزمن البايز انهبل من الحب

بالعكس الحين يحذرون يقولون .... لاتحب

يقول :

سلامٌ على من لا يُمَلُّ كلامه...وإن عاشَرَتْهُ النَّفْسُ عَصراً إلى عصرِ


هنا تلاقيهم يقولون .. صدعني كثر كلامه .. لاتكلم احسه بيغثنى على

مودي اسمع كلامه ..وياكثر اللي ينقال

لاحظوا .. هذا الكلام بوجود الحب


ايضا بيت :

تداويت من ليلى بليلى عن الهوى...كما يتداوى شاربُ الخمر بالخمر

ألا زَعَمَتْ ليلى بأن لا أحبها...بلى والليالي العشرِ والشفع والوَترِ

بلى والذي لا يعلمُ الغيبُ غيرُهُ...بقدرتهِ تجري السفائنُ في البحرِ

بلى والذي نادى من الطور عبدَهُ...وعظّمَ أيامَ الذبيحةِ والنّحرِ

لقد فُضِّلَتْ ليلى على الناسِ مثل ما...على ألف شهرٍ فُضِّلتْ ليلة القَدْر



فرق بين السماء والارض



ملاحظهـ :

زمان عندهم نهايةالحب ا.... جنون ولا موت ولا زواج

كانت اللي عندها ولد ... تخاف على ولدها انه يحب
وسمعنا قصص كثيرة عن هالشي في عصر الجاهليه

الان تلاقي نهاية الحب معروفه <<<< فراق

سواء بفضيحه .. ولا بخيانه .. ولا موته من ربه .. وهو ماجاب خبر الحب ..

والاسباب كثيره ...طبعا نتكلم عن الاغلبيه

ولا تخبر الهيئه عن واحد يبتزها بصور .. ومقاطع

ولا حظوا بداية هالشي حب <<< شوفوا كيف انتهى


قد سمعتوا بعصر الجاهليه قصص عن واحد يحب وحده ويبي يمتلكها

يقوم يهددها بحاجات



وهيئة الامر بالمعروف والنهي عن المنكر ..

افتتحت ... مكتب لاستقبال مثل هالحالات


ويقولون حب

طبعا هالكلمه هذي لعبوا في حسبة ام جابتها

شوتوها تشويت .. ماقدروها مثل العصر الجاهلي


وبرضووو يقولون حب


مثلا لو رحت تقول لخويك

والله فيه بنت احبها .. بيقولك ياشيخ اص بلا حب بلا خرابيط


وبعضهم تنتهي بزواج .. لكن تلاقيهم قبل الزواج يحبون بعض

بس بعد الزواج .. على اتفه الاسباب يكرهون بعض


يعني عادي .. صار يحب اليوم ويكره بعد شوي


-

ماتفرق معاه ...

ويقولون كمان حب


طبعا انا ماتكلم عن الكل ... اتكلم عن الاغلبيه


ولكن ...

مازال بعض الناس غير عن كل هالكلام



فرق ياكبره كبرااااه


هذا مايجول في خاطري .. وخطته احرفي

ولكن


ماذا يجول بخاطركم


... مساحه حره لاقلامكم



ملاحظه صغنونه :

مجنون ليلى .. وعنتره .. ابطال هالقصه


بس المهم انه عصر مغبر وقديم



ايضا ملاحظه صغنونه :

مسمى ذئاب بشريه ... يعبر عن حال الحب الى اين وصل




يامن تحب ...... تمهل!!

فعلى هذا الطريق ... تكثر المفاجأت .. وتقل الاناره ... وتكثر المطبات



واخيرا


نعمل من اجلكم ... وناسف على ازعاجكم