شبكة همس الشوق - خففي بعض كحلك وامسحي البودره

https://up.hamsalshok.com/do.php?img=42691

خففي بعض كحلك وامسحي البودره
كل مشرق صباحك شفت دونه ضباب

الحسن صدقيني ضاع كل اكثره
كيف وانتي بقليله جيتي والكل غاب

لو ظهرتي بزين عارفه واخبره
كان جمهور غيرك ضاع منه الصواب

احرقي الزين حرق العود في المبخره
كل ما فاح طيبه تنحنيله رقاب

وكان للحسن معبد اعتلي منبره
وانصتي لكل عاشق يشكي الاكتئاب

اقبلي مثل منتي ورده معطره
لي انا وخلي غيري له من الله ثواب

اتركيه يطلب الله جنة الاخره
يكثر من التعبد وعسى يستجاب

اخضعي هام تطلق روس مستكبره
من عيون خطر منها تشيب الشباب

والله انه حرام تناش بالمسكره
ما تحمل عيونك كل هذا العذاب

حجر عينك بليا كحل شف مكبره
ماهي عين توسع بالكحل والنقاب

قلتها وللعذاري العفو والمعذره
لو يشوفون عينك ما لحقني عتاب

شفت عينك حياه وشفتها مقبره
شفت فيها ضما والماء وعطف السحاب

بين موتي وحياتي ملي المسطره
هيكل الجسم حي وكل صدري خراب

ليه اسولف وباقي شي مابغى اذكره
المهم ان قلبي ذاق حبك وتاب

عبدالخالق صياح الشراري

https://up.hamsalshok.com/do.php?img=42691