شبكة همس الشوق - احب اكون الصعب محد ينوله

شبكة همس الشوق (https://www.hamsalshok.com/vb/index.php)

- همس الشعر والقوافي (https://www.hamsalshok.com/vb/f283)

- - احب اكون الصعب محد ينوله (https://www.hamsalshok.com/vb/t74633.html)

احب اكون الصعب محد ينوله

فيني جــــراءه حاضنتهـــا طفولــــه
احب صمت الليل واشعاعة النور

صحيح (حلـــوه) بس مافيني غرور
وافـــرح بزخات المطـر وبهطولـــــه

واحب اجننهم تفاكيـر وصـدور
واحب اكون الصعـــب محــدٍ ينولــــه

العب على الدنيا ولا اتقن الـدور
افشــل واحــاول لين حزت البطولـــه

بساطتي ماهي بعيبٍ ولا قصـور
ومــاهمــــني من قــال عنـي خجـولـه

صحيح ماني شيخة الزين والحور
اللـــي تهــزى الكــون عرضـه و طولـــه

بس انا عندي قلب لو عاش مقهور
يضحـــك لو ان الجـــرح يركي حمولــه

وسطه عنادٍ يكره الظلـم ويثـور
علـــى عقــول الظالميـــن الجهــولـه

وبداخله تلقـى معانـاة ومـرور
واســرار محكومـــه بصولــه و جولـــه

صحيح في عمري مطبات وحدور
ومـــاكــــل شـي ناصلـــه بسهولـــه

هذا ( انا ) طبعي كذا وانت مشكور
ولكــل شخـــصٍ ياغناتـــــي ميــولــه ..