شبكة همس الشوق - تدري وش يتعب البنت يا سعود

شبكة همس الشوق (https://www.hamsalshok.com/vb/index.php)

- همس الشعر والقوافي (https://www.hamsalshok.com/vb/f283)

- - تدري وش يتعب البنت يا سعود (https://www.hamsalshok.com/vb/t105595.html)

تدري وش يتعب البنت يا سعود

https://up.hamsalshok.com/do.php?img=43023

تدري وش يتعب البنت يا سعود

تدري وش يتعب البنت يا سعود
رجل يخون أشواقها والموده

اللي الى احتاج الغلا صار نمرود
والى شبع مما عطاه استرده

البنت ريحانة غـلا .. نـاعمة عود
تبي لها رجـلٍ ورث طيب جده

رجلٍ فعوله كلها جود في جـود
ما يلتـفت للي كفـوفه تمده

مهوب خبل ما رعى للهوى عهود
وادناة ما عارض طريقه يرده

ولاهوب لا علـة ولاهوب ملهــود
ولا شكــوك وكل طاري يحده

ما اشين من الرجال لا جاك ببرود
وان قال له ترف القدم شي صده

تبي لها بـراق طيب له رعــود
ان اجدبت يمطـــر على ريـف خده

وان نادته تكـفى لقت عنده الفود
يشيـل عزـتها على قو زنده

كفه نفل وانفاس صدره لها عـود
وظـلاله الضافي بـيدها تمده

البنت خد.. وقد.. ونواظر سـود
وريحة غـلا يا سعد من شم نده

البنت الى ضحكت ثمرها لك ورود
يا سعد من يقطف نواوير ورده

واللي يهين البنت ناقص ومقرود
فرس غلا.. ما هي حمارة مكده

https://up.hamsalshok.com/do.php?img=43023