|
نقاش خاص بمنتدانا السلام عليكم ورحمة الله وبركاته اليوم موضوعي من الواقع اللي اشوفه في المنتدى انا بكمل 3 سنوات مع همس الشوق بعمري ما شفت اهمال مثل ها المره وطبعآ كل واحد عارف نفسه ما يحتاج نعدد بالاسم ليش كذا .. قبل فتره كنا فرحانين منتدانا وصل عالميا لخانت الالف بعد ماكان في المليون بس اهمال رجعه للمليون ... وانتم جالسين في موضوع سجل دخولك ولا بس ردود بدون مواضيع تطرحونها.. سوينا مسابقات لكم قلنا تتحركون يمكن.. حملة تنشيط المنتدى ملف انجازي وغيرها وغيرها ولا احد شارك ،، قولو لي وين المشكله .. وش اللي مخليكم كذا.. همس الشوق يتعب في المنتدى ويصرف عليه ويعدل ويضبط كله عشانكم .. وانت ايش قدمتو له.. ولا الادارين اللي مختفين والواحد اذا دخل راح مدونته ولا وقف في الرئسيه شوي وطلع ايش يعني بس تورينا انك دخلت.. حط في بالك انت وياها انو مو بس الغياب يعرضك للاعفاء حتى الاهمال.. وهمس تاركم ع راحتكم يمكن تحسون شوي ... بس لا احساس ولا ضمير ولا الاعضاء اللي غياب طول السنه ووقت المسابقه الثقافيه يجون واذكركم بعد كم شهر لما تبدا كيف يجون بس عشانه لكن سوء مسكت المسابقه انا او غير انا احدد من اللي يستحق السنه اللي فاتت حتى قبلت اجابتاتهم بعد انتهاء موعد الاسئله وتجاوزت عن اسئله بس عشانهم واخذ الجوائز اللي كرت شحن واللي فلوس ليومنا هذا ما قد شفناهم لكن الوعد قرب ونشوف اللي ابي تفهمونه من ها الكلام مفتاحك لدخول المسابقه مواضيعك ولا الاعضاء المتميزين وجين مجهوداتكم اللي ستحقيتو التميز من شانها!؟ ما اشوف شي .. ولس في ناس معترضه ليش اعفيت 52 عضو ميز وسحب الاوسمه منهم ترا ما قدمو شي وقدمت لهم كا تشجيع بس للاسف ما شفنا منهم شي لتميز عنوان كاتب مصمم اداري سابق مشرف شاعر وينكم ..وين مجهوداتكم ولس يقولو مافي تشجيع.. وين المشكله وش فيكم وش الشي اللي مخليكم كذا يعني انت وياها لو المنتدى لك بترضى ها شي يصير ناس توعدك تسوي وتقدم وماتسوي شي احنا مسؤلين امام الله عن ها الامانه اللي منحت لنا همس الشوق ما قد اعفى احد الا لغياب او بطلبه بس عشان اهمال بمواضيع ومشاركه لا صح ننبهكم ونمل وانتو ما تملون ولو اعفى همس عشان الاهمال والله ما يبقى الا اثنين معنى كلكم تمنيت اشوفكم مشرفين تتابعو الاقسام مع الادارين نتعاون مع بعض ع الاقل نرد الجميل لتعب همس الشوق بس انانيين كل واحد يبي لحاله كل واحد في دائره لحاله انا طرحت ها الموضوع لنقاش ابي اعرف وش تبون وش ناقصكم حتى صرتو كذا ابي نوصل لحل يرضي الطرفين ما ابي شكرآ ويعطيك العافيه تطلعون ابي نحل ها المشكله |
رد: نقاش خاص بمنتدانا انا الاحظ نفس الاهمال مع الاسف مواضيع قليله جدا وان وجدت فهي غير مهمه او مقاطع فديو او مجرد نكته وين المواضيع المشوقه ذات الاهداف اللي تطور مداركنا وتنشر ثقافته وعراقة تاريخنه المواضيع المشوقه هي اللي تجذب الزوار والاعضاء للمشاركه مو مجرد كلمتين بموضع وله مقطع فديو اللي ماحدا يفتحه ولا يشوفه او موضوع كامل بصورة وبدون تعليق اتمنى الكل ينتببه لهذا الشي وياريت الكل يدخل ويشارك مثل قبل حتى نحافظ على هذا الصرح الراقي ملاحظة اخرى لادارتنا الموقره ياريت يكون مع الموضوع المميز تقييم من قبل جميع الاداريين لان ماحدا يقدر يقيم الا الاداري وياريت التمييز يشمل كل الاقسام مو قسم كتابة الاعضاء بس حتى يكون حافز ودافع للمشاركه بمواضيع تستحق التمييز ومواضيع هادفه ومشوقه جل احترامي وتقديري للغاليه دلوعه ولمديرنا الغالي |
رد: نقاش خاص بمنتدانا هذا الشي واضح والكل ملاحظ الاهمال الي بالمنتدى مافي اي نشاط صار المنتدى شبه خالي وما نعرف فين المشكله ليش اعضاء المنتدى ختفت فينهم شو السبب ؟ انا بدخل المنتدى وبستغرب من هذا الحال مع انه المنتدى مو ناقصه شي ما شاء الله شكرا اوان كفيتي اوفيتي وما عندي قول اكثر من الي قلتيه الله يعطيك العافيه دلوعه على اهتمامك |
رد: نقاش خاص بمنتدانا نقاش مهم يوصف حالت المنتدى لن اقول غيري مهمل بل كلنا مهملين انا والله ابدل كل اقصى جهدي فيه ولا اعلم هل هو كافي وغياب الاعضاء الاخرين ممكن الضروف اجبرتهم فلا نحكم عليهم اما عن الي يدخلوا ويتفرجوا فقط فل نحاول تشجيعهم وتحميسهم فصدقوني تحميس وتشجيع ممهم ولكن تشجع لا يكون بكلمة بل بفعل مثل وضع ملفات انجاز للمراقبين والمشرفين وتحميسهم وعندي طلب اذا تسمحلي اذارة المنتدى اني اجدد مواضيع من مسابقات وغيرها من مواضيع محمسه حتى يعود صاحبها وياليت تقليل من تنزيل مواضيع بلاقسااااام ابدا مايصر بالقسم الواحد 10مواضيع اذا بتدخلوا تلاقوا اغلبها بدون ردود بسبب كثرتها نحط مواضيع ولكن بحدود مو نركز على قسم فقط هذا راي واذا فيه غلط فاطنشوه لانه بالاخير القرار يعود لكم تحياتي و ياليت يرفع للتنبيه حتى يتمكن كل عضو من النقاش |
رد: نقاش خاص بمنتدانا صح كلامك وردة 10 مواضيع بيوم لنفس الشخص واجي ثاني يوم الاقيه صار 20 وحتى اطلعه من قائمة مواضيع لم يتم الرد عليها ياخذ مني وقت طويل لو الكل نتعاون ونرد لمواضيع لم يتم الرد الرد عليها ما وقع المجهود عليه وعلى بتي واقولها بكل صراحه بس انا وبتي نرد للكل والباقي يردون لموضوع او موضوعين باليوم ياريت نهتم شوي اكثر بالمنتدى |
رد: نقاش خاص بمنتدانا السلام عليكم ورحمة الله أتمنا تقبلون مشاركتي في هذا النقاش رغم اني جديد على المنتدى بنسبه للمنتدى ما جذبني له وجود مواضيع ثقافيه و مفيده و أتمنا اني اقدر أقدم ما استطيعه ... ليس الكل يبحث عن المواضيع الثقافيه فقط لكن من الجميل ان يكون توجه المنتدى الى هذا غالب المنتديات الغير التخصصيه في مجال معين تراجعت .... بنسبه الى ترتيب المنتدى ان شاء الله يتجه الى الافضل لكن احب الفت انتباهكم اولا : انه على الأدارين والمراقبين والمشرفين معرفة أو الاطلاع المواضيع الاكثر بحثا في محركات البحث مثل: قوقل او كل واحد على حسب القسم الذي يديره باقل تقدير مثلا// القسم السيارات غالبا الاهتمام بالأسعار و خدمات ما بعد البيع و عيوب السيارات ... ثانيا: معرفة الأشهر او الافضل في هذا المجال للقسم والنقل عنه مثلا// قسم الطب أو الطب البديل د جابر القحطاني اقترح تجربة تبديل المشرفين او المراقبين على الأقسام كل اسبوع مثلا يكون فيه جدول وتذكير من الاداره و التبديل بينهم على الاقسام لان البعض يتمتع بموهبه التطوير و ينشط من حوله و يدفعهم الى التقدم اما بنسبه الى كلام الاخت اون الورد اشوف صحيح اما ما يتعلق بتقيم القلم المميز اشوف انه لازم يكون من ناحية المواضيع والردود ما انسى اهمية وجود كتاب يستطعون الكتابه في عدة مجالات ولا تقصر على الخواطر فقط و وجود قسم خاص لمن يكتب الافضل ان يكون من يكتب يكتب في القسم الاساسي للخواطر او غيرها الان كأننا نقول من يريد ان يكتب هذه المساحه فقط وخواطر و هنا فقط استغربت من حدثيك ولا الاعضاء المتميزين وجين مجهوداتكم اللي ستحقيتو التميز من شانها!؟ ما اشوف شي .. ولس في ناس معترضه ليش اعفيت 52 عضو ميز وسحب الاوسمه منهم ترا ما قدمو شي وقدمت لهم كا تشجيع بس للاسف ما شفنا منهم شي اعتقد انك اجهتدتي لكن اخطأتي ليس من الصحيح ان نرجع عما كان منا ابداً... قد يكون منهم بعض التقصير لكن هذه الطريقه سوف ينفرون و تبقى في النفس الكل بطبعـنا ك بشر نشعر اننا نستحق كل ما حصلنا عليه اكان صحيح ام لا ... من الطبيعي ان يشعرو بالظلم لان النفس تقدم التبرير لنفسها وانها على الحق ... هذا كله من طبيعتنا ك بشر لا احد سوف يقبل هذا تكلم به وصرح ام لم يتكلم ... اتمنا اني ما اكون طولت |
رد: نقاش خاص بمنتدانا ياهلا فيكم بصراحه اعجبني كثيير انكم اهتميتو للموضوع وشاركتوني فيه هذا اللي انا ابيه ابي ناس تتكلم نبي يصير بينا تعاون وتوجيه مو بس نتابع بصمت راح ارد اولا ع نقطه لاخوي الرايق من شان اعفاء 52 عضو هم بس ورونا انهم سجلووو نكات عندنا موجودين تحف وفي منتديات ثانيه ما شاءالله شعله وش نميزهم عندنا ع الفاضي |
رد: نقاش خاص بمنتدانا هلابك اختى واسعدني ردك انا معك ما اختلف لكن لا تتوقعين انه علشان راح التمييز لهم انهم بيرجعون يكتبون هذا على الغالب مارح يضر المنتدى لو كانو علا حالهم بس الاهم هو القادم يعني ما يكون التميز على اي حاجه لما يستحق الشخص بجداره يكون له التميز لكن اذا وضع لحد يستحقه بحق ما ينشال بعدين هذه وجهة نظري لانه مو كل الناس نشوف الامر بنظرتك انتى انا اتفهم رايك انك تقصدين الوسام للى الان مجتهد ما يكون له على اطلال ماضي كتب او شارك شوي وراح انتم اعطيتوه الوسام ك تشجيع له على العطاء اتمنا تتقبلين مروري |
رد: نقاش خاص بمنتدانا لا عارف ما راح يرجع ويتميز ولا حتى برد واحد اصلا تلاقيهم ناسين انهم سجلووو عندنا وماراح نثق باحد ونمنحه التميز الا بعد مجهوده |
رد: نقاش خاص بمنتدانا ولا حتى انا هههههههه انا أأيد كلامك لانه هذا هو الصح ونتمنا نشوف اعضاء نستمتع معهم في المواضيع نستفيد ونفيد بعض |
رد: نقاش خاص بمنتدانا نجي للغاليه ورده بدانا انا وانتي بطرح مسابقة ملف انجازي وكان الغرض منها طرح المواضيع في الاقسام والتعاون والنشاط بين الاعضاء حتى يكون في ترابط بينا بس للاسف مفككين كل واحد لحاله بس الموسف ان في اعضاء عحبهم الاقتراح بس كل ما اختارو لهم شريك من الاداره يرفض بالله مو قتل لحماسهم |
رد: نقاش خاص بمنتدانا وانت ي الرايق منتظر مواضيع لك حتى نستفيد منك مو شرط تكون كاتب او مصممم كل واحد بداخله ابداع وتميز حتى لو كان منقول بس بس بطريقته يخليه جذاب ومميز.. صح انا اكتب وارسم وبجهدي احاول اصمم بس ابي اشوف مجهود من الجميع لو بشي بسيط |
رد: نقاش خاص بمنتدانا ان شاء الله قريبا ابدا انزل مواضيع الى سبق وكتبته او جديد اما المواضيع المنقوله الي يروق لي راح انقله |
رد: نقاش خاص بمنتدانا اوان الورد ووردة الاحساس بنسبه للمواضيع كيف نحدد مواضيع للقسام وعندنا شح في المواضيع وصلنا لخانت الالاف ونبسطنا وفي نهايه رجعنا للمليون .. ولو حددنا المواضيع وين بنوصل!؟ ع ها الحال مع غياب الاعضاء بينتهي منتدانا ونحنا نتفرج |
رد: نقاش خاص بمنتدانا اهلا بالرايق طبعا انا معك في كل اللي قلته بالنسبه لقسم السيارات اني ماعندي معرفه فيه لكن قسم العطلات مفتوح من فتره وفاضي ولا موضوع من كم يوم نزلت فيه مواضيع بحثت عنها بالكوكل كوبي بيست لاني مااعرف ولا شي بعطلات السيارات وشفت بردودك انت والصامت عنكم خبره كبيره بهذا المجال ياريت انت والصامت تطوروا هذا القسم اما المواضيع الثقافيه والتاريخيه فأحنا نبذل مجهود كبير حتى اجمعها وانشرها لكن مع الاسف فقط مشاهدات من زوار لا اهتمام ولا تقييم ولا ردود الا القله البسيطه المثقفه اللي تهتم بهذا الشي |
رد: نقاش خاص بمنتدانا هلابك اختى اوان الورد كلامك صحيح ولا فيه احد فاهم في كل شي بنسبه لاخى الصامت قرأت له رد في قسم الاعطال و اعجبني رده واتوقع انه يتمتع بالكثير مشاء الله عليه بنسبه لقسم اعطال السيارات من المهم نوعية المواضيع غالب الي منزله في القسم اعتقد انها من مواقع مصريه ليس احتقارا لأخوننا لكن فيه اختلاف في النوعيه والموديلات والاسماء غالبا السيارات عندنا حديثه و الاسماء تختلف و الشي الثاني فيه مواضيع ناقصه يكون الموضوع اما انه يتكون من اجزاء او انه يتبع لعدة مواضيع من خلال روابط وتنزلونه انتم بدون ما تدرون وهي غير مكتمل او بداية الموضوع فقط وهو اوسع مما ذكر هنا الى ما خلاني ابداء في تنزل بعض المواضيع في قسم الاعطال انها تطلب شروحات من صور او مقاطع و ويطلب هذا المنتدى فتره معينه بعدها ان شاء الله اقدر اقدم ما استطيعه وحديثك عن المواضيع الثقافيه فأنا اتفق معك وجهدوكم واضح للكل الله يعطيكم العافيه ويقويكم |
رد: نقاش خاص بمنتدانا ننتظر انجازاتك يالغلا واللي علينه نسويه والباقي كلو على الله شكرا لك |
رد: نقاش خاص بمنتدانا وعليكم السلام ورحمة الله وبركاته كلام الأخوة السابقين في المواضيع وطرحها كفى ووفى فيه بس ملاحظتين بسيطة ألا وهي سرعة المنتدى وكثر الأقسام سرعة المنتدى : اللي يخلي الأعضاء يدخلون المنتدى ثم يبتعدون عنه هو ثقل المنتدى وبطؤه ما يفتح معي بجوالي الجالكسي الا بصعوبة لأنه فلاشي وثقيل ع الجوال دائما افتحه باللاب و سبق وأن فتحت الموضوع مع اخوي همس وثانيا بالنسبة للأقسام ألاحظ وجود كم هائل من الأقسام قد تكون غير ضرورية فلازم يتم حذف الأقسام الغير ضرورية أو ع الأقل دمج بعضها البعض أما الباقي تمام وما عليه كلام من حيث المسابقات وتوفير مركز رفع خاص بالمنتدى وتعاون الإدارة مع المجتهد فما قصرتوا إعذروني ع الاطالة وان لاحظت شيء آخر راح اقلكم عليه وشكرا لكم |
رد: نقاش خاص بمنتدانا ملك انا معك كثرة الاقسام مثلا اقسام المطبخ كثيرة جدا وممكن يكون قسم واحد يضم كل الاكلات والمشروبات والحلويات وغيرها كذلك اليوتيوب في لقسم المرأة وللاسلاميات وللشيلات ممكن يكون قسم واحد بس يضم كل مقاطع الفديو الاقسام الادبيه كثيرة جدا جدا والامر متروك للمدير طبعا ياريت يشاركنا النقاش |
رد: نقاش خاص بمنتدانا منورنا ملك سعدت جدآ بمشاركتك بنسبة لسرعة وبطء المنتدى انا من دخلت المنتدى وانا استخدم جالكسي تاب ماعمري دخلت من لابتوب وماشي معي والحمدلله يمكن سرعة تختلف من جالكسي لاخر وممكن يكون عشان حجم جهازي كبيير اما بنسبة للاقسام وكثرتها فاغلب الاقسام فتحناها ع طلب الاعضاء وراح يكون في ترتيب للاقسام خلال ها الفتره ان شاءالله |
رد: نقاش خاص بمنتدانا النور نوركم والله بس حنا نعرف ان طلبات الناس ما تخلص وكل واحد وده يفتح قسم خاص فيه هههههههههههه حلو والله بس انا بطيء جوالي مدري ليش كذا بالنسبة للأقسلم ان ما حبيتوا تحذفون فع الأقل يتم دمجها وكذا بيترتب المنتدى وتكون الصفحة الرئيسية سريعة تفتح بسرعة |
رد: نقاش خاص بمنتدانا السلام علیکم صباحکم ورد اعجبني موضوعک اخت دلوعه انا حقیقي اواجه مشکله انا لما ادخل من اللاب من الکروم تکون الصفحه کبیره جدا فیوم اجي انزل مواضیع ماقدر ابحث فممکن یجي الموضوع مکرر ذالشيء خلاني کسلانه کثير لان ماحب انو یطلع لی الموضوع مکرر فصرت مقتصره في الاونه الاخیره ع موضوع بقلمي او ردود لو في حل یالیت وشکرا لکم قیود کانت هنا |
رد: نقاش خاص بمنتدانا صباح الخير موضوع يستحق النقاش والرد عليه ولكن تقبلوا نقدي حين يكون الرد بمايليق بالموضوع ولي عوده اذا اراد الله |
رد: نقاش خاص بمنتدانا قيود جربي اي متصفح اخر ممكن انه يكون اسهل لك في طرح المواضيع |
رد: نقاش خاص بمنتدانا اي والله يادلوعه ياريت ترتبوا الاقسام وتختصروها حتى نقدر نسيطر ع المنتدى اكثر من حيث المتابعه |
رد: نقاش خاص بمنتدانا ان شاءالله يا اوان الاقسام اختصاص همس وان شاءالله يصير خيير بس اللي ابيكم تعرفوه ان المنتدى محتاج منا مواضيغ كثرة الاقسام او قلتها ماراح تاثر علينا لازم نهتم ونرجع المنتدى مثل كان واحسن الحين المشكله الاساسيه بنظري مو الاقسام بل الاهمال.. شاركو معنا ليرتقي المنتدى بكم |
رد: نقاش خاص بمنتدانا كلامج كله عسل ياغاليه |
رد: نقاش خاص بمنتدانا اعجبني هواي هواي |
رد: نقاش خاص بمنتدانا والله يادلوعه تقريبا انا باليوم انزل 15 - 20 موضوع باليوم بالرغم من بطئ النت |
رد: نقاش خاص بمنتدانا |
رد: نقاش خاص بمنتدانا والله ياعزيزتي انا اشوف افضل متصفح كروم هو من بعد اخر عطل للمنتدى صار كذا |
رد: نقاش خاص بمنتدانا اقتباس: المشاركة الأصلية كتبت بواسطة دلوعة كيوت http://www.hamsalshok.com/vb/hamsals...s/viewpost.gif ان شاءالله يا اوان الاقسام اختصاص همس وان شاءالله يصير خيير بس اللي ابيكم تعرفوه ان المنتدى محتاج منا مواضيغ كثرة الاقسام او قلتها ماراح تاثر علينا لازم نهتم ونرجع المنتدى مثل كان واحسن الحين المشكله الاساسيه بنظري مو الاقسام بل الاهمال.. شاركو معنا ليرتقي المنتدى بكم هلابك اختى الغاليه دلع كيوت بصراحه كان هذا الموضوع على اول دخولي المنتدى وسعدت به كثيرا لان الاداره تشارك الكل وهذا شي جميل الاغلب ذكر اسباب الله يعطيهم العافيه كل واحد له رأي او ملاحظاته الي موجدين ما رايت منهم اي تقصير اوان الورد بيتي و انتى و قيود و قمرهم كلهم يلفون المنتدى لف مشاء الله عليهم الأقسام الي يفهمون فيه ولا يجتهدون مواضيع ردود شعله في المنتدى اقدم له خالص شكري ما شفت منكم اي اهمال بالعكس اذا فيه ملاحظه عندك على البعض تقدرين تكلمينهم ما تعممين الاهمال الملاحظات الي هنا في نظري تأخذ و تقسم على شكل نقاط و يتناقش فيها الاداره .... |
رد: نقاش خاص بمنتدانا لو تسمحولي أشارك معاكم حياكم ربي جميعًا بصراحة أنا أستغربت لما سجلت ولاقيت المنتدى خالى من الأعضاء صح متعارف أنه فيه فترة بتكون رقود في المنتديات بسبب الدارسة أو الظروف لكن مش بيكون خالى نهائي من الأعضاء !! طبعا أنا عضو جديدة مش عارفه أيه الأسباب علشان أاقدر افيد ممكن أقترح شيىءبسيط شجعوا الردود المتميزة المثمرة تلقائي هيزيد عدد المواضيع الفكرة أنه يكون فيه تفعال مش كثرت مواضيع سهل جدا عضو يطرح كم من المواضيع تغطى أكثر أقسام المنتدى لكن هيفضل أغلبها خالي من الردود وفيه مشكلة بتعاني منها اغلب المنتديات إن لم يكن جميعها الردود السطحية على المواضيع أزاي نطلب من عضو يشارك ويتحفز قلمه ويبدع وبعد مجهوده نقوله شكراً وننتظر جديدك أكيد مع الوقت مش هيكون للعضو جديد في النهاية هنرجع لنفس النقطة علشان يكون فيه مواضيع ثقافية ومتنوعة هادفة نملاء بها أقسام المنتدى يجب أن تكون الردود على مستوي المواضيع وربي يوفقكم لما فيه مصلحة المنتدى |
| الساعة الآن 02:05 AM |
جميع الحقوق محفوظه للمنتدى
HêĽм √ 3.1 BY: ! ωαнαм ! © 2010
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd.