كتير يجهلون هذه الخطوات و ما يعرفون أهميتها لنجاح الماسكات
قبل وضع الماسك تأكدي من ان بشرتك نظيفه وخاليه من المكياج او الزيوت اوالكريمات وابدي بإزالة المكياج وغسل الوجه بالغسول اوالصابونه وتنشيف البشره
لأن لوتحطين ماسك على بشره فيها بقايا مكياج او غبار واوساخ بدل ماتفيدي بشرتك راح تضريها وراح تطلعلك حبوب تحت الجلد وممكن تهيج والتهاب للبشره .
.
احرصي على تقشير بشرتك مره بالأسبوع عشان تشيلين الجلد الميت وتكون بشرتك نظيفه و جاهزه للإستفاده من اي ماسك تستخدمينه لأن طبقة الجلد الميت تمنع البشره من امتصاص الماسك والاستفاده منه ويروح تعبك عالفاضي فضروووري تقشير البشره
.
اغسلي وجهك بالماء الدافئ او استخدمي البخار او منشفه مبلله بماء دافئ قبل الماسك ليش ؟؟ عشان تفتح المسامات وتتشرب الماسك وتستفيد منه البشره بأكبر قدر ممكن
.
حطي الماسك على بشرتك ودلكيه لمدة دقيقه او دقيقتين وخليه على بشرتك حسب المده المطلوبه لأن التدليك ينشط الدوره الدمويه وبالتالي امتصاص الماسك وتغذية البشره والاستفاده من الماسك
.
واخيراً اغسلي الماسك بالماء الدافي وبعدها بالماء البارد ليش ؟؟ لقفل المسام لأن المسام المفتوحه يعلق فيها الغبار والأوساخ وتنسد وماتتنفس البشره وبالتالي تسببلك مشاكل مالها آخر حبوب ونقط سودا ونمش وكلف فالوقايه خير من العلاج ، وآخر شي لاتنسي ترطبينها بالمرطب الخاص ببشرتك
