24 - 8 - 2025, 11:09 AM
|
| |
قصيدة جرح الوفا بين وصال ندمناه وغياب ما نسيناه
  <{ جرح الوفا... بين وصالٍ
ندمناه وغيابٍ ما نسيناه }>
قالت الشاعرة/ مواليف البدر:
لو عاد من أقفى يشهد الله عدنا
في القلب شــوق والروح تمــناه
مــن غيبــته ضعــنا وياما تعبــنا
ياما بكيـــنا وتســألنا وش جـــاه
على يقــين في حقــة ما غلطــنا
وأنه جــرحـنا ودمــرنا بـ فــرقاه
نـــــدرى أنه نـســـانا وما ذكـــرنا
إلا ليـته يخـســـر كل ما تمــــناه
الشاعرة / مواليف البدر
====================
الرد (حمد بن فهد المخالده السبيعي):
آه ياليتنا بعد الفرقا صمنا وشمنا
وانطفى من القلب شـوق فقدناه
البعد نار تعــود بها دايم يحـرقنا
قفل جواله وشككنا برقم دقيناه
واجزم إنا في حقه أبد ما غلطنا
باب قلبنا صوبه مفتوح ماقفلناه
يامواليف البدر قدرناه وما قدرنا
طاع الحساد جرحنا وما جرحناه
راح والقلب ودم العروق له سقنا
نسانا ونسى المعروف ومانسيناه
ألا ليت الزمن يرجع بـلا مواجعنا
ونرد للقلب القاسي درس تعلمناه
الشاعر/ حمد بن فهد المخالده السبيعي
------------------
💔 بين القلبين... كان الوفا
جسرًا، لكن الجرح هدّه.
🤍 ويبقى الشعر مرآة الأرواح، حين
يعجز الكلام عن البوح.
|